Asebter amenzawi

Ass wis 10 telɣuɣa: NA Ḥusin Day mgal Ilemẓiyen Inaddalen n Leqbayel

LEZZAYER TAMANEɣT – Ass wis 10 n telɣuɣa n Lezzayer (Tamɣunt 1ut n Mobilis) ad ikemmel ussan n lexmis d ljemɛa, yerna ad d-tili deg-s temlilit n NA Ḥusin Day mgal Ilemẓiyen Inaddalen n Leqbayel, ma d RC Laṛebɛa (ay werɛad yerbiḥen ula d yiwet n temlilit deg tsemhuyt-a) ad tqabel MC Lezzayer deg Lezzayer Tamaneɣt.

Ass n ttlata, DRB Taǧnant terna deg usarir-nnes ES Sḍif (1 ɣer 0), ma d USM Leblida ur tessaweḍ ara ad ternu MO Bgayet (0-0).

USM Lḥeṛṛac, ay yeḍḍfen amkan wis 3 d MC Lezzayer, ES Sḍif d MO Bgayet s 14 n tenqiḍin i yal yiwet, ad temqabal d MC Wehṛan.

Lḥeṛṛac terrwerna s 4 ɣer 2 mi turar mgal Ilemẓiyen Inaddalen n Leqbayel deg Tizi Wezzu, yerna ad teg akk ayen umi tezmer akken ad d-terfd iman-nnes deg temlilit-nnes mgal MC Wehṛan (d tis 14 s 8 n tenqiḍin).

Ma d NA Ḥusin Day (d tis 12 s 10 n tenqiḍin) terna MC Lezzayer s 2 ɣer 1, yerna tɛewwel ad ternu Ilemẓiyen Inaddalen n Leqbayel deg usarir-nnes.