ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ ⵏ ⵢⵉⵎⴻⵄⴷⴰⵕ: 2 ⵏ ⵛⵛⵉⵄⴰⵜ ⵉ ⵍⴻⵣⵣⴰⵢⴻⵔ

ⴷⴷⵓⵃⴰ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ ⵏ ⵢⵉⵎⴻⵄⴷⴰⵕ ⵜⴻⵔⵏⴰ-ⴷ 2 ⵏ ⵜⵣⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ, ⵢⵉⵡⴻⵜ ⵏ ⵡⵓⵔⴻⵖ, ⵜⴰⵢⴻⴹ ⵏ ⵓⴱⵕⵓⵏⵣ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵙⴰⵔⵉⵔ ⵏ ⵙⵓⵀⴰⵉⵎ ⴱⵉⵏ ⵀⴰⵎⴰⴷ ⴷⴻⴳ ⴷⴷⵓⵃⴰ (ⵇⴰⵟⴰⵔ), ⴷⴻⴳ ⵡⴰⵙⵙ ⵡⵉⵙ 5 ⵏ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⴰⴷ ⵉⴼⴰⴽⴻⵏ ⴰⵙⵙ ⵏ ⵙⵙⴻⴱⵜ.

ⵜⴰⵣⴰⵍⵖⵉ ⵏ ⵡⵓⵔⴻⵖ ⵜⴻⵔⴱⴻⵃ-ⵉⵜⵜ-ⵉⴷ ⵏⴰⵙⵙⵉⵎⴰ ⵙⴰⵉⴼⵉ ⴷⴻⴳ ⵓⵣⴻⵍⵍⵉ ⵏ ⵓⴹⴻⴱⵙⵉ (ⵜⴰⵙⴻⵔⴽⴻⵎⵜ ⵏ ⴼ57) ⵙ ⵓⵣⴻⵍⵍⵉ ⵏ 34,31 ⵏ ⵍⵎⵉⵜⵔⴰⵜ ⴷⴻⴳ ⵢⵉⵡⴻⵏ ⵏ ⵓⵎⵙⵉⵣⵡⴻⵔ ⴰⵢⴷⴻⴳ ⵜⵜⴻⴽⴽⴰⵏⵜ 12 ⵏ ⵜⴻⵅⵚⵉⵎⵉⵏ. ⵎⴰ ⴷ ⵜⴰⵣⴰⵍⵖⵉ ⵏ ⵓⵥⵔⴻⴼ, ⴷⴻⴳ ⵓⵎⵙⵉⵣⵡⴻⵔ-ⴰ, ⵜⴻⵔⴱⴻⵃ-ⵉⵜⵜ-ⵉⴷ ⵜⴱⵓⵍⴳⴰⵕⵉⵜ ⵙⵜⴻⵍⴰ ⴻⵏⴻⵠⴰ (32,35 ⵏ ⵍⵎⵉⵜⵔⴰⵜ), ⵜⴻⵔⵏⴰ-ⴷ ⴷⴻⴼⴼⵉⵔ-ⵙ ⵧⵔⵍⴰ ⴱⴰⵔⵔⵢ (29,82 ⵏ ⵍⵎⵉⵜⵔⴰⵜ) ⵙ ⵜⵣⴰⵍⵖⵉ ⵏ ⵓⴱⵕⵓⵏⵣ.

ⵙⴰⴼⵉⴰ ⴷⵊⴰⵍⴰⵍ ⴷ ⵏⴻⵜⵜⴰⵜ ⴰⵢ ⴷ ⵜⴰⴷⵣⴰⵢⵔⵉⵜ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵙⵉⵣⵡⴻⵔ-ⴰ ⵏ ⵓⵣⴻⵍⵍⵉ ⵏ ⵓⴹⴻⴱⵙⵉ, ⵎⴰⵛⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⵜⵉⵍⵉ ⴳⴰⵔ ⵜⵎⴻⵣⵡⵓⵔⴰ, ⵉⵎⵉ ⴰⵢ ⵜⴻⵙⵙⴰⵡⴻⴹ ⴽⴰⵏ ⵖⴻⵔ 27,89 ⵏ ⵍⵎⵉⵜⵔⴰⵜ ⴷⴻⴳ ⵓⵏⴻⵄⵔⵓⴹ-ⵏⵏⴻⵙ ⴰⵎⴻⵣⵡⴰⵔⵓ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴰⴷⴷⴰⵍ ⵎⵧⵀⴰⵎⴻⴷ ⴱⴻⵔⵔⴰⵀⴰⵍ ⵢⴻⵡⵡⵉ-ⴷ ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵜⵏⴻⴳⴳⴰⵔⵓⵜ ⵏ ⵜⴻⵎⵙⵉⵣⵣⴻⵍⵜ ⵏ 100 ⵏ ⵍⵎⵉⵜⵔⴰⵜ (ⵜⴰⵙⴻⵔⴽⴻⵎⵜ ⵏ ⵜ51), ⵙ ⵡⴰⴽⵓⴷ ⵏ 21.89 ⵏ ⵜⵙⵉⵏⵉⵏ (ⵜⴰⵡⴰⵏⵉ). ⴱⴻⵔⵔⴰⵀⴰⵍ ⵉⴳⴰ-ⴷ ⴷⴰⵖ ⴰⴽⵍⵉⵙ (ⵔⴰⵇⵎ ⵇⵉⵢⴰⵙⵉ) ⴰⵎⴰⵢⵏⵓ ⵉ ⵜⴻⴼⵔⵉⵇⵜ ⴷⴻⴳ ⵜⴻⵎⵙⵉⵣⵣⴻⵍⵜ-ⴰ.

