Asebter amenzawi

Amuqṛan n ddewla yeṭṭef ibuddan n waṭaṣ seg yemtilen-is almend umulli n tegrawla

LEZZAYER- Aselway n Tegduda, Abdelaziz Bouteflika yeṭṭef aṭaṣ n yizenan usnemmer seg waṭaṣ n yemtilen-is almend n wesmekti wis 61 n beddu n tegrawla n umenzu n nubambeṛ 1954.

"S lfeṛḥ amuqṛan ara k d-azneɣ ibuddan-iw n wesnemmer akk d iḥulfan-iw yelhan almend n tmaɣṛa taɣelnawt n tmurt-ik, ass n tegrawla i keč", i yura uselway Uzbikistani, Islam Karimov.

Si tama-s aselway apiruvi, Ollanta Humala Tasso ibeggen-d i umuqṛan n ddewla "tisnemmar igerzen", am wakken d-iwekked belli yewjed akken ad yesnerni assaɣen n tegmatt n lemɛiwna yellan ger snat n tmura.

Aselway aṛumani, Klaus Werner Lohannis, yenna deg yizen-ines usnemmer, "umneɣ" belli tamuɣli s wacu d-tegliḍ s tebɣest ad sɛunt ḥala ayen yelhan i lemxaltat-nneɣ".

Aselway akubi, Raul Castro Ruz netta, yules-d lebɣi-s i "useǧhed d usewseɛ n wassaɣen n tegmatt, n lemɛiwna akk d twizi yellan yakan ger yiɣerfan d yinabaḍen".

Aselway n Tegduda n tdukkli Myanmar, Thein sein, iberraḥ-d seg yidis-is I uselway n Tegduda, ibuddan-is yelhan d unegmu yessaram i Lezzayer.

Seg yidis-ines aselway n Singapore, Tony Tan Keng Yam, yenna belli Lezzayer " s laɛnaya n tqacuct-is,tufa talwit d lahna ", am wakken yesnemmer afud ur nkennu n uselway Bouteflika.

Di taggara, aselway akini, Uhuru Kenyatta, yefṛaḥ s usnerni n lemxaltat yemmezdin ger snat n tmura ladɣa s usenyi n waṭaṣ n lufaqat d umbaddal ur nḥebbes n temliliyin ger yemḍebbṛen n snat n tmura.