ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ: ⵍⴻⴱⵖⵉ ⵉ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵜ ⵜⵉⵙ 20 ⵏ ⵜⵙⴻⵇⵇⴰⵎⵓⵜ ⵜⴰⵎⴻⵇⵔⴰⵏⵜ ⵜⵓⵅⵍⵉⴹⵜ ⵜⴰⴷⵣⴰⵢⵔⵉⵜ-ⵜⴰⵜⵓⵏⵙⵉⵜ ⵜⴻⵙⵙⴽⴰⵏⴰⵢ-ⴷ ⵍⴻⴱⵖⵉ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⴷⴷⵓⵏⵜ ⵖⴻⵔ ⵙⴷⴰⵜ ⴷⴻⴳ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ-ⵏⵙⴻⵏⵜ (ⵍⵄⴰⵍⴰⵇⴰⵜ) ⵓⵛⵔⵉⴽⴻⵏ ⴷ ⵓⵏⴻⵡⵡⴻⵄ ⵏ ⵢⵉⵏⵓⵔⴰⵔ ⵏ ⵓⵎⵄⴰⵡⴻⵏ.

ⵙ ⵡⴰⵢⴰ, ⴰⵟⴰⵙ ⵏ ⵢⵉⵎⵜⴰⵡⴰⵢⴻⵏ ⴷ ⵓⵎⵄⴰⵡⴻⵏ ⴷ ⵜⴻⵙⵎⴻⴽⵜⴰⵢⵉⵏ ⵏ ⵓⵎⵙⴻⴼⵀⴰⵎ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵜⵉⵙ 20 ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴷⵣⴰⵢⵔⵉ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴷ ⵢⵉⵖⴻⴼ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ.

ⴷⵖⴰ, ⵉ ⵍⵎⴻⵏⴷ ⵏ ⵓⵎⵄⴰⵡⴻⵏ-ⴰ, ⵢⴻⵜⵜⵡⴰⵙⵜⴻⵏⵢⴰ ⵢⵉⵡⴻⵏ ⵏ ⵓⵎⵜⴰⵡⴰ (ⵉⵜⵜⵉⴼⴰⵇ) ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⵍⴰ ⴰⵎⴳⵓⵔⴰⵏ (ⵚⵉⵏⴰⵄⵉ) ⴳⴰⵔ ⵓⵙⵓⴷⵓ ⴰⴷⵣⴰⵢⵔⵉ ⵏ ⵡⴰⵢⵍⴰ ⴰⵎⴳⵓⵔⴰⵏ ⴷ ⵓⵙⵓⴷⵓ ⴰⵜⵓⵏⵙⵉ ⵏ ⵡⴰⵢⵍⴰ ⴰⵎⴳⵓⵔⴰⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵜⵜⵡⴰⵙⵜⴻⵏⵢⴰ ⵢⵉⵡⴻⵜ ⵏ ⵜⴻⵙⵎⴻⴽⵜⴰⵢⵜ ⵏ ⵓⵎⵙⴻⴼⵀⴰⵎ ⴳⴰⵔ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵜⴻⵙⵏⴰⴽⴰⵜⵜ ⵜⵓⵙⴹⵉⴼⵜ (ⵧⵏⵎⵍ) ⴷ ⵢⵉⵏⴻⴳⵎⵉ ⴰⵍⴻⵎⵎⴰⵙ ⴰⵜⵓⵏⵙⵉ ⵏ ⵜⴻⵙⵍⴰⴹ ⴷ ⵡⴰⵔⵔⴰⵎⴻⵏ.

