Asebter amenzawi

Lamamra iwekked-d ɣef lemxaltat yettumeyzen ger Lezzayer d Fṛansa

PARIS- Aneɣlaf n ddewla, aneɣlaf n tɣawsiwin n wezɣar akk d lemɛiwna tageraɣlant, Ramtane Lamamra, iwekked-d ass n letniyen di Paris d akken d aswir "yettumeyzen" lemxaltat yellan ger Lezzayer d Fṛansa.

"Amyugger d-yellan akk d uselway afṛansawi François Hollande yettbeggin-d azal n lemxaltat yellan ger snat n tmura akk d lebɣi n sin iselwayen iwunak akken ad ṛeṣṣin amcarek yufraren", id-yenna Mas Lamamra I tnegga isallen n Lezzayer (APS), ɣer taggara n temlilit-agi i deg yeḥḍeṛ uneɣlaf n temguri d lminat, Abdeslem Bouchouareb.

Mas Lamamra yenna daɣen belli yefka-yas izen uselway n Tegduda, Abdelaziz Bouteflika i wemḍebbeṛ n ddewla tafṛansawit, yerzan lemxaltat yemmezdin d umbaddal n tmuɣliwin ɣef tuttriwin tigeraɣlanin yerzan snat n tmura".

Amḍebber n tdiblumasit tazzayrit yenna d akken ifuṛes tagnitt-agi n temyuggert akk d uselway Hollande akken ad yesqerdec yid-s tuttriwin yesɛan azal ladɣa tid yeqqnen ɣer wesnerni n lemxaltat "ɣas d tid yellan yakan ttumeyzent akk d tuttriwin tigeraɣlanin-nniḍen yerzan talwit d laman di temnaḍt n tmazɣa akk d Saḥel d usamer alemmas".