ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵙⵏⴰⵜⵡⵉⵍⵉⵏ ⵏ ⵍⵉⵜⵜⵉⵚⴰⵍ: ⵓⴳⴰⵔ ⵏ 1000 ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ 30 ⵏ ⵜⵡⵉⵍⴰⵢⵉⵏ

ⵜⵉⵙⴻⵎⵙⵉⵍⵜ – ⵓⴳⴰⵔ ⵏ 1000 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⵏ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵏ ⵜⴻⵖⵡⴰⵍⵜ ⴰⵢ ⴷ-ⵢⴻⵏⵏⵓⵍⴼⴰⵏ ⴷⴻⴳ 30 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⴰⵙⵙ ⵏ ⵍⴰⵕⴻⴱⵄⴰ ⵉ ⵍⵎⴻⵏⴷ ⵏ ⵡⴰⵡⵡⴰⴹ ⵏ ⵜⴻⵖⵍⴰⵎⵜ (ⵇⴰⴼⵉⵍⴰ) ⵜⴰⵖⴻⵍⵏⴰⵡⵜ ⵏ ⵓⵅⴻⴱⴱⴻⵔ ⵖⴻⴼ ⵜⴽⴻⴱⴱⴰⵏⵉⵢⵉⵏ-ⴰ ⵖⴻⵔ ⵜⴻⵎⴷⵉⵏⵜ ⵏ ⵜⵙⴻⵎⵙⵉⵍⵜ.

ⵉⵎⴽⴻⵍⵍⴻⴼ ⵙ ⵓⵅⴻⴱⴱⴻⵔ ⵏ ⵜⴻⵖⵍⴰⵎⵜ-ⴰ (ⴷ ⵉⵎⴹⴻⴱⴱⴻⵔ ⴷⴻⴳ ⴰⵍⴳⴻⵔⵉⴻ ⵜⴻⵍⴻⵛⵧⵎ), ⵀⴰⵎⵧⵓⵛⵀⴻ ⴰⴱⴷⴻⵔⵔⴰⵧⵓⴼ, ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷ ⴰⴽⴽⴻⵏ ⵡⵉⴷ ⴰⵢ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵢⵉⴷⵔⵉⵎⴻⵏ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⵜⵉⴽⴻⴱⴱⴰⵏⵉⵢⵉⵏ-ⴰ ⴰⵜⵏⵉ, ⵓⵙⵙⴰⵏ-ⴰ, ⵍⴰ ⵇⵇⴰⵔⴻⵏ ⴷⴻⴳ ⵜⵎⴻⵣⵣⵓⴳⵜ (ⵜⴰⵅⴰⵚⵚⵓⵚ) ⵏ ⵜⵏⴻⵍⵡⴰ ⵜⵉⵙⴻⴽⴷⴰⵏⵉⵏ (ⴰⵍⵢⴰⴼ ⴱⴰⵚⴰⵔⵉⵢⵢⴰ) ⴷ ⵓⵕⴻⴽⴽⴻⴱ ⵏ ⵢⵉⵥⴻⴹⵡⴰⵏ ⵉⵀⴻⵜⵣⵉⵢⴻⵏ. ⵍⴻⵇⵔⴰⵢⴰ-ⴰ-ⵏⵙⴻⵏ ⴰⴷ ⵜⴻⴹⴹⴻⴼ ⴳⴰⵔ 45 ⵏ ⵡⵓⵙⵙⴰⵏ ⴷ 3 ⵏ ⵡⴰⵢⵢⵓⵔⴻⵏ ⵢⴻⵔⵏⴰ ⵜⴻⵍⵍⴰ-ⴷ ⴷⴷⴰⵡ ⵍⴻⵄⵏⴰⵢⴰ ⵏ ⵍⴻⵄⵇⴻⴷ ⴰⵢ ⵜⴻⵙⵜⴻⵏⵢⴰ ⴰⵍⴳⴻⵔⵉⴻ ⵜⴻⵍⴻⵛⵧⵎ ⴷ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⴻⴷⵀⴻⵍⵜ ⵏ ⵓⵙⵙⴻⵎⵔⴻⵙ ⵏ ⵢⵉⵍⴻⵎⵥⵉⵢⴻⵏ (ⴰⵏⵙⴻⵊ).

