ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴰⵍ ⵏ 200 ⴷⴻⴳ ⵓⵎⵢⴰⴳⴻⵔ ⴰⴷⵣⴰⵢⵔⵉ-ⴰⴼⵕⴻⵏⵙⵉⵙ ⵏ ⵍⴻⴱⵏⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 200 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏⵏ ⴷ ⵜⴻⴼⵕⴻⵏⵙⵉⵙⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵢⴰⴳⴻⵔ ⴰⴷⵣⴰⵢⵔⵉ-ⴰⴼⵕⴻⵏⵙⵉⵙ ⵡⵉⵙ ⵙⵉⵏ ⵏ ⵍⴻⴱⵏⵉ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ ⵏ ⵜⵜⵍⴰⵜⴰ ⴷ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⵉⵛⵛⵓⵔⵉⴽⵉⵡⵉⵏ ⵜⵉⵎⴰⵢⵏⵓⵜⵉⵏ.

ⴳⴰⵔ ⵜⴽⴻⴱⴱⴰⵏⵉⵢⵉⵏ-ⴰ, ⵍⵍⴰⵏⵜ 150 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⵜⵓⵙⵍⵉⴳⵉⵏ ⵏⴻⵖ ⵏ ⵓⵡⴰⵏⴰⴽ (ⴷⴷⵓⵍⴰ) ⴷ 41 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴼⵕⴻⵏⵙⵉⵙⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵍⴻⴱⵏⵉ ⵙ ⵡⵓⵣⵣⴰⵍ, ⵏ ⵜⵏⴻⴳⵡⴰ ⵏ ⵍⴻⴱⵏⵉ, ⵏ ⵍⴻⴱⵏⵉ ⴰⴷⵓⵎⴰⵏ ⴷ ⵍⴻⴱⵏⵉ ⵙ ⵓⵙⵙⵉⴳⴻⵔ ⵏ ⵜⴻⵥⵡⴻⵔⵜ, ⴰⵔⴻⵇⵇⴻⵄ ⵏ ⵍⴱⴻⵏⵢⴰⵏⴰⵜ, ⵜⴰⵙⴻⴳⴷⴰ ⴷ ⵓⵀⴻⵢⵢⵉ ⵏ ⵢⵉⵖⴰⵡⴰⵙⴻⵏ ⵏ ⵢⵉⵣⴰⴷⴰⵖⴻⵏ. ⵜⴰⴷⵢⴰⵏⵜ-ⴰ ⵜⴻⵙⵙⵓⴷⴷⴻⵙ-ⵉⵜⵜ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵜⴰⴷⵣⴰⵢⵔⵉⵜ ⵜⴰⴼⵕⴻⵏⵙⵉⵙⵜ (ⵛⵛⵉⴰⴼ).

ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵜⵜⴻⴽⴽⴰⵏ, ⵜⴻⵍⵍⴰ ⵜⴻⴳⵔⴰⵡⵜ ⵏ ⵛⵧⵙⵉⴷⴻⵔ, ⵜⴰⴳⵔⴰⵡⵜ ⵏ ⴱⴰⵜⵉⵎⴻⵜⴰⵍ, ⵜⴰⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵎⴰⵍ ⴰⵚⵓⴽⴰⵏ (ⴻⵏⵒⵉ), ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵍⵀⵓ ⴷ ⵓⵙⵏⴻⴼⵍⵉ ⵏ ⵜⵏⴻⵣⴷⵓⵖⵜ (ⴰⴰⴷⵍ) ⴷ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⵓⴳⴳⵓⴳⴻⵏ (ⴰⵏⴱⵜ).

ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵓⵖⵍⵉⴼ ⵏ ⵜⵏⴻⵣⴷⵓⵖⵜ ⴷ ⵜⴻⵎⴷⵉⵏⵜ, ⵢⴻⵔⵏⴰ « ⵉⵙⵡⵉ-ⵏⵏⴻⵙ ⴰⵎⴻⵣⵡⴰⵔⵓ ⴷ ⴰⵙⵏⵓⵍⴼⵓ ⵏ ⵜⵉⵛⵛⵓⵔⴽⵉⵡⵉⵏ ⵜⵉⵎⴳⵓⵔⴰⵏⵉⵏ (ⵚⵉⵏⴰⵄⵉⵢⵢⴰ) » ⴰⵢ ⵉⵣⴻⵎⵔⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵡⴰⵀⵉⵍ ⴰⵖⴻⵍⵏⴰⵡ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵍⴰⵍ ⵏ ⵓⵏⴻⵎⵀⴰⵍ ⵏ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵜⴰⴷⵣⴰⵢⵔⵉⵜ-ⵜⴰⴼⵕⴻⵏⵙⵉⵜ, ⵀⴰⵍⵉ ⴰⵎⵎⴰⵔ ⴽⵀⵧⴷⵊⴰ.

ⴰⵙⵉⵀⴰⵕ-ⴰ (ⵎⴰⵡⵄⵉⴷ) ⵢⴻⵙⵙⴻⴵⵀⴰⴷ ⴷⴰⵖ ⵜⵉⵛⵛⵓⵔⴽⵉⵡⵉⵏ ⴳⴰⵔ ⵜⴽⴻⴱⴱⴰⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⴻⴼⵕⴻⵏⵙⵉⵙⵉⵏ ⴰⵢ ⵢⴻⴱⵖⴰⵏ ⴰⴷ ⵙⵙⴻⴼⵜⵉⵏⵜ ⴷⴻⴳ ⵙⵙⵓⵇ ⴰⴷⵣⴰⵢⵔⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ.