Asebter amenzawi

Amdeḥḥas n Minen: 43 n yimḥuǧen idzayriyen ay yemmuten

LEZZAYER TAMANEɣT – Amḍan (leɛdad) n yimḥuǧen idzayriyen ay yemmuten deg Minen (Mekka) yewweḍ ɣer 43, ɣef wakken ay d-yebder leḥsab aneggaru ay d-yessuffeɣ uɣlif n tɣawsiwin n uzɣar ass n letniyen.

Leḥsab-a yessedda-d daɣ 4 n yimḥuǧen imejraḥ ay mazal deg usbiṭar, deg wakud aydeg 6 n yimḥuǧen niḍen mazal-iten ɛerqen ar ass-a.

Aneɣlaf n tɣawsiwin n uzɣar iwekked-d d akken umuɣ (qa’ima) n yimḥuǧen yemmuten, wid yellan deg usbiṭar neɣ wid ay iɛerqen atan yewjed ɣer tseqqamut ay d-yelhan d taluft-a deg uɣlif n tɣawsiwin n uzɣar.

Taseqqamut n taluft-a la tettemɛawan d uɣlif n tɣawsiwin n ddin « yerna la tettkemmil tettḍafar isalan ineggura ɣef twaɣit ay yeḍran deg Minen d wamek ay tḥuza imḥuǧen-nneɣ ». Taseqqamut-a tezga tesɛa anermis (ittiṣal) d uqenṣul amatu n Lezzayer deg Tgelda Tasaɛudit d yixeddamen ay d-yelhan s ubdad i yimḥuǧen, ɣef wakken ay d-yenna uɣlif.

« Aɣlif iger-d tiɣri i wakk idisan akken ad heddnen iman-nsen, ladɣa ttawilat n yisalan, akken ur rennun ara ad sḥeznen imawlan n wid yenḍerren, ladɣa imi isalan ay d-tettakf tseqqamut n taluft kkan-d seg yidisan unṣiben yerna yella deg-sen laman », ɣef wakken ay d-yenna uɣlif. Nnig waya, taseqqamut-a « tezga tesɛa anermis d twaculin n wid yenḍerren, ladɣa tid yesɛan imḥuǧen ay iɛerqen. Aṭas n twaculin ay mmugren deg uɣlif n tɣawsiwin n uzɣar ».

« Taseqqamut n taluft tɛezza tiwaculin n yimeṛḥumen yerna tessaram ad jjin akk yimejraḥ, am wakken ay tettɣimi tewjed akken ad d-terr ɣef wakk tuttriwin ay iceɣben tiwaculin ay tḥuza twaɣit-a », ɣef wakken ay d-yenna ulɣu (bayan) n uɣlif n tɣawsiwin n uzɣar.