ⵜⴰⵖⵍⴰⵎⵜ-ⴰ ⵜⴻⴽⴽⴰ-ⴷ ⵖⴻⴼ 30 ⵏ ⵜⵡⵉⵍⴰⵢⵉⵏ, ⵢⴻⵔⵏⴰ ⵜⵉⴽⴻⴱⴱⴰⵏⵉⵢⵉⵏ ⴰⴷ ⴷ-ⵢⴻⵏⵏⵓⵍⴼⵓⵏ ⵙⴻⴳ ⵜⵓⵣⵣⵢⴰ-ⴰ ⴰⴷ ⴷ-ⵍⵀⵓⵏⵜ ⴷ ⵡⵓⴳⵓⵔⴻⵏ ⵏ ⵓⵙⵙⴻⵔⵙⵉ ⵏ ⵢⵉⵥⴻⴹⵡⴰⵏ ⵏ ⵓⵙⴰⵡⴰⵍ ⴷ ⵜⵓⵇⵇⵏⴰ ⵏ ⵜⵖⵉⵡⴰⵏⵉⵏ ⵖⴻⵔ ⵜⵏⴻⵍⵡⴰ ⵜⵉⵙⴻⴽⴷⴰⵏⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ. ⵏⵏⵉⴳ ⵡⴰⵢⴰ, ⵜⵉⴽⴻⴱⴱⴰⵏⵉⵢⵉⵏ-ⴰ ⵜⵉⵎⴻⵥⵢⴰⵏⵉⵏ ⴰⴷ ⴷ-ⵙⵏⵓⵍⴼⵓⵏⵜ 4000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵉⴷⵓⵎⴰⵏⴻⵏ.

ⵉⵡⴻⴽⴽⴻⴷ-ⴷ ⵎⴰⵙⵙ ⵀⴰⵎⵧⵓⵛⵀⴻ ⴷ ⴰⴽⴽⴻⵏ ⵉⵙⵡⵉ ⴰⵢ ⵙⵙⴰⵔⴰⵎⴻⵏ ⴰⴷ ⵜ-ⴰⵡⴹⴻⵏ ⵙⴻⴳ ⵍⴻⵄⵇⴻⴷ-ⴰ ⵏⴻⵜⵜⴰ ⴷ ⴰⵙⵙⴻⴱⴷⴻⴷ ⵏ 2400 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷⴻⴳ ⵓⵃⵔⵉⵛ ⵏ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵖⵡⴰⵍⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.

ⴰⵎⵜⴰⵡⴰ-ⴰ (ⵉⵜⵜⵉⴼⴰⵇ) ⵙⵜⴻⵏⵜⴰⵏ-ⵜ ⴷⴻⴳ 2011 ⵢⴻⵔⵏⴰ ⵏⵏⵓⵍⴼⴰⵏⵜ-ⴷ ⵢⴻⵙ-ⵙ 360 ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴻⵥⵢⴰⵏⵉⵏ ⴷⴻⴳ ⵓⵃⵔⵉⵛ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵙⵙⵓⴼⴼⴻⵖ ⵓⴳⴰⵔ ⵏ 500 ⵏ ⵢⵉⵊⴻⵏⵢⵓⵕⴻⵏ ⴷ ⵢⵉⵎⴻⵙⵜⴻⴽⵏⵉⵢⴻⵏ ⵓⵏⵏⵉⴳⴻⵏ ⴷⴻⴳ ⵜⴻⵙⵏⴰⵜⵡⵉⵍⵉⵏ ⵏ ⵜⴻⵖⵡⴰⵍⵜ, ⵜⴰⵙⴻⵏⵙⴻⵍⴽⵉⵎⵜ ⴷ ⵜⵔⵉⵙⵉⵜⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⵀⴰⵎⵧⵓⵛⵀⴻ ⴷ ⴰⴽⴽⴻⵏ ⵜⴰⴽⴻⴱⴱⴰⵏⵉⵜ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ ⵜⵃⴰⵣ-ⴷ 45 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵙⵙⴻⴼⵜⵉ ⴷⴻⴳ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⵜⵔⴻⵔ (ⵄⴰⵚⵔⴰⵏⴰ) ⵏ ⵢⵉⵥⴻⴹⵡⴰⵏ ⵏ ⵓⵙⴰⵡⴰⵍ ⴷ ⵓⵙⵏⴻⵔⵏⵉ ⵏ ⵜⵓⵇⵇⵏⴰ ⵖⴻⵔ ⵜⵏⴻⵍⵡⴰ ⵜⵉⵙⴻⴽⴷⴰⵏⵉⵏ.