ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ: 70 ⵏ ⵢⵉⵙⴻⴳⴳⴰⵙⴻⵏ ⵏ ⵢⵉⵎⴻⵏⵖⵉ ⵖⴻⴼ ⵜⴰⵍⵡⵉⵜ ⴷ ⵍⴰⵎⴰⵏ

ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵜⵓⴷⴷⵙⴰ-ⴰ (ⵎⵓⵏⴰⴹⴹⴰⵎⴰ) ⵙⵙⴰⵡⵍⴻⵏ-ⴷ, ⴷⴻⴳ ⵜⵎⴻⵖⵔⴰ ⵏ ⵓⵎⵓⵍⵍⵉ ⵡⵉⵙ 70 ⵏ ⵓⵙⵙⴻⴱⴷⴻⴷ ⵏ ⵓⵙⵙⴻⴱⴷⴻⴷ-ⵏⵏⴻⵙ, ⵖⴻⴼ ⵡⴰⵢⴻⵏ ⴰⵢ ⵜⴳⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⴷ ⵡⵓⴳⵓⵔⴻⵏ ⴰⵢ ⵜⵜ-ⵢⴻⴳⴳⵓⵏⵉⵏ ⵙⴻⴳ-ⴰ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⴰⵣ ⵏ ⵜⴰⵍⵡⵉⵜ ⴷ ⵍⴰⵎⴰⵏ.

« 70 ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵡⴰⵙⵎⵉ ⴰⵢ ⵍⴰ ⴷ-ⵎⵎⴰⵍⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴱⵔⵉⴷ ⵉ ⵢⵉⵖⵍⴰⵏⴻⵏ ⴰⴽⴽⴻⵏ ⴰⴷ ⴹⴻⴼⵔⴻⵏ ⴰⴱⵔⵉⴷ ⵏ ⵜⴰⵍⵡⵉⵜ, ⴰⴼⴰⵔⴰ (ⵜⴰⵇⴰⴷⴷⵓⵎ) ⴰⵏⵎⴻⵜⵜⵉ ⴷ ⵜⵓⴷⴻⵔⵜ ⵢⴻⵍⵀⴰⵏ ⴷⴻⴳ ⵜⴻⴳⵏⵉⵜ ⵏ ⵜⵍⴻⵍⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴰⵏ ⴽⵉ-ⵎⵧⵧⵏ ⵎⵉ ⴷ-ⵢⴻⴱⴷⴻⵔ ⴰⵙⵙⴻⴼⵄⴻⵍ ⵏ ⵓⵔⴽⴰⵡⴰⵍ (ⵎⵉⵜⴰⵇ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ 1945 ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴷⴻⴳ ⵏⴻⵡ ⵢⵧⵔⴽ.

ⵜⴰⵎⴻⵖⵔⴰ-ⴰ ⵏ ⵓⵎⵓⵍⵍⵉ ⴳⴰⵏ-ⵜⵜ ⴷⴻⴳ ⵜⵣⴻⵇⵇⴰ ⵏ ⵓⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵏⴻⵡ ⵢⵧⵔⴽ, ⵢⴻⵔⵏⴰ ⵜⴻⵍⵍⴰ-ⴷ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵡⴰⵙⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⴻⴳⴳⴰⵙ ⴷⴻⴳ 24 ⵜⵓⴱⴻⵕ.

