ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⴻⴷⴽⴰⵍⵜ ⵜⴰⵎⴻⵣⵡⴰⵔⵓⵜ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – « ⵜⴰⵙⴻⴷⴽⴰⵍⵜ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⵛⵉⵔⵜ ⵏ ⵓⴹⴰⵔ » ⴷ ⴰⴷⵍⵉⵙ ⴰⵎⴰⵢⵏⵓ ⴰⵢ ⴷ-ⵉⵃⴻⴽⴽⵓⵏ, ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ, ⴰⵎⴻⵣⵔⵓⵢ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵡⴰⴷⴷⴰⵍ-ⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⴷⴻⴳ 1930 ⴷⴻⴳ ⵓⵔⵓⴳⵓⴰⵢ ⵖⴻⵔ ⵜⴻⵇⴱⵓⵛⵜ ⵜⴰⵏⴻⴳⴳⴰⵔⵓⵜ ⵏ 2014 ⴰⵢ ⴷ-ⵢⴻⵍⵍⴰⵏ ⴷⴻⴳ ⴱⵔⵉⵣⵉⵍ.

ⴰⴷⵍⵉⵙ-ⴰ ⵢⴻⵙⵄⴰ 418 ⵏ ⵢⵉⵙⴻⴱⵜⴰⵔ, ⵢⴻⵞⵞⵓⵕ ⴷ ⵜⵓⴳⵏⵉⵡⵉⵏ ⴰⵢ ⵢⴻⵍⵀⴰⵏ, ⵢⴻⵔⵏⴰ ⴰⴷ ⴷ-ⵢⴻⵜⵜⵡⴰⵇⴻⴷⴷⴻⵎ ⵙ ⵓⴱⵔⵉⴷ ⵓⵏⵚⵉⴱ ⴷⴻⴳ ⵜⵎⵓⴳⴻⵔⵜ ⵜⴰⴳⵔⴰⵖⵍⴰⵏⵜ ⵏ ⵓⴷⵍⵉⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴷ ⴷ-ⵢⴻⴱⴷⵓⵏ ⴰⵙⵙ ⵏ 29 ⵜⵓⴱⴻⵕ.

ⴰⴷⵍⵉⵙ-ⴰ ⵢⴻⵙⵙⵓⴼⴼⴻⵖ-ⵉⵜ-ⵉⴷ ⵓⵅⵅⴰⵎ ⵏ ⵜⴻⵥⵔⵉⴳⵉⵏ « ⴷⴰⵔ ⴻⵍ ⵎⵧⴽⵀⵜⴰⵔ » ⵢⴻⵔⵏⴰ ⵢⵓⵔⴰ-ⵜ-ⵉⴷ ⵓⵏⴻⵎⵀⴰⵍ ⴰⵇⴱⵓⵔ ⵏ ⵓⵖⵎⵉⵙ ⴰⵏⴰⴷⴷⴰⵍ « ⴻⵍ ⵎⵧⵓⵏⵜⴰⴽⵀⴰⴱ », ⵎⴻⵙⵙⴰⵧⵓⴷ ⴽⴰⴷⵔⵉ.

« ⴰⴷⵍⵉⵙ-ⴰ ⵢⴻⵜⵜⵡⴰⵡⴻⵀⵀⴰ ⵍⴰⴷⵖⴰ ⵉ ⵢⵉⵔⴼⵉⵇⴻⵏ ⵉⵏⴻⵖⵎⴰⵙⴻⵏ. ⴷⴷⵎⴻⵖ ⵕⵕⴰⵢ ⴰⴷ ⵜ-ⵉⴷ-ⴰⵔⵓⵖ ⴰⴽⴽⴻⵏ ⴰⴷ ⵞⵞⴰⵔⴻⵖ ⵉⵍⴻⵎ ⵢⴻⵍⵍⴰⵏ ⴷⴻⴳ ⵓⵏⵔⴰⵔ-ⴰ ⴷⴻⴳ ⵜⵎⵓⵔⵜ, ⴰⵛⴽⵓ ⵓⵍⴰⵛ ⴰⴷⵍⵉⵙ ⵢⴻⵜⵜⵡⴰⴼⴻⵚⵚⵍⴻⵏ ⵖⴻⴼ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴰⴷⵔⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⴰⴷⵍⵉⵙ-ⴰ ⴷⴷⴰⵏⵜ-ⴷ ⴷⴻⴳ-ⵙ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ) ⵜⵉⵎⵓⵜⴰ, ⵜⵓⴳⵏⵉⵡⵉⵏ ⴷ ⵛⵛⵀⴰⴷⴰⵜ ⵏ ⵡⵉⴷ ⴰⵢ ⵜⴻⵔⵣⴰ ⵜⴻⵇⴱⵓⵛⵜ ⵏ ⵓⵎⴰⴹⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵍⵍⴰⵏ ⵢⵉⵃⵔⵉⵛⴻⵏ ⵙⴻⴳ ⵓⴷⵍⵉⵙ-ⴰ ⴰⵢ ⴷ-ⵢⴻⵙⵙⴰⵡⴰⵍⴻⵏ ⵖⴻⴼ ⴽⵔⴰ ⵙⴻⴳ ⵢⵉⵎⴰⵔⵉⵔⴻⵏ ⵓⵥⵡⵉⵔⴻⵏ ⴰⴽⴽ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⴷⵣⴰⵢⵔⵉⵜ, ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⴷ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ ⴰⵢ ⴷ-ⵢⴻⴵⴵⴰⵏ ⵉⵙⵎⴰⵡⴻⵏ-ⵏⵙⴻⵏ ⴷⴻⴳ ⵓⵎⴻⵣⵔⵓⵢ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ.

ⵜⴰⵙⴻⴷⴽⴰⵍⵜ-ⴰ (ⵎⴰⵡⵙⵓⵄⴰ) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵜⴻⵙⵄⴰ ⴷⴰⵖ ⴰⵟⴰⵙ ⵏ ⵜⵜⴼⴰⵚⵉⵍ ⵖⴻⴼ ⵓⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵇⴱⵓⵛⵜ-ⴰ (1982, 1986, 2010 ⴷ 2014).

« ⴷⴻⴳ ⵢⵉⵏⴰⴷⵉⵢⴻⵏ-ⵉⵏⵓ, ⵔⵔⵉⵖ-ⴷ ⵍⵡⴻⵍⵀⴰ-ⵉⵏⵓ ⵍⴰⴷⵖⴰ ⵖⴻⵔ ⵡⵓⵥⵡⵉⵔⴻⵏ ⵏ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵜⴰⵄⵕⴰⴱⵉⵏ ⵓⵎⵉ ⵓⵔ ⵢⴻⵜⵜⵓⵏⴻⴼⴽ ⴰⵔⴰ ⵡⴰⵣⴰⵍ ⴰⵎⴻⵇⵔⴰⵏ ⴷⴻⴳ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ. ⴷⵖⴰ ⵙⵙⴰⵔⴰⵎⴻⵖ ⵡⵉⴷ ⴰⴷ ⵢⴻⵖⵔⴻⵏ ⴰⴷⵍⵉⵙ-ⵉⵏⵓ ⴰⴷ ⴷ-ⴰⴼⴻⵏ ⵜⵉⵖⴰⵡⵙⵉⵡⵉⵏ ⵉⵏⴻⴼⵄⴻⵏ ⵖⴻⴼ ⵢⵉⵎⴰⵔⵉⵔⴻⵏ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.