Asebter amenzawi

Talɣuɣa Taɛṛabt n Usnasɣel n Yilemẓiyen: cciɛa i Hamza Yacine

SHARM EL-CHEIKH (Maṣer) – Yerbeḥ-d umesnasɣal adzayri Hamza Yacine tazalɣi n wureɣ deg temsizzelt n ubrid n Telɣuɣa Taɛṛabt n Usnasɣel ɣef Ubrid (ilemẓiyen) ay la d-yettilin gar 20 d 30 n Tubeṛ deg Sharm el-Cheikh, deg Maṣer.

Hamza Yacine yuzzel 108 n yikilumitṛen deg 2s54 n tedqiqin d 16 n tsinin, yerna yezwar Abeḥṛini Nasser Djamel El Doussari d Yimaṛati Saïd Abdellah Souidane.

Deg usettef amatu s teɣlamin (firaq), taɣlamt tadzayrit n usnasɣel teḍḍef amkan amezwaru, yerna d aya ad as-d-yesrebḥen tazalɣi n wureɣ, imi 3 seg yinaddalen-nnes ay yeḍḍfen imukan deg 10 n yimukan imezwura.

Taɣlamt tadzayrit n yilemẓiyen tewwi-d yagi tazalɣi n uẓref deg temsizzelt mgal temrint s teɣlamin, mi terbeḥ tegrawt n Ismaïl Medjahed, Yacine Hamza, Islem Mansouri d Oussama Mansouri.

Lezzayer tettekka s 15 n yimesnasɣalen (imeẓyanen d yilemẓiyen) deg Telɣuɣa Taɛṛabt n Usnasɣel n 2015. Taɣlamt-a llan deg-s 8 n yimesnasɣalen ilemẓiyen, 6 n yimesnasɣalen imeẓyanen d yiwet kan n teqcict.

Talɣuɣa-a ttekkant deg-s 13 n tmura taɛṛabin: Meṛṛuk, Maṣer, Tagelda Tasaɛudit, Beḥṛin, Lubnan, Qaṭar, Sudan, Libya, Tunes, Lezzayer, Limaṛat Taɛṛabin Yeddukklen, Ɛiraq d Falesṭin.