Asebter amenzawi
Fabius: amɛawen afṛensis-adzayri la yetteddu deg ubrid « yelhan »
PARIS – Yenna-d uneɣlaf afṛensis n tɣawsiwin n uzɣar, Laurent Fabius, ass n letniyen deg Paris d akken amɛawen gar Fṛansa d Lezzayer la yetteddu deg ubrid « yelhan », s uxeddim ay la d-yettilin seg sin-a n yidisan d lebɣi n yiɣfawen n snat-a n tmura.
Aneɣlaf afṛensis n tɣawsiwin n uzɣar yenna-d aya mi yettekka deg usarag ɣer yidis n Ramtane Lamamra, aneɣlaf adzayri n tɣawsiwin n uzɣar, Abdesselam Bouchouareb, aneɣlaf n temguri (ṣṣinaɛa) d lminat d Emmanuel Macron, aneɣlaf afṛensis n tdamsa, yerna yenna-d Fabius d akken agmuḍ n umɛawen-a d ameqran imi « la nettembaddal gar-aneɣ, wa yettaɣ ɣef wayeḍ, la d-nxeddem sselɛa akken yerna la tt-nessaǧaw akken », ɣef wakklen ay d-yenna mi d-yebder inurar yemgerraden n umɛawen gar snat-a n tmura.
« Assaɣen (ɛalaqat) imuta fazen, la ttnernin s lǧehd yerna werǧin gerrzen am wass-a », ɣef wakken ay d-iwekked, am wakken ay d-yerna d akken Fṛansa d Lezzayer ssawḍent ɣer « uswir n umqader d laman ».
Fabius yenna-d, seg yidis niḍen, d akken ad rnun ad d-ssukken tiṭ, seg-a ɣer sdat, ɣef yisenfaren « izitalen » (ṭamuḥa) niḍen deg tezwara n 2016 deg Lezzayer, asmi ad yemlil Useqqamu agernabaḍ n uswir unnig (CIHN) ddaw tselwit n yineɣlafen imenza n snat-a n tmura.
Seg yidis-nnes, aneɣlaf afṛensis n tdamsa yenna-d d akken deg Fuṛaṛ ay d-yetteddun, ticcurka izaden gar Fṛansa d Lezzayer ad ternu ad teg asurif ɣer sdat s wazal n 10 n yisenfaren imaynuten.
