ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵜⵉⵎⵖⵓⵔ ⵍⴼⴰⵢⴷⴰ ⵏ ⵡⵉⴷ ⵢⴻⵙⵙⴻⵡⵡⴰⵢⴻⵏ ⴰⵖⵔⵓⵎ ⵙⴻⴳ ⵢⴻⵏⵏⴰⵢⴻⵔ ⵏ 2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⴻⴳ ⵢⴻⵏⵏⴰⵢⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⴰⵙⴰⵡⴻⵏ, ⴰⴷ ⵓⵖⴰⵍⴻⵏ ⵢⵉⵎⵙⴻⵖⵔⵓⵎⴻⵏ ⴰⴷ ⵙⵙⴻⵇⴷⴰⵛⴻⵏ ⵚⵚⴻⵏⴼ ⵏⵉⴹⴻⵏ ⵏ ⵍⴼⴰⵕⵉⵏⴰ ⴰⴽⴽⴻⵏ ⴰⴷ ⴷ-ⵙⵙⴻⵡⵡⴰⵢⴻⵏ ⴰⵖⵔⵓⵎ ⴰⴷ ⵉⵇⴰⴷⵔⴻⵏ ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵢⴻⵔⵏⴰ ⴰⴷ ⵜⵉⵎⵖⵓⵔ ⵍⴼⴰⵢⴷⴰ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⵖⵔⵓⵎⴻⵏ, ⵢⵧⵓⵛⴻⴼ ⴽⵀⴻⵍⴼⴰⵜⴻ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⴽⵀⴻⵍⴼⴰⵜⴻ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ, ⴷ ⴰⴽⴽⴻⵏ ⴰⴼⴰⵔⴻⵙ (ⵉⵏⵜⴰⴵ) ⵏ ⵍⴼⴰⵕⵉⵏⴰ-ⴰ ⵢⴻⵙⵇⴰⵎⴰⵢ-ⴷ ⵖⵍⴰⵢ ⵓⴳⴰⵔ ⵏ ⵍⴼⴰⵕⵉⵏⴰ ⵏ ⵎⴻⵏⵡⴰⵍⴰ. ⵍⴼⴰⵕⵉⵏⴰ-ⴰ ⵍⵍⴰⵏ ⴷⴻⴳ-ⵙ 70% ⵏ ⵢⵉⵔⴷⴻⵏ ⵉⵍⴻⵇⵇⴰⵇⴻⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵙⴻⴳ ⵓⵣⵖⴰⵔ ⴷ 30% ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ ⵏ ⵜⵎⵓⵔⵜ), ⵢⴻⵔⵏⴰ « ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⵜⵏⵉ, ⵉⵎⵉⵔ-ⴰ, ⵍⴰ ⵅⴻⴷⴷⵎⴻⵏ ⵙ ⵓⵄⴰⵡⴻⵏ (ⵙⵖⵓⵔ ⵓⵏⴰⴱⴰⴹ) », ⴰⵎⴰ ⴷ ⵜⵉⵙⵙⵢⴰⵔ ⵏ ⵍⴼⴰⵕⵉⵏⴰ, ⴰⵎⴰ ⴷ ⵉⵎⵙⴻⵖⵔⵓⵎⴻⵏ, ⵢⴻⵔⵏⴰ ⴷ ⵍⴻⵎⵄⴰⵡⵏⴰ-ⴰ ⴰⵢ ⵢⴻⴵⴵⴰⵏ ⴰⵖⵔⵓⵎ ⵓⵔ ⵉⵔⴻⵏⵏⵓ ⴰⵔⴰ ⴷⴻⴳ ⵙⵙⵓⵎⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⴽⵀⴻⵍⴼⴰⵜⴻ ⴷ ⴰⴽⴽⴻⵏ ⴰⵖⵍⵉⴼ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) « ⵍⴰ ⵢⴻⵜⵜⵏⴰⴷⵉ ⴰⴷ ⴷ-ⵢⴰⴼ ⵙⵙⵓⵎⴰ ⵜⴰⵍⴻⵎⵎⴰⵙⵜ ⵉ ⵜⴻⵅⴱⵉⵣⵜ ⴰⴷ ⴷ-ⵢⴻⵜⵜⵡⴰⴳⴳⴻⵏ ⵙ ⵍⴼⴰⵕⵉⵏⴰ ⵜⵓⵅⵍⵉⴹⵜ ⴷ ⵙⵙⵓⵎⴰ ⵏ ⵍⴼⴰⵕⵉⵏⴰ ⴰⵢⵢⴻⵙ ⴰⴷ ⵉⵅⴻⴷⴷⴻⵎ ⵓⵎⵙⴻⵖⵔⵓⵎ, ⴰⴽⴽⴻⵏ ⴰⴷ ⵢⴻⴱⴷⵓ ⵓⵖⵔⵓⵎ-ⴰ ⴰⴷ ⵢⴻⵜⵜⵏⵓⵣⵓ ⵙⴻⴳ ⵜⴻⵣⵡⴰⵔⴰ ⵏ ⵓⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ.

