ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⵎⴰⵎⵔⴰ ⵉⵡⴻⴽⴽⴻⴷ-ⴷ ⵖⴻⴼ ⵍⴻⵎⵅⴰⵍⵜⴰⵜ ⵢⴻⵜⵜⵓⵎⴻⵢⵣⴻⵏ ⴳⴻⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ
ⵒⴰⵔⵉⵙ- ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⴰⴽⴽ ⴷ ⵍⴻⵎⵄⵉⵡⵏⴰ ⵜⴰⴳⴻⵔⴰⵖⵍⴰⵏⵜ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⵉ ⵒⴰⵔⵉⵙ ⴷ ⴰⴽⴽⴻⵏ ⴷ ⴰⵙⵡⵉⵔ "ⵢⴻⵜⵜⵓⵎⴻⵢⵣⴻⵏ" ⵍⴻⵎⵅⴰⵍⵜⴰⵜ ⵢⴻⵍⵍⴰⵏ ⴳⴻⵔ ⵍⴻⵣⵣⴰⵢⴻⵔ ⴷ ⴼⵕⴰⵏⵙⴰ.
"ⴰⵎⵢⵓⴳⴳⴻⵔ ⴷ-ⵢⴻⵍⵍⴰⵏ ⴰⴽⴽ ⴷ ⵓⵙⴻⵍⵡⴰⵢ ⴰⴼⵕⴰⵏⵙⴰⵡⵉ ⴼⵔⴰⵏçⵧⵉⵙ ⵀⵧⵍⵍⴰⵏⴷⴻ ⵢⴻⵜⵜⴱⴻⴳⴳⵉⵏ-ⴷ ⴰⵣⴰⵍ ⵏ ⵍⴻⵎⵅⴰⵍⵜⴰⵜ ⵢⴻⵍⵍⴰⵏ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⴰⴽⴽ ⴷ ⵍⴻⴱⵖⵉ ⵏ ⵙⵉⵏ ⵉⵙⴻⵍⵡⴰⵢⴻⵏ ⵉⵡⵓⵏⴰⴽ ⴰⴽⴽⴻⵏ ⴰⴷ ⵕⴻⵚⵚⵉⵏ ⴰⵎⵛⴰⵔⴻⴽ ⵢⵓⴼⵔⴰⵔⴻⵏ", ⵉⴷ-ⵢⴻⵏⵏⴰ ⵎⴰⵙ ⵍⴰⵎⴰⵎⵔⴰ ⵉ ⵜⵏⴻⴳⴳⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ (ⴰⵒⵙ), ⵖⴻⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ-ⴰⴳⵉ ⵉ ⴷⴻⴳ ⵢⴻⵃⴹⴻⵕ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵍⴻⵎ ⴱⵧⵓⵛⵀⵧⵓⴰⵔⴻⴱ.
ⵎⴰⵙ ⵍⴰⵎⴰⵎⵔⴰ ⵢⴻⵏⵏⴰ ⴷⴰⵖⴻⵏ ⴱⴻⵍⵍⵉ ⵢⴻⴼⴽⴰ-ⵢⴰⵙ ⵉⵣⴻⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵉ ⵡⴻⵎⴹⴻⴱⴱⴻⵕ ⵏ ⴷⴷⴻⵡⵍⴰ ⵜⴰⴼⵕⴰⵏⵙⴰⵡⵉⵜ, ⵢⴻⵔⵣⴰⵏ ⵍⴻⵎⵅⴰⵍⵜⴰⵜ ⵢⴻⵎⵎⴻⵣⴷⵉⵏ ⴷ ⵓⵎⴱⴰⴷⴷⴰⵍ ⵏ ⵜⵎⵓⵖⵍⵉⵡⵉⵏ ⵖⴻⴼ ⵜⵓⵜⵜⵔⵉⵡⵉⵏ ⵜⵉⴳⴻⵔⴰⵖⵍⴰⵏⵉⵏ ⵢⴻⵔⵣⴰⵏ ⵙⵏⴰⵜ ⵏ ⵜⵎⵓⵔⴰ".
ⴰⵎⴹⴻⴱⴱⴻⵔ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵣⵣⴰⵢⵔⵉⵜ ⵢⴻⵏⵏⴰ ⴷ ⴰⴽⴽⴻⵏ ⵉⴼⵓⵕⴻⵙ ⵜⴰⴳⵏⵉⵜⵜ-ⴰⴳⵉ ⵏ ⵜⴻⵎⵢⵓⴳⴳⴻⵔⵜ ⴰⴽⴽ ⴷ ⵓⵙⴻⵍⵡⴰⵢ ⵀⵧⵍⵍⴰⵏⴷⴻ ⴰⴽⴽⴻⵏ ⴰⴷ ⵢⴻⵙⵇⴻⵔⴷⴻⵛ ⵢⵉⴷ-ⵙ ⵜⵓⵜⵜⵔⵉⵡⵉⵏ ⵢⴻⵙⵄⴰⵏ ⴰⵣⴰⵍ ⵍⴰⴷⵖⴰ ⵜⵉⴷ ⵢⴻⵇⵇⵏⴻⵏ ⵖⴻⵔ ⵡⴻⵙⵏⴻⵔⵏⵉ ⵏ ⵍⴻⵎⵅⴰⵍⵜⴰⵜ "ⵖⴰⵙ ⴷ ⵜⵉⴷ ⵢⴻⵍⵍⴰⵏ ⵢⴰⴽⴰⵏ ⵜⵜⵓⵎⴻⵢⵣⴻⵏⵜ ⴰⴽⴽ ⴷ ⵜⵓⵜⵜⵔⵉⵡⵉⵏ ⵜⵉⴳⴻⵔⴰⵖⵍⴰⵏⵉⵏ-ⵏⵏⵉⴹⴻⵏ ⵢⴻⵔⵣⴰⵏ ⵜⴰⵍⵡⵉⵜ ⴷ ⵍⴰⵎⴰⵏ ⴷⵉ ⵜⴻⵎⵏⴰⴹⵜ ⵏ ⵜⵎⴰⵣⵖⴰ ⴰⴽⴽ ⴷ ⵙⴰⵃⴻⵍ ⴷ ⵓⵙⴰⵎⴻⵔ ⴰⵍⴻⵎⵎⴰⵙ".
