Asebter amenzawi

Asenfar n usniles amenḍawan ur yettɛeṭṭil ara ad yeffeɣ i yinagduden (Bouteflika)

LEZZAYER – Asenfar n usniles amenḍawan ‘’ur yettɛeṭṭil ara ad yeffeɣ i yinagduden’’, iswi-s d aḍman n tlelliyin akked lebni n ’’yiwet n tugdut ihennan deg akk tiɣula’’, i d-icar ass n ssebt uselwa n Tegduda, Abdelaziz Bouteflika, Llan iseḍruyen i umi d-yegran ‘’useǧhed akked d ukemmel, ula deg taɣult tasertant akked tinnubeḍt, akked usenfar n usniles amenḍawan ur yettɛeṭṭil ara ad yeffeɣ i yinagduden, ad iwelleh ɣer sdat’’, i d-yenna uselway Bouteflika, deg yiwen n yizen i lmend n usfugel n umulli wis 61 n Tegrawla n 1 wember 1954 Asniles n tmenḍawt yessaram ad yaweḍ ɣer ‘’useǧhed n tdukli taɣelnawt ɣef umezruy-nneɣ, ɣef tmagit-nneɣ akked wayen i yes-s nettamen akked tɣerma-nneɣ’’ akked ‘’usmal n umkan akked ddur n yilmeẓyen sdat wayen ara aɣ-d-iḥettem lqern-a’’. Teḍmeɛ ad yili daɣen, s ’’uḍman-a amaynut’’ yessumer-d ’’aseǧhed n leqder n yizerfan akked tlelliyin n yiɣermanen akked uzarug n teɣdemt’’. Aselway n Tegduda yenna-d dakken ‘’yiwet n tmuɣli’’ iɣef yedda ula d ‘’ aselqey n beṭṭu n umɛiwen n yiduba, akken daɣen ula d agraw ad yesɛu allalen akken ad yezmer ad yurar ddur-is akken yewqem, ula s ucetki s Asqamu amenḍawan’’. Aselway Bouteflika ikemmel yenna-d, deg yiwet n tmuɣli, imahilen n tsuda timenḍawanin n uswaḍ, akked trusi n tsemseddut timziregt n uswaḍ n tefranin, ‘’aya yedda akked lebɣi n uḍman n ufrawan deg akk ayen icudden ɣer tɣawsiwin timeqqranin yerzan ayen yellan d adamsan, azerfan, akked usertan deg tuder taɣelnawt’’. ‘’Ssarameɣ ad yili usniles-a amenḍawan ad yekki ugar deg umhaz n tugdut ihennan deg akk tiɣula, akked ugar n unerni n teẓwer n yisegbaren isertanen, idamsanen akked wid n tmetti n tmurt, i lfayda n uɣref-nneɣ, aɣref d netta i d taɣbalut tayiwnant n tugdut, aɣref d anefray ayiwnan ilelli n tiwḍin ɣer udabu’’, i d-yenna.