ⵍⴼⴰⵕⵉⵏⴰ-ⴰ ⵜⵓⵅⵍⵉⴹⵜ ⴰⴷ ⵜⴻⵜⵜⵡⴰⵙⵙⴻⵇⴷⴰⵛ ⴰⵍⴰ ⵉ ⵓⵖⵔⵓⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵀⴻⵍⴼⴰⵜⴻ, ⵢⴻⵔⵏⴰ ⴷ ⴰⵢⴰ ⴰⴷ ⵢⴻⴼⵔⵓⵏ ⵓⴳⵓⵔ ⵏ ⵓⵙⵙⴻⵇⴷⴻⵛ ⵏ ⵍⴼⴰⵕⵉⵏⴰ ⵏ ⵍⴻⵎⵄⴰⵡⵏⴰ ⵏ ⵓⵡⴰⵏⴰⴽ (ⴷⴷⵓⵍⴰ) ⵉ ⵓⵙⵙⴻⵡⵡⵉ ⵏ ⵍⵃⴻⵍⵡⴰ. ⵏⵏⵉⴳ ⵡⴰⵢⴰ, ⴰⵢⴰ ⴰⴷ ⵢⴻⴹⵎⴻⵏ ⴰⴷ ⵢⵉⵍⵉ ⴷⵉⵎⴰ ⵓⵖⵔⵓⵎ. ⴷⴰⵖ, ⴰⵢⴰ ⴰⴷ ⴷ-ⵢⴻⵙⵙⴻⵏⵇⴻⵙ ⵙ 30% ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵔⴷⴻⵏ ⵉⵍⴻⵇⵇⴰⵇⴻⵏ ⵙⴻⴳ ⵓⵣⵖⴰⵔ.

ⵢⴻⵙⵎⴻⴽⵜⵉ-ⴷ ⵎⴰⵙⵙ ⴽⵀⴻⵍⴼⴰⵜ ⴷ ⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⴰⵙⵙ ⵏ 15 ⵛⵜⴻⵎⴱⴻⵕ ⵢⴻⵣⵔⵉⵏ ⵢⴻⵔⵏⴰ ⵜⵜⴻⴽⴽⴰⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵎⵙⴻⵖⵔⵓⵎⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ, ⵢⴻⵔⵏⴰ ⵙⵇⴻⵔⴷⵛⴻⵏ-ⴷ ⴷⴻⴳ-ⵙ ⵓⴳⵓⵔⴻⵏ ⵏ ⵢⵉⵎⵙⴻⵖⵔⵓⵎⴻⵏ, ⵍⴰⴷⵖⴰ ⵡⵉⵏ ⵏ ⵜⵎⴻⵔⵏⵉⵡⵜ ⵏ ⵙⵙⵓⵎⴰ ⵏ ⵜⴻⵎⵜⵓⵏⵜ ⵏ ⵜⴻⴱⵢⵉⵔⵜ ⴷ ⵢⵉⵎⵙⴻⵍⵀⵓ ⵙ 30%, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⵙⵏⴻⵇⵙⴻⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵍⴼⴰⵢⴷⴰ ⵏ ⵢⵉⵎⵙⴻⵖⵔⵓⵎⴻⵏ.

