ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵓⵎⴰⴹⴰⵍ: ⵍⴻⵣⵣⴰⵢⴻⵔ ⴷ ⵜⴰⵏⵣⴰⵏⵢⴰ ⴷⴻⴳ ⵍⴻⴱⵍⵉⴷⴰ ⵖⴻⴼ 7ⵙ15 ⵏ ⵜⵎⴻⴷⴷⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵜ ⴳⴰⵔ ⵍⴻⵣⵣⴰⵢⴻⵔ ⴷ ⵜⴰⵏⵣⴰⵏⵢⴰ ⴷⴻⴳ ⵜⵓⵣⵣⵢⴰ ⵜⵉⵙ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⴰⴷ ⴷ-ⵜⵉⵍⵉ ⴰⵙⵙ ⵏ ⵜⵜⵍⴰⵜⴰ 17 ⵏⵡⴻⵎⴱⴻⵕ ⵖⴻⴼ 7ⵙ15 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ ⴷⴻⴳ ⵍⴻⴱⵍⵉⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵙⵙⴻⴱⵜ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ.

ⴰⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⵢⴻⵏⵏⴰ-ⴷ ⴷⴷⵓⵕⵜ ⵢⴻⵣⵔⵉⵏ ⴷ ⴰⴽⴽⴻⵏ ⴰⴷ ⵢⴻⵎⵛⵉⵡⴻⵕ ⴷ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵖⴻⴼ ⵓⵙⴰⵔⵉⵔ ⴰⵢⴷⴻⴳ ⴰⴷ ⵓⵔⴰⵔⴻⵏ ⵜⵉⵎⵍⵉⵍⵉⵜ-ⴰ, ⵙⴰⴽⴽⵉⵏ ⴰⴷ ⴰⵙⴰⵔⵉⵔ ⵏ ⵜⵛⵀⴰⴽⴻⵔ ⴰⵢ ⵢⴻⵜⵜⵡⴰⴼⴻⵔⵏⴻⵏ.

ⴷⴻⴼⴼⵉⵔ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵜⵉⵎⵎⵉⴷⵡⴰⵏⵉⵏ (ⴳⵉⵏⵢⴰ ⵙ 1 ⵖⴻⵔ 2, ⴷ ⵙⵉⵏⵉⴳⴰⵍ ⵙ 1 ⵖⴻⵔ 0) ⴰⵢ ⵜⵓⵔⴰⵔ ⵍⴻⵣⵣⴰⵢⴻⵔ ⴷⴻⴳ ⵓⵙⴰⵔⵉⵔ ⵏ 5 ⵢⵓⵍⵢⵓ, ⵜⵉⴽⴽⴻⵍⵜ-ⴰ ⴰⴷ ⵓⵖⴰⵍⴻⵏ ⵖⴻⵔ ⵜⵛⵀⴰⴽⴻⵔ ⴰⵏⴷⴰ ⴰⵢ ⵏⵏⵓⵎⵎⴻⵏ ⵜⵜⵓⵔⴰⵔⴻⵏ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵢⴻⵔⵏⴰ ⴷⴻⴳ ⵓⵙⴰⵔⵉⵔ-ⴰ ⴰⵢ ⵙⵙⴰⵡⴹⴻⵏ ⴰⴷ ⵄⴻⴷⴷⵉⵏ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2010 ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⴷ ⵜⵉⵏ ⵏ 2014 ⴰⵢ ⴷ-ⵢⴻⵍⵍⴰⵏ ⴷⴻⴳ ⴱⵔⵉⵣⵉⵍ. ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵡⴻⵔⴵⵉⵏ ⵜⴻⵜⵜⵡⴻⵔⵏⴰ ⴷⴻⴳ ⵓⵙⴰⵔⵉⵔ ⵏ ⵍⴻⴱⵍⵉⴷⴰ ⵙⴻⴳ 2008.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⵙⴻⵎⵎⴰ-ⴷ ⵉⵏⴻⴼⵔⴰⵢⴻⵏ ⵉⴽⴰⵎⵔⵓⵏⵉⵢⴻⵏ ⴰⴽⴽⴻⵏ ⴰⴷ ⴷ-ⵍⵀⵓⵏ ⴷ ⵜⴻⵎⵍⵉⵍⵉⵜ-ⴰ ⴳⴰⵔ ⵍⴻⵣⵣⴰⵢⴻⵔ ⴷ ⵜⴰⵏⵣⴰⵏⵢⴰ.

