Asebter amenzawi

Lezzayer d Fṛansa: Aselway Hollande yemmuger Lamamra d Bouchouareb

PARIS- Aselway afṛansawi, François Hollande, yemmuger ass n letniyen di lilizi aneɣlaf n ddewla, aneɣlaf n tɣawsiwin n wezɣaṛ akk d lemɛiwna tageraɣlant, Ramtane Lamamra, akk d uneɣlaf n temguri d lminat, Abdessselam Bouchouareb.

Timlilit iḥeḍṛ-itt uneɣlaf afṛansawi n tɣawsiwin n wezɣaṛ akk d unegmu ageraɣlan, Laurent Fabius, d win n tdamsa, n temguri d temḍanit, Emmanuel Macron.

Imqeddmen n Lezzayer di Fṛansa, Amar Bendjama d win n Fṛansa di Lezzayer, Bernard Emié llan daɣen di temyuggert-agi.

Lawan n temlilit, Mas Ramtane Lamamra imudd izen uselway n Tegduda, Abdelaziz Bouteflika i uselway François Hollande.

Ineɣlafen izzayriyen llan deg yiwet n tirza almend n temlilit tis tlata n tseqqamutt tucrikt tadamsant ger Lezzayer d Fṛansa (COMEFA), deg ara yili usenyi n 9 n lufaqat yemmezdin.