Asebter amenzawi

Amaray n ddewla Tatunsit : mtawint tmuɣliwin yerzan tuttriwin yemmezdin

LEZZAYER- Amaray n ddewla tatunsit yettukelfen s tɣawsiwin taɛṛabin akk d tefriqiyin Touhami Abdouli iwekked-d ass n lḥedd di Lezzayer "amtawi n tmuɣliwin" ger Lezzayer d Tunes yerzan tuttriwin yemmezdin akk d tmiranin.

Deg yiwet n teɣṛi yexdem i tɣamsa ar taggara n temlilit d-yellan akk d uneɣlaf n tɣawsiwin timaɣribiyin, n tdukkli tafriqit akk d ujerrid aɛṛab, Abdelkader Messahel, Mas Abdouli yenna belli "yella wmtawi yegdan n tmuɣliwin ger snat n tmura yerzan tuttriwin tidamsanin, tinmettanin akk d tsertanin yemmezdin, ladɣa tilufa n Libya akk d Surya".

Seg yidis-is, Mas Messahel yenna belli Lezzayer akk d Tunes "cerken yiwet n tmuɣli" yerzan "tifrat tasertant n taluft talibit s usbeddi unabaḍ n tdukkli taɣelnawt akk d wazal xeddmen waɣlan yeddukklen i ferru n taluft-agi".

Ugar n taluft Talibit, sin idisan-agi bedren-d daɣen "ibeddi mgal rrebrab akk d liḥala yellan di Saḥel", id-iwekked Mas Messahel yennan belli "Lezzayer akk d Tunes ttemcawaṛent daymen ɣef tuttriwin tisertanin n laman yemmezdin".