ⵉⵎⴹⴻⴱⴱⴻⵔ ⵏ ⵜⴻⵎⵍⵉⵍⵉⵜ ⴷ ⴰⵏⴻⴼⵔⴰⵢ ⴰⵍⵉⵧⵓⵎ ⵏⴻⴰⵏ, ⵢⴻⵔⵏⴰ ⴰⴷ ⵜ-ⵄⴰⵡⵏⴻⵏ ⵡⴰⵔⵔⴰⵡ ⵏ ⵜⵎⵓⵔⵜ-ⵏⵏⴻⵙ ⵎⴻⵏⴽⵧⵓⴰⵏⴷⴻ ⴻⵠⴰⵔⵉⵙⵜ ⴷ ⵏⵧⵓⵒⵓⴻ ⵏⴳⵓⴻⴳⵧⵓⴻ ⴳⵓⵢ. ⴰⵏⴻⴼⵔⴰⵢ ⵡⵉⵙ 4 ⴷ ⴰⴽⴰⵎⵔⵓⵏⵉ ⵎⵧⵓⴰⵏⴷⵊⵧ ⴽⴰⵍⵍⴰ ⵀⴻⵏⵔⵢ.

ⵜⵉⵎⵍⵉⵍⵉⵜ ⵏ ⵕⵕⵡⴰⵃ ⴰⴷ ⴷ-ⵜⵉⵍⵉ ⴰⵙⵙ ⵏ 14 ⵏⵡⴻⵎⴱⴻⵕ ⴷⴻⴳ ⵏⴰⵜⵉⵧⵏⴰⵍ ⵙⵜⴰⴷⵉⵓⵎ ⴷⴻⴳ ⴷⴰⵔ ⴻⵙ ⵙⴰⵍⴰⵎ (ⵜⴰⵏⵣⴰⵏⵢⴰ).

ⵜⴰⵎⵓⵔⵜ ⴰⴷ ⵉⵔⴻⴱⵃⴻⵏ ⵙⵏⴰⵜ-ⴰ ⵏ ⵜⴻⵎⵍⵉⵍⵉⵢⵉⵏ ⴰⴷ ⵜⵄⴻⴷⴷⵉ ⵖⴻⵔ ⵜⵓⵣⵣⵢⴰ ⵜⵉⵙ 3 ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⵓⵣⵣⵢⴰ ⵜⴰⵏⴻⴳⴳⴰⵔⵓⵜ ⵏ ⵡⵓⵔⴰⵔ ⴷⴻⴳ ⵡⴰⴼⴼⴰⵙⴻⵏ. ⵜⵓⵣⵣⵢⴰ-ⴰ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ 20 ⵏ ⵜⴻⵖⵍⴰⵎⵉⵏ ⵢⴻⴱⴹⴰⵏ ⵖⴻⴼ 5 ⵏ ⵜⴻⴳⵔⴰⵡⵉⵏ ⵏ 4 ⵏ ⵜⴻⵖⵍⴰⵎⵉⵏ. ⵜⴰⵎⵓⵔⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵢⴰⵍ ⵜⴰⴳⵔⴰⵡⵜ ⴰⴷ ⵜⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⴰⴷ ⴷ-ⵢⵉⵍⵉⵏ ⴷⴻⴳ ⵔⵓⵙⵢⴰ.