ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴰⵔⴰⵢ ⵏ ⴷⴷⴻⵡⵍⴰ ⵜⴰⵜⵓⵏⵙⵉⵜ : ⵎⵜⴰⵡⵉⵏⵜ ⵜⵎⵓⵖⵍⵉⵡⵉⵏ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵢⴻⵎⵎⴻⵣⴷⵉⵏ
ⵍⴻⵣⵣⴰⵢⴻⵔ- ⴰⵎⴰⵔⴰⵢ ⵏ ⴷⴷⴻⵡⵍⴰ ⵜⴰⵜⵓⵏⵙⵉⵜ ⵢⴻⵜⵜⵓⴽⴻⵍⴼⴻⵏ ⵙ ⵜⵖⴰⵡⵙⵉⵡⵉⵏ ⵜⴰⵄⵕⴰⴱⵉⵏ ⴰⴽⴽ ⴷ ⵜⴻⴼⵔⵉⵇⵉⵢⵉⵏ ⵜⵧⵓⵀⴰⵎⵉ ⴰⴱⴷⵧⵓⵍⵉ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ "ⴰⵎⵜⴰⵡⵉ ⵏ ⵜⵎⵓⵖⵍⵉⵡⵉⵏ" ⴳⴻⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵢⴻⵎⵎⴻⵣⴷⵉⵏ ⴰⴽⴽ ⴷ ⵜⵎⵉⵔⴰⵏⵉⵏ.
ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵢⴻⵅⴷⴻⵎ ⵉ ⵜⵖⴰⵎⵙⴰ ⴰⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ ⴷ-ⵢⴻⵍⵍⴰⵏ ⴰⴽⴽ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⴰⵄⵕⴰⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵎⴰⵙ ⴰⴱⴷⵧⵓⵍⵉ ⵢⴻⵏⵏⴰ ⴱⴻⵍⵍⵉ "ⵢⴻⵍⵍⴰ ⵡⵎⵜⴰⵡⵉ ⵢⴻⴳⴷⴰⵏ ⵏ ⵜⵎⵓⵖⵍⵉⵡⵉⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⵢⴻⵔⵣⴰⵏ ⵜⵓⵜⵜⵔⵉⵡⵉⵏ ⵜⵉⴷⴰⵎⵙⴰⵏⵉⵏ, ⵜⵉⵏⵎⴻⵜⵜⴰⵏⵉⵏ ⴰⴽⴽ ⴷ ⵜⵙⴻⵔⵜⴰⵏⵉⵏ ⵢⴻⵎⵎⴻⵣⴷⵉⵏ, ⵍⴰⴷⵖⴰ ⵜⵉⵍⵓⴼⴰ ⵏ ⵍⵉⴱⵢⴰ ⴰⴽⴽ ⴷ ⵙⵓⵔⵢⴰ".
ⵙⴻⴳ ⵢⵉⴷⵉⵙ-ⵉⵙ, ⵎⴰⵙ ⵎⴻⵙⵙⴰⵀⴻⵍ ⵢⴻⵏⵏⴰ ⴱⴻⵍⵍⵉ ⵍⴻⵣⵣⴰⵢⴻⵔ ⴰⴽⴽ ⴷ ⵜⵓⵏⴻⵙ "ⵛⴻⵔⴽⴻⵏ ⵢⵉⵡⴻⵜ ⵏ ⵜⵎⵓⵖⵍⵉ" ⵢⴻⵔⵣⴰⵏ "ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⵏ ⵜⴰⵍⵓⴼⵜ ⵜⴰⵍⵉⴱⵉⵜ ⵙ ⵓⵙⴱⴻⴷⴷⵉ ⵓⵏⴰⴱⴰⴹ ⵏ ⵜⴷⵓⴽⴽⵍⵉ ⵜⴰⵖⴻⵍⵏⴰⵡⵜ ⴰⴽⴽ ⴷ ⵡⴰⵣⴰⵍ ⵅⴻⴷⴷⵎⴻⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⵉ ⴼⴻⵔⵔⵓ ⵏ ⵜⴰⵍⵓⴼⵜ-ⴰⴳⵉ".
ⵓⴳⴰⵔ ⵏ ⵜⴰⵍⵓⴼⵜ ⵜⴰⵍⵉⴱⵉⵜ, ⵙⵉⵏ ⵉⴷⵉⵙⴰⵏ-ⴰⴳⵉ ⴱⴻⴷⵔⴻⵏ-ⴷ ⴷⴰⵖⴻⵏ "ⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ ⴰⴽⴽ ⴷ ⵍⵉⵃⴰⵍⴰ ⵢⴻⵍⵍⴰⵏ ⴷⵉ ⵙⴰⵃⴻⵍ", ⵉⴷ-ⵉⵡⴻⴽⴽⴻⴷ ⵎⴰⵙ ⵎⴻⵙⵙⴰⵀⴻⵍ ⵢⴻⵏⵏⴰⵏ ⴱⴻⵍⵍⵉ "ⵍⴻⵣⵣⴰⵢⴻⵔ ⴰⴽⴽ ⴷ ⵜⵓⵏⴻⵙ ⵜⵜⴻⵎⵛⴰⵡⴰⵕⴻⵏⵜ ⴷⴰⵢⵎⴻⵏ ⵖⴻⴼ ⵜⵓⵜⵜⵔⵉⵡⵉⵏ ⵜⵉⵙⴻⵔⵜⴰⵏⵉⵏ ⵏ ⵍⴰⵎⴰⵏ ⵢⴻⵎⵎⴻⵣⴷⵉⵏ".