ⴷⵖⴰ ⵎⵙⴻⴼⵀⴰⵎⴻⵏ, ⴷⴻⴳ ⵜⴻⵎⵍⵉⵍⵉⵜ-ⵏⵏⵉ, ⴰⴷ ⵙⵔⴻⴽⴷⴻⵏ ⵙⵙⵓⵎⴰ ⵏ ⵡⵓⵖⵔⵓⵎ ⴰⴽⴽⴻⵏ ⴰⴷ ⵜⵉⵍⵉ ⵍⴼⴰⵢⴷⴰ-ⵏⵏⴻⵙ ⴳⴰⵔ 15 ⴷ 20%, ⵡⴰⵔ ⵎⴰ ⵢⵓⵖⴰⵍ ⵖⵍⴰⵢ ⵖⴻⴼ ⵎⴻⴷⴷⴻⵏ.

ⵉⵎⵙⴻⵖⵔⵓⵎⴻⵏ ⵍⴰ ⴷ-ⵜⵜⵛⴻⵜⴽⵉⵏ, ⵜⴰⴳⴰⵔⴰ-ⴰ, ⵖⴻⴼ ⵡⵓⴳⵓⵔⴻⵏ-ⵏⵙⴻⵏ ⵏ ⵜⴻⴷⵔⵉⵎⵜ, ⵢⴻⵔⵏⴰ ⵙⵙⵓⵜⵔⴻⵏ ⴰⵛⵃⴰⵍ ⴷ ⵜⵉⴽⴽⴻⵍⵜ ⴰⴷ ⵜⴻⵔⵏⵓ ⵍⴼⴰⵢⴷⴰ-ⵏⵙⴻⵏ ⵙ ⵓⵙⵙⴻⵏⵇⴻⵙ ⵏ ⵙⵙⵓⵎⴰ ⵏ ⵍⴼⴰⵕⵉⵏⴰ. ⴰⵇⴻⵏⵟⴰⵔ ⵏ ⵍⴼⴰⵕⵉⵏⴰ ⵜⵜⵅⴻⵍⵍⵉⵚⴻⵏ-ⵜ ⵢⵉⵎⵙⴻⵖⵔⵓⵎⴻⵏ ⴳⴰⵔ 1500 ⴷ 2000 ⵏ ⵢⵉⴷⵉⵏⴰⵕⴻⵏ.

ⵙⵙⵓⵎⴰ ⵏ ⵓⵖⵔⵓⵎ ⵏ ⵎⴻⵏⵡⴰⵍⴰ ⵃⵓⴷⴷⴻⵏ-ⵜⵜ-ⵉⴷ ⴷⴻⴳ 1996 ⵖⴻⵔ 7,5 ⵏ ⵢⵉⴷⵉⵏⴰⵕⴻⵏ, ⵎⴰ ⴷ ⵜⵉⵏ ⵏ ⵓⵖⵔⵓⵎ ⵢⴻⵜⵜⵡⴰⵙⵙⴻⵍⵀⴰⵏ, ⵙⵙⵓⵎⴰ-ⵏⵏⴻⵙ 8,5 ⵏ ⵢⵉⴷⵉⵏⴰⵕⴻⵏ, ⵎⴰⵛⴰ ⴷⴻⴳ ⵜⵏⴻⵖⵔⵓⵎⵉⵏ, ⴰⵖⵔⵓⵎ ⵢⴻⵜⵜⵏⵓⵣⵓ, ⴷⴻⴳ ⵜⵉⴷⴻⵜ, ⵙ 10 ⵏ ⵢⵉⴷⵉⵏⴰⵕⴻⵏ.