ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵏⴼⴰⵔ ⵏ ⵓⵙⵏⵉⵍⴻⵙ ⴰⵎⴻⵏⴹⴰⵡⴰⵏ ⵓⵔ ⵢⴻⵜⵜⵄⴻⵟⵟⵉⵍ ⴰⵔⴰ ⴰⴷ ⵢⴻⴼⴼⴻⵖ ⵉ ⵢⵉⵏⴰⴳⴷⵓⴷⴻⵏ (ⴱⵧⵓⵜⴻⴼⵍⵉⴽⴰ)

ⵍⴻⵣⵣⴰⵢⴻⵔ – ⴰⵙⴻⵏⴼⴰⵔ ⵏ ⵓⵙⵏⵉⵍⴻⵙ ⴰⵎⴻⵏⴹⴰⵡⴰⵏ ‘’ⵓⵔ ⵢⴻⵜⵜⵄⴻⵟⵟⵉⵍ ⴰⵔⴰ ⴰⴷ ⵢⴻⴼⴼⴻⵖ ⵉ ⵢⵉⵏⴰⴳⴷⵓⴷⴻⵏ’’, ⵉⵙⵡⵉ-ⵙ ⴷ ⴰⴹⵎⴰⵏ ⵏ ⵜⵍⴻⵍⵍⵉⵢⵉⵏ ⴰⴽⴽⴻⴷ ⵍⴻⴱⵏⵉ ⵏ ’’ⵢⵉⵡⴻⵜ ⵏ ⵜⵓⴳⴷⵓⵜ ⵉⵀⴻⵏⵏⴰⵏ ⴷⴻⴳ ⴰⴽⴽ ⵜⵉⵖⵓⵍⴰ’’, ⵉ ⴷ-ⵉⵛⴰⵔ ⴰⵙⵙ ⵏ ⵙⵙⴻⴱⵜ ⵓⵙⴻⵍⵡⴰ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵍⵍⴰⵏ ⵉⵙⴻⴹⵔⵓⵢⴻⵏ ⵉ ⵓⵎⵉ ⴷ-ⵢⴻⴳⵔⴰⵏ ‘’ⵓⵙⴻⴵⵀⴻⴷ ⴰⴽⴽⴻⴷ ⴷ ⵓⴽⴻⵎⵎⴻⵍ, ⵓⵍⴰ ⴷⴻⴳ ⵜⴰⵖⵓⵍⵜ ⵜⴰⵙⴻⵔⵜⴰⵏⵜ ⴰⴽⴽⴻⴷ ⵜⵉⵏⵏⵓⴱⴻⴹⵜ, ⴰⴽⴽⴻⴷ ⵓⵙⴻⵏⴼⴰⵔ ⵏ ⵓⵙⵏⵉⵍⴻⵙ ⴰⵎⴻⵏⴹⴰⵡⴰⵏ ⵓⵔ ⵢⴻⵜⵜⵄⴻⵟⵟⵉⵍ ⴰⵔⴰ ⴰⴷ ⵢⴻⴼⴼⴻⵖ ⵉ ⵢⵉⵏⴰⴳⴷⵓⴷⴻⵏ, ⴰⴷ ⵉⵡⴻⵍⵍⴻⵀ ⵖⴻⵔ ⵙⴷⴰⵜ’’, ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ, ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 61 ⵏ ⵜⴻⴳⵔⴰⵡⵍⴰ ⵏ 1 ⵡⴻⵎⴱⴻⵔ 1954 ⴰⵙⵏⵉⵍⴻⵙ ⵏ ⵜⵎⴻⵏⴹⴰⵡⵜ ⵢⴻⵙⵙⴰⵔⴰⵎ ⴰⴷ ⵢⴰⵡⴻⴹ ⵖⴻⵔ ‘’ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⵖⴻⴼ ⵓⵎⴻⵣⵔⵓⵢ-ⵏⵏⴻⵖ, ⵖⴻⴼ ⵜⵎⴰⴳⵉⵜ-ⵏⵏⴻⵖ ⴰⴽⴽⴻⴷ ⵡⴰⵢⴻⵏ ⵉ ⵢⴻⵙ-ⵙ ⵏⴻⵜⵜⴰⵎⴻⵏ ⴰⴽⴽⴻⴷ ⵜⵖⴻⵔⵎⴰ-ⵏⵏⴻⵖ’’ ⴰⴽⴽⴻⴷ ‘’ⵓⵙⵎⴰⵍ ⵏ ⵓⵎⴽⴰⵏ ⴰⴽⴽⴻⴷ ⴷⴷⵓⵔ ⵏ ⵢⵉⵍⵎⴻⵥⵢⴻⵏ ⵙⴷⴰⵜ ⵡⴰⵢⴻⵏ ⴰⵔⴰ ⴰⵖ-ⴷ-ⵉⵃⴻⵜⵜⴻⵎ ⵍⵇⴻⵔⵏ-ⴰ’’. ⵜⴻⴹⵎⴻⵄ ⴰⴷ ⵢⵉⵍⵉ ⴷⴰⵖⴻⵏ, ⵙ ’’ⵓⴹⵎⴰⵏ-ⴰ ⴰⵎⴰⵢⵏⵓⵜ’’ ⵢⴻⵙⵙⵓⵎⴻⵔ-ⴷ ’’ⴰⵙⴻⴵⵀⴻⴷ ⵏ ⵍⴻⵇⴷⴻⵔ ⵏ ⵢⵉⵣⴻⵔⴼⴰⵏ ⴰⴽⴽⴻⴷ ⵜⵍⴻⵍⵍⵉⵢⵉⵏ ⵏ ⵢⵉⵖⴻⵔⵎⴰⵏⴻⵏ ⴰⴽⴽⴻⴷ ⵓⵣⴰⵔⵓⴳ ⵏ ⵜⴻⵖⴷⴻⵎⵜ’’. ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴷ ⴷⴰⴽⴽⴻⵏ ‘’ⵢⵉⵡⴻⵜ ⵏ ⵜⵎⵓⵖⵍⵉ’’ ⵉⵖⴻⴼ ⵢⴻⴷⴷⴰ ⵓⵍⴰ ⴷ ‘’ ⴰⵙⴻⵍⵇⴻⵢ ⵏ ⴱⴻⵟⵟⵓ ⵏ ⵓⵎⵄⵉⵡⴻⵏ ⵏ ⵢⵉⴷⵓⴱⴰ, ⴰⴽⴽⴻⵏ ⴷⴰⵖⴻⵏ ⵓⵍⴰ ⴷ ⴰⴳⵔⴰⵡ ⴰⴷ ⵢⴻⵙⵄⵓ ⴰⵍⵍⴰⵍⴻⵏ ⴰⴽⴽⴻⵏ ⴰⴷ ⵢⴻⵣⵎⴻⵔ ⴰⴷ ⵢⵓⵔⴰⵔ ⴷⴷⵓⵔ-ⵉⵙ ⴰⴽⴽⴻⵏ ⵢⴻⵡⵇⴻⵎ, ⵓⵍⴰ ⵙ ⵓⵛⴻⵜⴽⵉ ⵙ ⴰⵙⵇⴰⵎⵓ ⴰⵎⴻⵏⴹⴰⵡⴰⵏ’’. ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⴽⴻⵎⵎⴻⵍ ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ, ⵉⵎⴰⵀⵉⵍⴻⵏ ⵏ ⵜⵙⵓⴷⴰ ⵜⵉⵎⴻⵏⴹⴰⵡⴰⵏⵉⵏ ⵏ ⵓⵙⵡⴰⴹ, ⴰⴽⴽⴻⴷ ⵜⵔⵓⵙⵉ ⵏ ⵜⵙⴻⵎⵙⴻⴷⴷⵓⵜ ⵜⵉⵎⵣⵉⵔⴻⴳⵜ ⵏ ⵓⵙⵡⴰⴹ ⵏ ⵜⴻⴼⵔⴰⵏⵉⵏ, ‘’ⴰⵢⴰ ⵢⴻⴷⴷⴰ ⴰⴽⴽⴻⴷ ⵍⴻⴱⵖⵉ ⵏ ⵓⴹⵎⴰⵏ ⵏ ⵓⴼⵔⴰⵡⴰⵏ ⴷⴻⴳ ⴰⴽⴽ ⴰⵢⴻⵏ ⵉⵛⵓⴷⴷⴻⵏ ⵖⴻⵔ ⵜⵖⴰⵡⵙⵉⵡⵉⵏ ⵜⵉⵎⴻⵇⵇⵔⴰⵏⵉⵏ ⵢⴻⵔⵣⴰⵏ ⴰⵢⴻⵏ ⵢⴻⵍⵍⴰⵏ ⴷ ⴰⴷⴰⵎⵙⴰⵏ, ⴰⵣⴻⵔⴼⴰⵏ, ⴰⴽⴽⴻⴷ ⵓⵙⴻⵔⵜⴰⵏ ⴷⴻⴳ ⵜⵓⴷⴻⵔ ⵜⴰⵖⴻⵍⵏⴰⵡⵜ’’. ‘’ⵙⵙⴰⵔⴰⵎⴻⵖ ⴰⴷ ⵢⵉⵍⵉ ⵓⵙⵏⵉⵍⴻⵙ-ⴰ ⴰⵎⴻⵏⴹⴰⵡⴰⵏ ⴰⴷ ⵢⴻⴽⴽⵉ ⵓⴳⴰⵔ ⴷⴻⴳ ⵓⵎⵀⴰⵣ ⵏ ⵜⵓⴳⴷⵓⵜ ⵉⵀⴻⵏⵏⴰⵏ ⴷⴻⴳ ⴰⴽⴽ ⵜⵉⵖⵓⵍⴰ, ⴰⴽⴽⴻⴷ ⵓⴳⴰⵔ ⵏ ⵓⵏⴻⵔⵏⵉ ⵏ ⵜⴻⵥⵡⴻⵔ ⵏ ⵢⵉⵙⴻⴳⴱⴰⵔⴻⵏ ⵉⵙⴻⵔⵜⴰⵏⴻⵏ, ⵉⴷⴰⵎⵙⴰⵏⴻⵏ ⴰⴽⴽⴻⴷ ⵡⵉⴷ ⵏ ⵜⵎⴻⵜⵜⵉ ⵏ ⵜⵎⵓⵔⵜ, ⵉ ⵍⴼⴰⵢⴷⴰ ⵏ ⵓⵖⵔⴻⴼ-ⵏⵏⴻⵖ, ⴰⵖⵔⴻⴼ ⴷ ⵏⴻⵜⵜⴰ ⵉ ⴷ ⵜⴰⵖⴱⴰⵍⵓⵜ ⵜⴰⵢⵉⵡⵏⴰⵏⵜ ⵏ ⵜⵓⴳⴷⵓⵜ, ⴰⵖⵔⴻⴼ ⴷ ⴰⵏⴻⴼⵔⴰⵢ ⴰⵢⵉⵡⵏⴰⵏ ⵉⵍⴻⵍⵍⵉ ⵏ ⵜⵉⵡⴹⵉⵏ ⵖⴻⵔ ⵓⴷⴰⴱⵓ’’, ⵉ ⴷ-ⵢⴻⵏⵏⴰ.