ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⴰⵖⵕⴰ ⵏ ⵡⴻⵙⵎⴻⴽⵜⵉ ⵏ ⵜⵔⵉⵔⵉⵜ ⵏ ⵜⵉⵎⵎⵓⵏⴻⵏⵜ ⵜⴰⵖⴻⵍⵏⴰⵡⵜ ⴷⵉ ⵕⵕⴰⴷⵢⵓ ⴷ ⵜⵉⵍⵉⴱⵉⵣⵢⵓ
ⵍⴻⵣⵣⴰⵢⴻⵔ- ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⵢⴻⵙⵙⴻⵍⵡⵉ ⴰⵙⵙ ⵏ ⵍⴰⵕⴻⴱⵄⴰ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵖⵕⴰ ⴰⵍⵎⴻⵏⴷ ⵏ ⵡⴻⵙⵎⴻⴽⵜⵉ ⵡⵉⵙ 63 ⵏ ⵜⵔⵉⵔⵉⵜ ⵏ ⵓⵣⴰⵔⵓⴳ ⴰⵖⴻⵍⵏⴰⵡ ⵏ ⵔⵔⴰⴷⵢⵓ ⴰⴽⴽ ⴷ ⵜⵉⵍⵉⴱⵉⵣⵢⵓ ⵜⴰⵣⵣⴰⵢⵔⵉⵜ.
ⵎⴱⴰⵄⴷ ⵎⵉ ⵢⴻⵙⵙⴻⵔⵙ ⵜⵉⵎⴻⵇⵇⵓⵏⵉⵏ ⵉⵣⴻⴵⴵⵉⴳⴻⵏ ⴷⵉ ⵙⵏⴰⵜ ⵏ ⵜⴻⵔⵎⵉⵙⵉⵏ ⴰⴽⴽ ⴷ ⵍⴻⵇⵔⴰⵢⴰ ⵏ ⵜⵚⵓⵕⴻⵜⵜ ⵏ ⵍⴼⴰⵜⵉⵃⴰ, ⴰⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵓⴽⵓⴷ ⴷ-ⴷⴷⴰⵏ ⵢⴻⵎⴹⴻⴱⴱⵕⴻⵏ ⵏ ⵙⵏⴰⵜ ⵏ ⵜⴽⴻⴱⴱⴰⵏⵉⵢⵉⵏ-ⴰⴳⵉ, ⵢⴻⵔⵔⴰ ⵜⴰⵊⵎⵉⵍⵜ ⵎⵓⵇⵇⵕⴻⵏ ⵉ ⵢⵉⵏⴻⵖⵎⴰⵙⴻⵏ ⴰⴽⴽ ⴷ ⵢⵉⵅⴻⴷⴷⴰⵎⴻⵏ ⵢⴻⴼⴼⵖⴻⵏ ⵍⴰⵏⴻⵜⵔⵉⵜ, ⴷⵉ ⵜⵎⴰⵖⵕⵉⵡⵉⵏ ⵙⴻⵏ-ⵢⴻⵍⵍⴰⵏ ⴷⵉ ⴷⴷⴻⵎⵎⴰ.
"ⵏⴻⵔⵔⴰ ⵜⴰⵊⵎⵉⵍⵜ ⵉ ⵢⵉⵏⴻⵖⵎⴰⵙⴻⵏ ⵢⵓⴽⵍⴰⵍⴻⵏ ⵢⴻⴼⴼⵖⴻⵏ ⵍⴰⵏⴻⵜⵔⵉⵜ, ⵉⵅⴻⴷⵎⴻⵏ ⴰⵢⴻⵏ ⵉⵍⴰⵇⴻⵏ ⴰⴷ ⵢⴻⵜⵜⵡⴰⵅⴷⴻⵎ ⵙ ⵜⴻⴱⵖⴻⵙⵜ ⴰⴽⴽ ⴷ ⵜⴻⵣⴷⴻⴳ ⵖⴻⴼ ⵍⴰⴷⵖⴰ ⵙⵙⴻⵃⵕⴰⵙⴻⵖ ⴰⵟⴰⵚ", ⵉⴷ-ⵢⴻⵏⵏⴰ ⵎⴰⵙ ⴳⵔⵉⵏⴻ ⵉ ⵜⵏⴻⴳⴳⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ.
ⵢⴻⵔⵏⴰ ⵢⴻⵏⵏⴰ "ⴷⵉ ⵙⵏⴰⵜ ⵏ ⵜⴽⴻⴱⴱⴰⵏⵉⵢⵉⵏ-ⴰⴳⵉ ⵢⴰⵍ ⵢⵉⵡⴻⵏ ⵉⵍⴰⵇ ⴰⴷ ⵢⵉⵍⵉ ⴷ ⵍⴻⵎⵔⵉ ⵏ ⵡⴻⵖⵕⴻⴼ ⵍⴰⴷⵖⴰ ⵎⴰ ⵏⴻⵥⵕⴰ ⴱⴻⵍⵍⵉ ⵕⵕⴰⴷⵢⵓ ⴷ ⵜⵉⵍⵉⴱⵉⵣⵢⵓ ⵉⵣⵓⵢⴰⵥ ⵣⴳⴰⵏ ⴷ ⵜⵉⴳⴻⵊⴷⴰ ⵏ ⵜⴻⵣⴷⴻⴳ".
ⵢⴻⵔⵔⴰ ⵜⴰⵊⵎⵉⵍⵜ ⵉ ⵢⵉⵎⴰⵖⵕⴰⵙⴻⵏ ⵏ ⵢⵉⵎⵔⵓ, ⵢⴻⵎⵎⵓⵜⴻⵏ ⵍⴰⵡⴰⵏ ⵓⵅⴻⴷⴷⵉⵎ-ⵏⵙⴻⵏ, ⵎⴰⵙ ⴳⵔⵉⵏⴻ "ⵢⴻⵙⵏⴻⵎⵎⴻⵔ ⴰⴽⴽ ⵉⵅⴻⴷⴷⴰⵎⴻⵏ ⵉⵔⴻⴼⴷⴻⵏ ⵙⵙⴰⵏⴵⴰⵇ ⵏ ⵕⵕⴰⴷⵢⵓ ⴷ ⵜⵉⵍⵉⴱⵉⵣⵢⵓ ⵉⵍⴻⵍⵍⵉⵢⴻⵏ, ⵉⵎⵓⵏⴻⵏ ⵢⴻⵜⵜⵏⴰⵖⴻⵏ ⵖⴻⴼ ⵍⴻⵣⵣⴰⵢⴻⵔ ⵢⵓⴼⵔⴰⵔⴻⵏ".
