Asebter amenzawi

Tamaɣṛa n wesmekti n tririt n timmunent taɣelnawt di ṛṛadyu d tilibizyu

LEZZAYER- Aneɣlaf n teɣwalt, Hamid Grine, yesselwi ass n laṛebɛa di Lezzayer tamaɣṛa almend n wesmekti wis 63 n tririt n uzarug aɣelnaw n rradyu akk d tilibizyu tazzayrit.

Mbaɛd mi yessers timeqqunin izeǧǧigen di snat n termisin akk d leqraya n tṣuṛett n lfatiḥa, aneɣlaf n teɣwalt, ukud d-ddan yemḍebbṛen n snat n tkebbaniyin-agi, yerra tajmilt muqqṛen i yineɣmasen akk d yixeddamen yeffɣen lanetrit, di tmaɣṛiwin sen-yellan di ddemma.

"Nerra tajmilt i yineɣmasen yuklalen yeffɣen lanetrit, ixedmen ayen ilaqen ad yettwaxdem s tebɣest akk d tezdeg ɣef ladɣa sseḥṛaseɣ aṭaṣ", id-yenna Mas Grine i tnegga isallen n Lezzayer.

Yerna yenna "Di snat n tkebbaniyin-agi yal yiwen ilaq ad yili d lemri n weɣṛef ladɣa ma neẓṛa belli ṛṛadyu d tilibizyu izuyaẓ zgan d tigejda n tezdeg".

Yerra tajmilt i yimaɣṛasen n yimru, yemmuten lawan uxeddim-nsen, Mas Grine "yesnemmer akk ixeddamen irefden ssanǧaq n ṛṛadyu d tilibizyu ilelliyen, imunen yettnaɣen ɣef Lezzayer yufraren".