Asebter amenzawi

Tazzirt Tazewwaɣt Tadzayrit tefka 410 n yiṭunen n lemɛawna i Yiṣeḥrawiyen

CHAHID EL-HAFED (imizar n yizrazaɣen iṣeḥrawiyen) – Azal n 410 n yiṭunen n lemɛawna aydeg tella tuččit n llsas ay tefka Tazzirt Tazewwaɣt Tadzayrit i umazir n yizrazaɣen (laǧi’in) Chahid El-Hafed.

Lemɛawna-a ssawḍen-tt s yiwet n tseglit n 13 n yikamyunen n lmizan amaẓay, yerna d aḥric amezwaru seg lemɛawna ay d-yettwaṣeddqen i yizrazaɣen iṣeḥrawiyen deffir lḥal-nni n tegnewt ixeṣren ay ten-iḥuzan deg temnaḍt-a yerna yessexṣer-asen ixxamen d wayla-nsen.

Lemɛewna-a fkan-tt yiduba (suluṭat) n twilayt n Tinduf d yimḍebbren n Tazzirt Tazewwaɣt Tadzayrit n temnaḍt-a i ugensas (mumattil) n Tazzirt Tazewwaɣt Taṣeḥrawit.

Ɣef leḥsab n yimasayen (mas’ulin) n Tazzirt Tazewwaɣt n Tinduf, mazal ad d-tettwazen lemɛawna niḍen i yizrazaɣen iṣeḥrawiyen, yerna ass n lḥedd taṣebḥit, taselwayt n Tazzirt Tazewwaɣt Tadzayrit, Saida Benhabiles, tefka lameṛ akken ad qelɛent teɣlamin ad yessiwḍen 1100 n yiṭunen n lemɛawna s ujemmal deg wussan ay d-yetteddun, yerna lemɛawna-a tella deg-s tuččit n llsas, taduli d temḍerrbin.

Taɣlamt (qafila) niḍen n lemɛawna ad teqleɛ ass n ttlata ɣer yimaziren n yizrazaɣen iṣeḥrawiyen, ɣef wakken ay d-wekkden.

Ass n ssebt, tedda yiwet n tmagla (wafd) n uɣlif n tɣawsiwin n daxel, d Mass Tahar Melizi, anesmigal aɣelnaw n yimihiten imeqranen, akken ad ẓren ixeṣṣaren imeqranen ay iḥuzan izrazaɣen iṣeḥrawiyen d tegnit aydeg llan, yiwen wass deffir ma iwet-d ugeffur d ameqran (ugar n 45 n yimilimitren) deg temnaḍt-a.