Asebter amenzawi

Timɣunin 1ut d tis 2 n Mobilis: Ahil n 4 n wussan ineggura n wurar

LEZZAYER TAMANEɣT – Tamɣunt n Tcirt n Uḍar Tasadurant (LFP) tessefra-d ahil n 4 n wussan ineggura n telɣuɣa Lezzayer n Temɣunin (rabiṭa) 1ut d tis 2 n Mobilis.

Ass wis 12 n Temɣunt 1ut n Mobilis ad d-yili ussan n 19, 20 d 21 Nwembeṛ.

Ad d-yebdu s temlilit n USM Lḥeṛṛac d MO Bgayet ass n 19 Nwembeṛ ɣef 3s00 n tmeddit deg usarir n 1u n Nwembeṛ.

USM Lezzayer ad teddu ɣer Wehṛan akken ad turar mgal ASM Wehṛan ass n 20 Nwembeṛ. DRB Taǧnant ad turar mgal CS Qsenṭina deg 21 Nwembeṛ.

Ass wis 13 n Temɣunt 1ut ad d-yili ussan n 27 d 28 Nwembeṛ yerna d win aydeg USM Lḥeṛṛac ad temqabal d USM Lezzayer ass n ssebt 28 Nwembeṛ ɣef 6s00 n tmeddit deg usarir n 5 Yulyu deg Lezzayer Tamaneɣt.

Ass wis 14 n Temɣunt 1ut ad d-yili ussan n 10, 11 d 12 Nwembeṛ ay d-yetteddun. Ass-nni, USM Lḥeṛṛac d CR Belouizdad ad urarent ass n ljemɛa 11 Nwembeṛ ɣef 3s00 n tmeddit deg usarir n 5 Yulyu.

Deg tgara, ass wis 15 yerna d aneggaru deg uḥric n ṛṛwaḥ n Temɣunt 1ut ad d-yili ussan n ljemɛa 25 d ssebt 26 Dujembeṛ. Gar temliliyin n wass-nni, tella tin n USM Lezzayer mgal USM Leblida, MC Wehṛan mgal Ilemẓiyen Inaddalen n Leqbayel d ES Sḍif mgal MC Lezzayer.