ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴻⴼⴽ ⵓⵙⵃⵓⵍⴼⵓ ⵏ ⵓⴳⴷⵓⴷ ⵖⴻⴼ ⵍⵎⴰⴹⴻⵔⵔⴰ ⵏ ⵓⵅⵚⴰⵔ ⵏ ⵜⵥⴻⴳⵡⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⵙ ⵏ 25 ⵜⵓⴱⴻⵕ ⴷ ⴰⵙⵙ ⴰⵖⴻⵍⵏⴰⵡ ⵏ ⵓⵙⴻⴽⵍⵓ (ⵛⴰⴵⴰⵕⴰ) ⵢⴻⵔⵏⴰ ⴰⴷ ⴷ-ⵢⵉⵍⵉ ⴷ ⵜⴰⴳⵏⵉⵜ ⵉ ⵓⵙⵃⵓⵍⴼⵓ ⵏ ⵓⴳⴷⵓⴷ ⵖⴻⴼ ⵍⵎⴰⴹⴻⵔⵔⴰ « ⵜⴰⵎⴻⵇⵔⴰⵏⵜ » ⴰⴷ ⴷ-ⵢⴻⴽⴽⴻⵏ ⵙⴻⴳ ⵓⵅⵚⴰⵔ ⵏ ⵜⵥⴻⴳⵡⴰ, ⴷ ⵓⵙⵎⴻⴽⵜⵉ ⴷ ⴰⴽⴽⴻⵏ « ⴰⵟⴰⵙ ⵏ ⵛⵛⵖⴻⵍ ⴰⵢ ⵢⴻⴳⴳⵓⵏⵉⵏ » ⵉ ⵍⵎⴻⵏⴷ ⵏ ⵓⵃⵔⴰⵣ ⵏ ⵓⴳⴰⵎⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⴼⴻⵍⵍⴰⵃⵜ.

ⵏⵏⵉⴳ ⵜⵓⴽⵛⵉ ⵏ ⵡⴰⵣⴰⵍ ⵎⴻⵖⵖⵔⴻⵏ ⵓⴳⴰⵔ ⵉ ⴷⴷⵓⵕ ⵏ ⵓⵙⴻⴽⵍⵓ ⴷ ⵜⴻⵥⴳⵉ ⴷⴻⴳ ⵜⵡⴻⵏⵏⴰⴹⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵏⵇⴻⵙ ⵏ ⵍⵎⴰⴹⴻⵔⵔⴰ ⵏ ⵓⴱⴻⴷⴷⴻⵍ ⵏ ⵓⵏⴻⵣⵡⵓ (ⵎⴰⵏⴰⵅ), ⴰⵙⵙ ⴰⵖⴻⵍⵏⴰⵡ ⵏ ⵓⵙⴻⴽⵍⵓ ⴰⴷ ⴷ-ⵢⵉⵍⵉ ⴷⴰⵖ ⴷ ⵜⴰⴳⵏⵉⵜ ⵉ ⵓⵅⴻⴱⴱⴻⵔ ⴷ ⵓⵙⵃⵓⵍⴼⵓ ⵏ ⵎⴻⴷⴷⴻⵏ ⵖⴻⴼ ⵓⵅⵚⴰⵔ ⵏ ⵜⵥⴻⴳⵡⴰ.

ⴰⵖⵍⵉⴼ ⵢⴻⵔⵏⴰ-ⴷ ⴷ ⴰⴽⴽⴻⵏ « ⴰⵟⴰⵙ ⵏ ⵛⵛⵖⴻⵍ ⴰⵢ ⵢⴻⴳⴳⵓⵏⵉⵏ ⵉ ⵓⵃⵔⴰⵣ ⵏ ⵜⵥⴻⴳⵡⴰ-ⵏⵏⴻⵖ ⴷ ⵓⴳⴰⵎⴰ ⵙ ⵓⵎⴰⵜⴰ ».

ⴷⴻⴳ ⵢⵉⵡⴻⵜ ⵏ ⵜⴻⴼⵜⴰⵔⵜ (ⵡⴰⵜⵉⵇⴰ) ⴰⵢ ⴷ-ⵢⴻⴼⴼⵖⴻⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵓⵙⴻⴽⵍⵓ, ⵉⴳⴻⵔ-ⴷ ⵓⵖⵍⵉⴼ ⵜⵉⵖⵔⵉ ⵉ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵏ ⵜⵎⴻⵜⵜⵉ ⴰⴽⴽⴻⵏ ⴰⴷ ⴳⴻⵏⵜ ⴰⴽⴽ ⵍⴻⵛⵖⴰⵍ ⴷ ⵜⴻⴷⵢⴰⵏⵉⵏ ⴰⵢ ⵡⴰⵍⴰⵏⵜ ⵡⴰⵜⴰⵏⵜ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵡⴰⵙⵙ-ⴰ ⵉ ⵍⵎⴻⵏⴷ ⵏ ⵓⵙⵙⴻⴱⵖⴻⵙ (ⵜⴰⵛⴵⵉⵄ) ⵏ ⵓⴳⴷⵓⴷ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵃⵔⴰⵣ ⵏ ⵓⵙⴻⴽⵍⵓ, ⵏ ⵓⴳⴰⵎⴰ ⴷ ⵜⵡⴻⵏⵏⴰⴹⵜ.

ⴰⵙⵙ ⴰⵖⴻⵍⵏⴰⵡ ⵏ ⵓⵙⴻⴽⵍⵓ ⵏ ⵓⵙⴻⴳⴳⴰⵙ-ⴰ ⴰⴷ ⴷ-ⵢⵉⵍⵉ ⵙ ⵓⵙⴻⵏⵜⴻⵍ ⵏ « ⴰⵙⴻⴽⵍⵓ: ⴷ ⴰⵙⵙⴻⴼⵜⵉ ⵏ ⵢⵉⵎⴰⵍ », ⵢⴻⵔⵏⴰ ⴰⴷ ⵢⵉⵍⵉ ⴷⴰⵖ ⴷ ⵜⴰⴳⵏⵉⵜ ⵉ ⵓⵙⵙⴽⴰⵏ ⵍⴼⴰⵢⴷⴰⵜ ⴰⵢ ⵣⴻⵎⵔⴻⵏ ⴰⴷ ⴷ-ⵙⴼⴰⵢⴷⵉⵏ ⵢⵉⵎⴻⵣⴷⴰⵖⴻⵏ ⵢⴻⴷⴷⵔⴻⵏ ⵙⴷⴰⵜ ⵜⵥⴻⴳⵡⴰ ⵎⴰ ⵃⴻⵔⵣⴻⵏ ⵜⵉⵥⴻⴳⵡⴰ-ⵏⵙⴻⵏ.