Asebter amenzawi

Ṭṭalyan tefka-d 200.000 n wuṛuten i yizrazaɣen iṣeḥrawiyen

LEZZAYER TAMANEɣT – Yefka Umyalel (taɛawun) Aṭalyani 200.000 n wuṛuten i Useqqamu Unnig n Yizrazaɣen n Yiɣlanen Yeddukklen i lfayda n yizrazaɣen iṣeḥrawiyen ay iḥuza ugeffur n wussan-a ineggura, ɣef wakken ay d-tenna tmahelt (safara) n Ṭṭalyan deg Lezzayer Tamaneɣt deg yiwen n lbayan ay d-yewwḍen ɣer Tnegga n Yisalan n Lezzayer.

« Amyalel Aṭalyani yefka in Useqqamu Unnig n Yizrazaɣen n Yiɣlanen Yeddukklen lemɛawna tawizit tuɛjilt n 200.000 n wuṛuten », ɣef wakken ay d-tenna tmahelt taṭalyanit.

Aɛawen-a aṭalyani yella-d i lmend n uɛawen « war leɛḍil » deg uṣeggem n yimaziren n yizrazaɣen, d ccɣel ay yebda yagi yetteg-it Useqqamu Unnig n Yizrazaɣen n Yiɣlanen Yeddukklen.

Tamsetlelt-a (taḍamun) tella-d deffir ma nḍerren yizrazaɣen iṣeḥrawiyen n temnaḍt n Tinduf seg ugeffur n wussan-a ineggura ay d-yeǧǧan ixeṣṣaren d imeqranen deg yimaziren aydeg zedɣen.

ɣef leḥsab n ulɣu-a (bayan), lemɛawna taṭalyanit tella-d « i ussiweḍ uɛjil n tɣawsiwin ay ḥwaǧen s tɣawla d waman ».