Asebter amenzawi

Amaray amatu n weɣlif afidiṛali Uṭṛici n tɣawsiwin n wezɣaṛ ad d-yerzu ɣer Lezzayer

LEZZAYER- Amaray amatu n weɣlif afidiṛali uṭṛici n tɣawsiwin n wezɣaṛ, Michael Linhart, ad yexdem yiwet n tirza uxeddim ɣer Lezzayer ussan n 28 d 29 tuber 2015, id-yenna yiwen n wulɣu n weɣlif n tɣawsiwin n wezɣaṛ.

Ad t-yemmager uneɣlaf n ddewla, aneɣlaf n tɣawsiwin n wezɣaṛ d wemɛiwen ageraɣlan, Ramtane Lamamra, ad yemdiwenni d wemtil-is, Abdelhamid Senouci Bereksi, amaray amatu n weɣlif n tɣawsiwin n wezɣaṛ, id-tenna teɣbalut-agi.

Tirza-yagi n wemḍebber ɛlayen uṭṛici "tekcem di lebɣi n snat n tmura yettnadin aṛeṣṣi n udiwenni asertan yemmezdin d unadi ɣef yiberdan izemren ad snernin amɛawen di yakk iḥricen".

Adiblumasi uṭṛici "ad yembaddal, si tama-nniḍen, ɣef tuttriwin timiranin timnaḍanin neɣ tigeraɣlanin yeṭṭfen lwelha n snat n tmura", id-tenna teɣbalut-agi.