Asebter amenzawi

Azal n 200 deg umyager adzayri-afṛensis n lebni

LEZZAYER TAMANEɣT – Azal n 200 n tkebbaniyin tidzayriyinn d tefṛensisin ay yettekkan deg umyager adzayri-afṛensis wis sin n lebni ay d-yellan ussan n ttlata d laṛebɛa deg Lezzayer Tamaneɣt i lmend n ussebded n ticcurikiwin timaynutin.

Gar tkebbaniyin-a, llant 150 n tkebbaniyin tidzayriyin tusligin neɣ n uwanak (ddula) d 41 n tkebbaniyin tifṛensisin ay ixeddmen deg lebni s wuzzal, n tnegwa n lebni, n lebni aduman d lebni s ussiger n teẓwert, areqqeɛ n lbenyanat, tasegda d uheyyi n yiɣawasen n yizadaɣen. Tadyant-a tessuddes-itt Texxamt n Tnezzut d Temguri tadzayrit Tafṛensist (CCIAF).

Seg tkebbaniyin timeqranin ay yettekkan, tella tegrawt n Cosider, tagrawt n Batimetal, Takebbanit Taɣelnawt n Usmal Aṣukan (ENPI), Tanegga Taɣelnawt n Usselhu d Usnefli n Tnezduɣt (AADL) d Tnegga Taɣelnawt n Wuggugen (ANBT).

Amyager-a yella-d ddaw leɛnaya n uɣlif n tnezduɣt d temdint, yerna « iswi-nnes amezwaru d asnulfu n ticcurkiwin timguranin (ṣinaɛiyya) » ay izemren ad ttekkint deg wahil aɣelnaw n lebni n tnezduɣt, ɣef wakken ay d-yenna umalal n unemhal n Texxamt n Tnezzut d Temguri Tadzayrit-Tafṛensit, Hali Ammar Khodja.

Asihaṛ-a (mawɛid) yesseǧhad daɣ ticcurkiwin gar tkebbaniyin tidzayriyin d tefṛensisin ay yebɣan ad sseftint deg ssuq adzayri, ɣef wakken ay d-yenna unemhal-a.