ⵜⴰⵣⴰⵍⵖⵉ ⵏ ⵡⵓⵔⴻⵖ, ⴷⴻⴳ 100 ⵏ ⵍⵎⵉⵜⵔⴰⵜ ⵏ ⵜ51 ⵢⴻⵡⵡⵉ-ⵜⵜ ⵓⵏⴰⴷⴷⴰⵍ ⴰⵎⴰⵢⵏⵓ ⴰⴱⵉⵍⵊⵉⴽⵉ ⵒⴻⵜⴻⵔ ⴳⴻⵢⵏⵉⵏ ⵙ 20.93 ⵏ ⵜⵙⵉⵏⵉⵏ (ⴷ ⴰⴽⵍⵉⵙ ⴰⵎⴰⵢⵏⵓ ⴷⴻⴳ ⵜⴻⵍⵖⵓⵖⴰ), ⵎⴰ ⴷ ⵜⴰⵣⴰⵍⵖⵉ ⵏ ⵓⵥⵔⴻⴼ ⵢⴻⵡⵡⵉ-ⵜⵜ ⵓⵍⵖⵓⵖ ⵏ ⵓⵎⴰⴹⴰⵍ ⵏ ⵜⵉⴽⴽⴻⵍⵜ ⵢⴻⵣⵔⵉⵏ, ⴰⴼⵉⵏⵍⴰⵏⴷⵉ ⵜⵧⵏⵉ ⵒⵉⵉⵙⵒⴰⵏⴻⵏ (21.43).

ⵎⵉ ⵜⴼⵓⴽ ⵜⵏⴻⴳⴳⴰⵔⵓⵜ-ⵏⵏⵉ, ⴱⴻⵔⵔⴰⵀⴰⵍ ⵉⴱⴰⵏ-ⴷ ⵢⴻⵜⵜⵡⴰⵅⴻⵢⵢⴻⴱ ⵙ ⵓⴳⵎⵓⴹ-ⵏⵏⴻⵙ ⴷ ⵓⵎⴽⴰⵏ ⵡⵉⵙ 3 ⴰⵢ ⵜ-ⵉⴷ-ⵉⵚⴰⵃⴻⵏ. « ⴷ ⴰⵢⴻⵏ ⵉⴱⴰⵏⴻⵏ ⵓⵔ ⵓⵎⴰⵔⴻⵖ ⴰⵔⴰ ⵙ ⵡⴰⵢⴻⵏ ⴳⵉⵖ. ⵃⴻⵕⵙⴻⵖ ⵎⵍⵉⵃ ⵉⵎⴰⵏ-ⵉⵏⵓ ⴷⴻⴳ ⵓⵅⴻⴷⴷⵉⵎ ⴰⵙⴻⴳⴳⴰⵙ-ⴰ ⴰⴽⴽⴻⵏ ⴰⴷ ⴷ-ⴰⵡⵉⵖ ⵉⴳⵎⴰⴹ ⵉⴳⴻⵔⵔⵣⴻⵏ ⵓⴳⴰⵔ. ⵓⵔ ⵥⵔⵉⵖ ⴰⵔⴰ ⴷ ⴰⵛⵓ ⴰⵢ ⵉⵢⵉ-ⵢⴻⴹⵔⴰⵏ. ⵄⵢⵉⵖ ⵢⴻⵔⵏⴰ ⵄⴻⵢⵢⵓ-ⵏⵏⵉ ⵢⴻⵡⵡⴻⴹ-ⴷ ⴷⴻⴳ ⵢⵉⵔ ⵜⴰⵙⵡⵉⵄⵜ. »