« ⴰⵔⴽⴰⵡⴰⵍ ⵓⵔ ⵢⴻⵜⵜⵡⴰⵔⵓ ⴰⵔⴰ ⵙ ⵢⵉⵙⴻⵎ ⵏ ⵢⵉⵏⴰⴱⴰⴹⴻⵏ (ⵍⵃⵓⴽⵓⵎⴰⵜ) ⵡⴰⵏⴰⴳ ⵙ ⵡⵉⵏ ⵏ 'ⵏⴻⴽⴽⵏⵉ ⵙ ⵢⵉⵖⴻⵔⴼⴰⵏ’ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴰⵏ ⴽⵉ-ⵎⵧⵧⵏ. « ⴰⵔⴽⴰⵡⴰⵍ-ⴰ ⵢⴻⵍⵍⴰ-ⴷ ⵉ ⵡⴰⴽⴽ ⵎⴻⴷⴷⴻⵏ, ⵎⴰⵛⴰ ⵜⴻⵔⵣⴰ-ⴷ ⵍⴰⴷⵖⴰ ⵉⴳⴻⵍⵍⵉⵍⴻⵏ, ⵉⵎⴷⴰⵏⴻⵏ ⵓⴹⵄⵉⴼⴻⵏ ⴷ ⵡⵉⴷ ⵢⵓⵖⴰⵍⴻⵏ ⴷⴻⴳ ⵢⵉⴷⵉⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ ⴽⵓⵔⵢⴰ, ⵢⴻⵔⵏⴰ ⵢⴻⵛⴼⴰ ⵖⴻⴼ ⵟⵟⵔⴰⴷ ⵏ ⴽⵓⵔⵢⴰ (1950-1953), ⴰⵙⵎⵉ ⴰⵢ ⵜ-ⵎⴰⵣⴰⵍ ⴷ ⴰⴳⵔⵓⴷ, ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⵜⴻⴽⴽⴰⵏ ⴷⴻⴳ ⵓⵙⵍⴻⵍⵍⵉ (ⵜⴰⵃⵔⵉⵔ) ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ, ⵍⴰⴷⵖⴰ ⵉⵎⵉ ⴰⵢ ⵏⵏⵓⵖⴻⵏ ⵎⴳⴰⵍ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵕ), ⵎⴳⴰⵍ ⴰⵒⴰⵔⵜⵀⴻⵉⴷ (ⵎⴻⵃⵢⴰⴼ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ) ⴷ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵉ ⵡⴰⴽⴽ ⵉⵎⴷⴰⵏⴻⵏ, ⴰⴽⴽⴻⵏ ⵢⴻⴱⵖⵓ ⵢⵉⵍⵉ ⵢⵉⵔⵉ-ⵏⵙⴻⵏ, ⴷⴷⵉⵏ-ⵏⵙⴻⵏ, ⵜⴰⵖⵍⴻⵏⵜ-ⵏⵙⴻⵏ, ⵓⵣⵓⴼ-ⵏⵙⴻⵏ ⵏⴻⵖ ⴰⵡⴻⵀⵀⵉ-ⵏⵙⴻⵏ ⴰⵣⴼⵉ.

« ⵉⴱⴰⵏ ⵢⴻⵍⵍⴰ ⵡⴰⵢⴻⵏ ⴰⵢⴷⴻⴳ ⵉⵅⵓⵚⵚ ⵓⵅⴻⴷⴷⵉⵎ-ⵏⵏⴻⵖ, ⵎⴰⵛⴰ ⵡⴰⵔ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵎⴰⴹⴰⵍ ⴰⴷ ⵢⵉⵍⵉ ⴷ ⴰⵎⴽⴰⵏ ⵉⵛⴻⵎⵜⴻⵏ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴷⵎⴻⵏ ⴰⵀⵉⵍ ⵏ ⵓⵏⵏⴻⴼⵍⵉ (ⵜⴰⵏⵎⵉⵢⴰ) ⴰⴷⵓⵎⴰⵏ ⵏ 2030 ⴷⴻⴳ ⵡⴰⵢⵢⵓⵔ ⵏ ⵛⵜⴻⵎⴱⴻⵕ ⵢⴻⵣⵔⵉⵏ, ⵢⴻⵔⵏⴰ ⵙ ⵡⴰⵢⴰ, ⵎⵄⴰⵀⴰⴷⴻⵏⵜ ⵜⵎⵓⵔⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴽⴽⵙⴻⵏⵜ ⵜⴰⵍⴻⵇⵇⵉ (ⴼⵓⵇⵔ) ⴰⵎ ⵡⴰⴽⴽⴻⵏ ⴰⴷ ⴼⴽⴻⵏⵜ ⵜⴰⴳⵏⵉⵜ ⵉ ⵡⴰⴽⴽ ⵉⵎⴷⴰⵏⴻⵏ ⵏ ⵓⵎⴰⴹⴰⵍ ⴰⴷ ⴷⴷⵔⴻⵏ ⴷⴻⴳ ⵜⴻⵣⵎⴻⵔⵜ ⵢⴻⵍⵀⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵎⴰⵙⵙ ⴱⴰⵏ.

« ⴰⵙⵙ-ⴰ, ⵢⴻⵙⵙⴻⴼⴽ ⴰⴷ ⵏⴻⴷⴷⴻⵎ ⴰⴽⵓⴷ ⴰⴽⴽⴻⵏ ⴰⴷ ⵏⵅⴻⵎⵎⴻⵎ ⵖⴻⴼ ⵍⵄⴰⵀⴻⴷ ⴰⵢ ⵢⴻⴼⴽⴰ ⵓⵔⴽⴰⵡⴰⵍ ⴷ ⵢⵉⵙⵡⴰⵏ ⵏ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⴰⴷⵓⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴰⵏ ⴽⵉ-ⵎⵧⵧⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ « ⴰⵙⴻⵜ-ⴷ ⴰⴷ ⵏⴻⵙⴷⵓⴽⴽⵍⴻⵜ ⵉⵖⴰⵍⵍⴻⵏ-ⵏⵏⴻⵖ ⵉ ⵍⵎⴻⵏⴷ ⵏ ⵢⵉⵖⴻⵔⴼⴰⵏ-ⵏⵏⴻⵖ. »