ⵜⴻⵜⵜⵡⴰⵙⵜⴻⵏⵢⴰ ⴷⴰⵖ ⵜⴻⵙⵎⴻⴽⵜⴰⵢⵜ (ⵎⵓⴷⴰⴽⴽⵉⵔⴰ) ⵏ ⵓⵎⵙⴻⴼⵀⴰⵎ ⵏⵉⴹⴻⵏ ⴷⴻⴳ ⵓⵀⴻⵢⵢⵉ ⴷ ⵓⵜⴻⵡⵡⴻⵍ ⵏ ⵍⵍⵓⵣⵉⵏⴰⵜ ⴳⴰⵔ ⵜⵏⴻⴳⴳⴰ ⵜⴰⴷⵣⴰⵢⵔⵉⵜ ⵏ ⵜⴻⴱⴷⴰⵎⵎⴰⵙⵜ ⴷ ⵓⵃⴽⴰⵎ ⵏ ⵡⴰⴽⴰⵍ ⴷ ⵜⵏⴻⴳⴳⴰ ⵜⴰⵜⵓⵏⵙⵉⵜ ⵏ ⵡⴰⴽⴰⵍ ⴰⵎⴳⵓⵔⴰⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ ⵖⴻⴼ ⵓⵎⴻⵙⵏⵉ ⴰⴳⴻⵏⵡⴰⵏ ⴰⵢ ⵢⴻⵙⵏⴻⵔⵏⴰⵏ ⴰⵎⵜⴰⵡⴰ-ⵏⵏⵉ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵛⵜⴻⵎⴱⴻⵕ ⵏ 1963 ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ.

ⴼⵓⵕⵙⴻⵏ ⵙⵉⵏ-ⴰ ⵏ ⵢⵉⴷⵉⵙⴰⵏ, ⴷⴰⵖ, ⴰⴽⴽⴻⵏ ⴰⴷ ⵙⵜⴻⵏⵢⵉⵏ ⵢⵉⵡⴻⵏ ⵏ ⵡⴰⵀⵉⵍ ⵏ ⵓⵎⵄⴰⵡⴻⵏ ⴷⴻⴳ ⵓⵏⵔⴰⵔ ⵏ ⵜⴷⴰⵡⵙⴰ (ⵚⵚⵉⵃⵃⴰ) ⵉ 2016-2017, ⴰⵀⵉⵍ ⵓⵎⵄⴰⵡⴻⵏ ⴷⴻⴳ ⵓⵙⵙⵉⵍⴻⵖ ⴰⵙⴰⴷⵓⵔⴰⵏ ⵉ 2016-2017, ⴷ ⵡⴰⵀⵉⵍ ⵏ ⵓⵎⵄⴰⵡⴻⵏ ⴷⴻⴳ ⵜⵡⴻⵏⵏⴰⴹⵜ ⵜⴰⴷⵓⵎⴰⵏⵜ ⵉ 2016-2017.

ⴷⴻⴳ ⴷⴻⴳ ⵓⵏⵔⴰⵔ ⵏ ⵜⵉⵛⵛⵓⵔⴽⴰ ⴷⴻⴳ ⵓⵏⴰⴷⵉ ⴷⴻⴳ ⵓⵏⵔⴰⵔ ⵏ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ), ⵢⴻⵙⵜⴻⵏⵢⴰ ⴷⴰⵖ ⵓⵙⵓⴷⵓ ⴰⵖⴻⵍⵏⴰⵡ ⵏ ⵓⵙⵙⴻⴳⵎⵉ ⴰⵎⵜⴰⵡⴰ ⴷ ⵡⴰⵎⵎⴰⵙ ⴰⵜⵓⵏⵙⵉ ⵏ ⵓⴱⴷⴰⵄ ⴰⵙⴻⵏⵙⴻⴳⵎⴰⵏ ⴷ ⵓⵙⵙⴻⴳⵎⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ ⵏ ⵓⵙⵙⵉⴽⵏⴻⵡ ⴳⴰⵔ ⵜⵏⴻⴳⴳⴰ ⵜⴰⴷⵣⴰⵢⵔⵉⵜ ⵏ ⵓⵙⵏⴻⴼⵍⵉ ⵏ ⵜⵎⴻⵔⵔⵉⵜ ⴷ ⵜⵏⴻⴳⴳⴰ ⵜⴰⵜⵓⵏⵙⵉⵜ ⵏ ⵡⴰⴽⴰⵍ ⵏ ⵜⵎⴻⵔⵔⵉⵜ.