ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵚⴻⵃⵔⴰⵡⵉⵢⴻⵏ ⵚⴻⴱⵔⴻⵏ ⵓⵍⴰ ⵎⴰ ⴰⵜⵏⵉ ⴷⴻⴳ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ (ⵉⵎⴹⴻⴱⴱⴻⵔ)

ⵛⵀⴰⵀⵉⴷ ⴻⵍ-ⵀⴰⴼⴻⴷ (ⵉⵎⴰⵣⵉⵔⴻⵏ ⵉⵚⴻⵃⵔⴰⵡⵉⵢⴻⵏ) – ⵉⵣⴰⵔⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ ⵚⴻⴱⵔⴻⵏ « ⵓⵍⴰ ⵎⴰ ⴰⵜⵏⵉ ⴷⴻⴳ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ » ⴷⴻⴳ ⵜⵎⴻⴷⴷⵓⵔⵜ-ⵏⵙⴻⵏ, ⵖⴻⴼ ⵡⴰⴽⴽⴻ ⴰⵢ ⴰⵖ-ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵀⴰⵎⵎⴰ ⵙⴰⵍⴰⵎⴰ.

« ⵜⵓⴷⴻⵔⵜ ⵍⴰ ⴷ-ⵜⴻⵜⵜⵓⵖⴰⵍ ⵛⵡⵉⵟ, ⵛⵡⵉⵟ ⵖⴻⵔ ⵡⴰⴽⴽⴻⵏ ⵜⴻⵍⵍⴰ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵀⵕⴰⵡⵉⵢⴻⵏ, ⵙ ⵍⴻⵎⵄⴰⵡⵏⴰ ⴰⵢ ⵍⴰ ⴷ-ⵢⴻⵜⵜⴰⵡⴹⴻⵏ ⵙⵖⵓⵔ ⵢⵉⵎⴻⴳⴳⵉⵢⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵜⴰⴷⵣⴰⵢⵔⵉⵜ, ⴷ ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⴷⵣⴰⵢⵔⵉⵜ, ⵜⵉⴷⴷⵓⴽⵍⴰ ⵏ ⵢⵉⵎⴰⵙⵙⴰⵏⴻⵏ ⵉⵏⵙⴻⵍⵎⴻⵏ ⵉⴷⵣⴰⵢⵔⵉⵢⴻⵏ, ⵉⴷⵓⴱⴰ ⵏ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⴷ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵓⵃⵓⴷⴷⵉ ⴰⵖⴰⵔⵉⵎ ⴰⴷⵣⴰⵢⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ.

Ɣⴻⴼ ⵍⴻⵃⵙⴰⴱ ⵏ ⵢⵉⵎⴹⴻⴱⴱⴻⵔ-ⴰ, ⴰⵏⴰⴱⴰⴹ (ⵃⵓⴽⵓⵎⴰ) ⴰⵚⴻⵃⵔⴰⵡⵉ ⵍⴰ ⵢⴻⵙⵙⴻⴼⵔⴰⵢ, ⴷⴻⴳ 10 ⵏ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⴷ ⴷ-ⵢⴻⵔⵔ ⵙ 80% ⵍⴻⵛⵖⴰⵍ ⵏ ⵜⴽⴻⴱⴱⴰⵏⵉⵢⵉⵏ ⴷ ⵜⴻⵎⵚⵓⴽⵉⵡⵉⵏ (ⵀⴰⵢⴰⴽⵉⵍ) ⵜⵉⵏⵎⴻⵜⵜⵉⵢⵉⵏ ⴷⴰⵅⴻⵍ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ. ⵏⵏⵉⴳ ⵡⴰⵢⴰ, ⵙ ⵓⵄⴰⵡⴻⵏ ⵏ ⵎⴻⴷⴷⴻⵏ ⴷ ⵜⵙⵓⴷⴰ (ⵎⵓ’ⴰⵙⵙⴰⵙⴰⵜ), ⵓⵔ ⵎⵎⵓⵜⴻⵏ ⴰⵔⴰ ⵎⴻⴷⴷⴻⵏ ⴷⴻⴳ ⵡⵓⵙⵙⴰⵏ-ⵏⵏⵉ ⵏ ⵓⴳⴻⴼⴼⵓⵔ ⴷ ⵍⵃⴰⵍ ⵉⵅⴻⵚⵔⴻⵏ.

ⵎⴰⵙⵙ ⵙⴰⵍⴰⵎⴰ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵎⵄⴰⵡⵏⴰ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵜⴰⵍⵍⵉⵜ-ⴰ ⵉⵡⴻⵄⵕⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵎⴰⵣⴰⵍ ⵉⵚⴻⵃⵔⴰⵡⵉⵢⴻⵏ ⵍⴰ ⵜⵜⵕⴰⵊⵓⵏ ⵍⴻⵎⵄⴰⵡⵏⴰ-ⵏⵏⵉ ⴰⵢ ⴷ-ⵕⴻⴳⴳⵎⴻⵏⵜ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵜⵉⴳⵔⴰⵖⵍⴰⵏⵉⵏ ⴷ ⵜⴻⵔⵏⴰⴱⴰⴹⵉⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵍⴰ ⴷ ⵍⴻⵎⵄⴰⵡⵏⴰ ⵏ ⵍⴻⵣⵣⴰⵢⴻⵔ ⴰⵢ ⴷ-ⵢⴻⵡⵡⴹⴻⵏ.

Ɣⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, « ⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ ⵎⴰⵣⴰⵍ ⵃⵡⴰⴵⴻⵏ ⵍⴻⵎⵄⴰⵡⵏⴰ, ⵢⴻⵔⵏⴰ ⵎⴻⵏⵖⵉⵔ ⵜⵓⵞⵞⵉⵜ, ⵃⵡⴰⴵⴻⵏ ⵜⵜⴰⵡⵉⵍⴰⵜ ⵉ ⵓⵚⴻⴳⴳⴻⵎ ⵏ ⵍⴱⴻⵏⵢⴰⵏⴰⵜ-ⵏⵙⴻⵏ, ⵍⴰⴷⵖⴰ ⵉⵖⴻⵔⴱⴰⵣⴻⵏ ⴷ ⵢⵉⵎⵓⴽⴰⵏ ⵏ ⵓⴷⴰⵡⵉ ⴰⵢ ⵉⵃⴻⴱⵙⴻⵏ, ⵜⴰⵙⵡⵉⵄⵜ-ⴰ, ⵖⴻⴼ ⵍⴵⴰⵍ ⵏ ⵡⴰⵎⴰⵏ ⵏ ⵓⴳⴻⴼⴼⵓⵔ ⴰⵢ ⵉⴳⴻⵍⵍⴻⵍⴻⵏ ⴷⴻⴳ-ⵙⴻⵏ ».