ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⴷⴻⴳ ⴳⴻⵏⴻⵠⴻ ⵖⴻⴼ ⵓⵜⵄⴻⴷⴷⵉ ⵉⵙⵕⴰⵢⵉⵍⵉ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⵓⵣⵣⵉⴳⵜ (ⵅⴰⵚⵚⴰ) ⴰⵢ ⵉⴳⴰ ⵓⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⴳⴻⵏⴻⵠⴻ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵜⴻⴳⵏⵉⵜ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⵉⵄⴰⵡⴻⴷ ⵓⵙⴻⵍⵡⴰⵢ ⴰⴼⴰⵍⴻⵙⵟⵉⵏⵉ ⵎⴰⵀⵎⵧⵓⴷ ⴰⴱⴱⴰⵙ ⵉⴳⴻⵔ-ⴷ ⵜⵉⵖⵔⵉ ⵉ ⵓⵃⵓⴷⴷⵓ ⴰⴳⵔⴰⵖⵍⴰⵏ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ ⴰⵢⵖⴻⴼ ⵍⴰ ⵜⵜⴻⵎⵎⵖⴻⵏ ⵢⵉⵙⵕⴰⵢⵉⵍⵉⵢⴻⵏ, ⴷ ⵛⵛⵡⴰⵍ ⴰⵢ ⵢⴻⴳⵍⴰⵏ ⵙ ⵜⵓⴷⴻⵔⵜ ⵏ ⵡⵓⴳⴰⵔ ⵏ 50 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ.

ⵎⴰⵙⵙ ⴰⴱⴱⴰⵙ ⵉⴳⴻⵔ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴱⴷⴻⴷ ⵡⴰⵔ ⵍⴻⵄⴹⵉⵍ « ⵜⵜⴰⵡⵉⵍ ⴰⴳⵔⴰⵖⵍⴰⵏ ⵏ ⵓⵃⵓⴷⴷⵓ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏ », ⵢⴻⵔⵏⴰ ⵉⵡⴻⵜ-ⴷ ⴷⴻⴳ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴻⵏⵖⵉⵡⵉⵏ ⵢⴻⴼⴼⵖⴻⵏ ⵉ ⵛⵛⵕⴻⵄ.

« ⵢⴻⵙⵙⴻⴼⴽ ⵢⴰⵍ ⵢⵉⵡⴻⵏ ⴰⴷ ⵢⴻⴳ ⵛⵛⵖⴻⵍ-ⵏⵏⴻⵙ ⵓⵇⴱⴻⵍ ⵎⴰ ⵉⴼⵓⵜ ⵍⵃⴰⵍ, ⵢⴻⵔⵏⴰ ⵇⴻⵙⴷⴻⵖ-ⴷ ⵍⴰⴷⵖⴰ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (…) ⴷ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴱⴰⵙ ⴷⴻⴳ ⵜⴻⵎⵍⵉⵍⵉⵜ ⵜⵓⵣⵣⵉⴳⵜ ⴰⵢ ⵙⵙⵓⵜⵔⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⵢⴻⵔⵏⴰ ⴷ ⵜⴰ ⴰⵢ ⴷ ⵜⵉⵎⵍⵉⵍⵉⵜ ⵜⵓⵣⵣⵉⴳⵜ ⵜⵉⵙ ⵙⵏⴰⵜ ⴰⴷ ⴷ-ⵢⵉⵍⵉⵏ ⴷⴻⴳ ⵜⵏⴻⴳⴳⴰ-ⴰ (ⵡⴰⴽⴰⵍⴰ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵏⵏⵓⵍⴼⴰ ⴷⴻⴳ 2006.

ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵏⵏⵓⵍⴼⴰ 9 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⴰⵙⴻⵇⵇⴰⵎⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵢⴻⵎⵍⴰⵍ ⴰⵍⴰ ⵢⵉⵡⴻⵜ ⵏ ⵜⵉⴽⴽⴻⵍⵜ ⴷⴻⴳ « ⵜⴻⵎⵍⵉⵍⵉⵜ ⵜⵓⵣⵣⵉⴳⵜ », ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵉ ⵍⵎⴻⵏⴷ ⵏ ⵜⵉⵙⵉⵏ ⵏ ⵜⵙⴻⵍⵡⴰⵢⵜ ⵏ ⵛⵉⵍⵉ, ⵎⵉⵛⵀⴻⵍⵍⴻ ⴱⴰⵛⵀⵍⴻⵜ ⵖⴻⵔ ⵓⵙⴻⵇⵇⴰⵎⵓ-ⴰ ⴷⴻⴳ 2007.

« ⵜⵉⵎⵍⵉⵍⵉⵜ-ⴰ ⵏ ⵍⴻⵃⴷⴰⵇⴰ » ⵉ ⵍⵎⴻⵏⴷ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵜⴻⵍⵍⴰ-ⴷ ⵓⵍⴰ ⵎⴰ ⵓⵔ ⴰⵙ-ⵢⴻⵄⵊⵉⴱ ⴰⵔⴰ ⵍⵃⴰⵍ ⵉ ⵓⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵉⵚⵔⴰⵢⵉⵍⵉ ⴷⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴳⴻⵏⴻⵠⴻ, ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⴰⴷ ⵜⴻⵜⵜⵡⴰⵜⵜⵀⴻⵎ ⴷⴻⴳ-ⵙ ⴷⴰⵖ ⵉⵙⵕⴰⵢⵉⵍ ⴷ ⴰⴽⴽⴻⵏ ⴷ ⵏⴻⵜⵜⴰⵜ ⴰⵢ ⵢⴻⵍⵍⴰⵏ ⴷⴻⴼⴼⵉⵔ ⴰⴽⴽ ⵓⴳⵓⵔⴻⵏ.

ⵎⴰⵙⵙ ⴰⴱⴱⴰⵙ ⵉⵄⴰⵡⴻⴷ ⵢⴻⵙⵙⵓⵜⴻⵔ ⴰⵃⴱⴰⵙ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵉⵙⵕⴰⵢⵉⵍⵉ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ⵓⵇⴱⴻⵍ ⵎⴰ ⵓⵖⴰⵍⴻⵏⵜ-ⴷ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⴼⴰⵍⴻⵙⵟⵉⵏ ⴷ ⵉⵙⵕⴰⵢⵉⵍ.

ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⵃⴻⴱⵙⴻⵏ ⴷⴻⴳ ⵎⴻⵖⵔⴻⵙ ⵏ 2014ⴱ ⴷⴻⴼⴼⵉⵔ 9 ⵏ ⵡⴰⵢⵢⵓⵔⴻⵏ ⵏ ⵡⴰⵡⴰⵍ ⵓⵔ ⵢⴻⵙⵙⴰⵡⴹⴻⵏ ⵖⴻⵔ ⵡⴰⵛⴻⵎⵎⴰ.