ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵜⴻⴼⴽⴰ 410 ⵏ ⵢⵉⵟⵓⵏⴻⵏ ⵏ ⵍⴻⵎⵄⴰⵡⵏⴰ ⵉ ⵢⵉⵚⴻⵃⵔⴰⵡⵉⵢⴻⵏ

ⵛⵀⴰⵀⵉⴷ ⴻⵍ-ⵀⴰⴼⴻⴷ (ⵉⵎⵉⵣⴰⵔ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ) – ⴰⵣⴰⵍ ⵏ 410 ⵏ ⵢⵉⵟⵓⵏⴻⵏ ⵏ ⵍⴻⵎⵄⴰⵡⵏⴰ ⴰⵢⴷⴻⴳ ⵜⴻⵍⵍⴰ ⵜⵓⵞⵞⵉⵜ ⵏ ⵍⵍⵙⴰⵙ ⴰⵢ ⵜⴻⴼⴽⴰ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵉ ⵓⵎⴰⵣⵉⵔ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵛⵀⴰⵀⵉⴷ ⴻⵍ-ⵀⴰⴼⴻⴷ.

ⵍⴻⵎⵄⴰⵡⵏⴰ-ⴰ ⵙⵙⴰⵡⴹⴻⵏ-ⵜⵜ ⵙ ⵢⵉⵡⴻⵜ ⵏ ⵜⵙⴻⴳⵍⵉⵜ ⵏ 13 ⵏ ⵢⵉⴽⴰⵎⵢⵓⵏⴻⵏ ⵏ ⵍⵎⵉⵣⴰⵏ ⴰⵎⴰⵥⴰⵢ, ⵢⴻⵔⵏⴰ ⴷ ⴰⵃⵔⵉⵛ ⴰⵎⴻⵣⵡⴰⵔⵓ ⵙⴻⴳ ⵍⴻⵎⵄⴰⵡⵏⴰ ⴰⵢ ⴷ-ⵢⴻⵜⵜⵡⴰⵚⴻⴷⴷⵇⴻⵏ ⵉ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴼⴼⵉⵔ ⵍⵃⴰⵍ-ⵏⵏⵉ ⵏ ⵜⴻⴳⵏⴻⵡⵜ ⵉⵅⴻⵚⵔⴻⵏ ⴰⵢ ⵜⴻⵏ-ⵉⵃⵓⵣⴰⵏ ⴷⴻⴳ ⵜⴻⵎⵏⴰⴹⵜ-ⴰ ⵢⴻⵔⵏⴰ ⵢⴻⵙⵙⴻⵅⵚⴻⵔ-ⴰⵙⴻⵏ ⵉⵅⵅⴰⵎⴻⵏ ⴷ ⵡⴰⵢⵍⴰ-ⵏⵙⴻⵏ.

ⵍⴻⵎⵄⴻⵡⵏⴰ-ⴰ ⴼⴽⴰⵏ-ⵜⵜ ⵢⵉⴷⵓⴱⴰ (ⵙⵓⵍⵓⵟⴰⵜ) ⵏ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⴷ ⵢⵉⵎⴹⴻⴱⴱⵔⴻⵏ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ ⵏ ⵜⴻⵎⵏⴰⴹⵜ-ⴰ ⵉ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⵚⴻⵃⵔⴰⵡⵉⵜ.

Ɣⴻⴼ ⵍⴻⵃⵙⴰⴱ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵏ ⵜⵉⵏⴷⵓⴼ, ⵎⴰⵣⴰⵍ ⴰⴷ ⴷ-ⵜⴻⵜⵜⵡⴰⵣⴻⵏ ⵍⴻⵎⵄⴰⵡⵏⴰ ⵏⵉⴹⴻⵏ ⵉ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ, ⵢⴻⵔⵏⴰ ⴰⵙⵙ ⵏ ⵍⵃⴻⴷⴷ ⵜⴰⵚⴻⴱⵃⵉⵜ, ⵜⴰⵙⴻⵍⵡⴰⵢⵜ ⵏ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ, ⵙⴰⵉⴷⴰ ⴱⴻⵏⵀⴰⴱⵉⵍⴻⵙ, ⵜⴻⴼⴽⴰ ⵍⴰⵎⴻⵕ ⴰⴽⴽⴻⵏ ⴰⴷ ⵇⴻⵍⵄⴻⵏⵜ ⵜⴻⵖⵍⴰⵎⵉⵏ ⴰⴷ ⵢⴻⵙⵙⵉⵡⴹⴻⵏ 1100 ⵏ ⵢⵉⵟⵓⵏⴻⵏ ⵏ ⵍⴻⵎⵄⴰⵡⵏⴰ ⵙ ⵓⵊⴻⵎⵎⴰⵍ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⴻⵔⵏⴰ ⵍⴻⵎⵄⴰⵡⵏⴰ-ⴰ ⵜⴻⵍⵍⴰ ⴷⴻⴳ-ⵙ ⵜⵓⵞⵞⵉⵜ ⵏ ⵍⵍⵙⴰⵙ, ⵜⴰⴷⵓⵍⵉ ⴷ ⵜⴻⵎⴹⴻⵔⵔⴱⵉⵏ.

ⵜⴰⵖⵍⴰⵎⵜ (ⵇⴰⴼⵉⵍⴰ) ⵏⵉⴹⴻⵏ ⵏ ⵍⴻⵎⵄⴰⵡⵏⴰ ⴰⴷ ⵜⴻⵇⵍⴻⵄ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ.

ⴰⵙⵙ ⵏ ⵙⵙⴻⴱⵜ, ⵜⴻⴷⴷⴰ ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴷ ⵎⴰⵙⵙ ⵜⴰⵀⴰⵔ ⵎⴻⵍⵉⵣⵉ, ⴰⵏⴻⵙⵎⵉⴳⴰⵍ ⴰⵖⴻⵍⵏⴰⵡ ⵏ ⵢⵉⵎⵉⵀⵉⵜⴻⵏ ⵉⵎⴻⵇⵔⴰⵏⴻⵏ, ⴰⴽⴽⴻⵏ ⴰⴷ ⵥⵔⴻⵏ ⵉⵅⴻⵚⵚⴰⵔⴻⵏ ⵉⵎⴻⵇⵔⴰⵏⴻⵏ ⴰⵢ ⵉⵃⵓⵣⴰⵏ ⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴷ ⵜⴻⴳⵏⵉⵜ ⴰⵢⴷⴻⴳ ⵍⵍⴰⵏ, ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵎⴰ ⵉⵡⴻⵜ-ⴷ ⵓⴳⴻⴼⴼⵓⵔ ⴷ ⴰⵎⴻⵇⵔⴰⵏ (ⵓⴳⴰⵔ ⵏ 45 ⵏ ⵢⵉⵎⵉⵍⵉⵎⵉⵜⵔⴻⵏ) ⴷⴻⴳ ⵜⴻⵎⵏⴰⴹⵜ-ⴰ.