ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵜⴻⵕⴱⴻⵢⵢⴰ: ⵍⵎⵉⵜⴰⵇ ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⴷ ⵓⵔⴽⴰⴷ ⴰⴽⴽⴻⵏ « ⴰⴷ ⵢⵉⵍⵉ ⵍⴰⵎⴰⵏ »
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵜⵜⵡⴰⵀⴻⵢⵢⴰ-ⴷ ⵓⵙⴻⵏⴼⴰⵔ ⵏ ⵓⴹⵔⵉⵙ ⵏ ⵓⵔⴽⴰⵡⴰⵍ (ⵍⵎⵉⵜⴰⵇ) ⵏ ⵜⴻⵣⴷⴻⴳ ⵏ ⵚⵚⴻⵏⵄⴰ ⴷ ⵓⵔⴽⴰⴷ ⵏ ⵓⵏⴰⴳⵔⴰⵡ ⴰⵙⴻⴳⵎⴰⵏ (ⵏⵉⴹⴰⵎ ⵜⴰⵔⴱⴰⵡⵉ), ⵢⴻⵔⵏⴰ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵜⵜⵓⵏⴻⴼⴽ ⵉ ⵙⵙⴰⵏⴷⵉⴽⴰⵜ ⵏ ⵓⵃⵔⵉⵛ-ⴰ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏⵜ ⴼⴻⵍⵍ-ⴰⵙⴻⵏⵜ ⵜⵉⵟ. ⵉⵙⵡⵉ ⵏ ⵓⵔⴽⴰⵡⴰⵍ-ⴰ ⴷ ⴰⵙⵙⴻⴱⴷⴻⴷ ⵏ « ⵍⴰⵎⴰⵏ » ⴳⴰⵔ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ ⵏ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ).
« ⵍⴰⵎⴰⵏ-ⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵎⵉ ⴰⴷ ⵉⵇⴰⴷⴻⵔ ⵢⴰⵍⵉ ⴷⵉⵙ ⵍⴻⴷⵡⴰⵕ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵏⴼⴰⵔ-ⴰ ⵏ ⵓⴹⵔⵉⵙ.
ⵜⴰⴼⵜⴰⵔⵜ-ⴰ (ⵡⴰⵜⵉⵇⴰ) ⵉⵀⴻⵢⵢⴰ-ⵜⵜ-ⵉⴷ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵢⴻⵔⵏⴰ ⴰⴷ ⴷ-ⵢⴻⵙⵙⴻⴱⴷⴻⴷ « ⵜⴰⴳⵏⵉⵜ ⵏ ⵍⵄⴰⴼⵢⴰ ⴷ ⵓⵔⴽⴰⴷ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵉⵍⵉ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵡⴰⵟⴰⵙ ⵍⴻⵛⵖⴰⵍ ⴰⴷ ⵢⴻⵙⵙⴰⵍⵉⵏ ⴰⵙⵡⵉⵔ ⵏ ⵓⵙⵙⴻⴳⵎⵉ, ⵜⴰⵖⴰⵔⴰ ⵏ ⵓⵃⴽⴰⵎ ⴷ ⵓⵇⴰⴷⴻⵔ ⵏ ⵜⴻⵣⴷⴻⴳ ⴷ ⵜⴳⴰⴷⴷⴰ (ⵎⵓⵙⴰⵡⴰⵜ) ».
ⴰⵔⴽⴰⵡⴰⵍ-ⴰ ⵢⴻⴼⴽⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⴱⴰⵍⵎⵓⴷ (ⵜⵉⵍⵎⵉⴷ) ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵢⴻⵜⵜⵡⴰⵇⴱⴰⵍ ⴰⵔⴰ ⴰⴽⴽ ⵓⵜⵄⴻⴷⴷⵉ ⵖⴻⴼ ⵍⴻⵇⴷⴻⵔ ⵏ ⵓⴱⴰⵍⵎⵓⴷ.
« ⵓⵔ ⵢⴻⵙⵙⴻⴼⴽ ⴰⵔⴰ ⴰⴽⴽ ⵓⵅⴻⴷⴷⴰⵎ ⵏ ⵜⵜⴻⵕⴱⴻⵢⵢⴰ ⴰⴷ ⵢⴻⵙⵙⴻⵇⴷⴻⵛ ⵜⴰⴽⵔⵉⴹⵜ (ⵄⵓⵏⴼ) ⴰⵎⴰ ⵏ ⵜⴼⴻⴽⴽⴰ, ⴰⵎⴰ ⵏ ⵍⴱⴰⵍ, ⵎⴳⴰⵍ ⵓⴱⴰⵍⵎⵓⴷ », ⵖⴻⴼ ⵍⴻⵃⵙⴰⴱ ⵏ ⵓⴹⵔⵉⵙ-ⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔⴷⴰⵏ ⵉⵎⴻⵄⴷⴰⵕ ⵙⵄⴰⵏ ⴰⵣⵔⴻⴼ ⴰⴽⴽⴻⵏ ⴰⴷ ⵍⴻⵎⴷⴻⵏ ⴷⴻⴳ ⵓⵖⴻⵔⴱⴰⵣ ⴷⴻⴳ ⵜⴻⴳⵏⵉⵜ ⴰⴷ ⴰⵙⴻⵏ-ⵉⴹⴻⵎⵏⴻⵏ ⵍⴻⵇⴷⴻⵔ ⵢⴻⵔⵏⴰ ⴰⴷ ⵜⴻⵙⵙⴻⴵⵀⴻⴷ ⵜⴰⵣⵎⴻⵔⵜ-ⵏⵙⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⵓⴷⴻⵔⵜ ⵏ ⵓⵖⴻⵔⴱⴰⵣ ».