Asebter amenzawi

Aselway Bouteflika iger-d tiɣri i yilemẓiyen i lebni n Lezzayer yenneflin ugar

LEZZAYER –Aselway n tegduda Mass Abdelaziz Bouteflika, iger-d tiɣri ass n Ssebt i yilemẓiyen i wakken ad qedcen s wudem urmid i lebni n Lezzayer akken ad tennefli ugar.

“i lmend n unekcum n ikataren isefraken ilemẓiyen ɣer teṛmisin tiwankanin , asirem-iw d ameqran dakken ilemẓiyen-a ad qedcen s wudem urmid deg ayen yerzan lebni n tmurt d usenfli-ines, imi ara ḍefren abrid n yimezwura i d-yewwin tilelli i wemdan d wakal-is azzayri” i d-yenna uselway n Tegduda deg yiwen n yizen i d-yuzen i uɣref, ilmend n usfugel n umulli wis 61 n tnekra n tegrawla ass umenzu n Wember 1954.

Tamenḍawt tamaynutt d asenfar ara d-yeglun s ussemɣeṛ n dduṛ n yilemẓiyen deg umhaz n tmurt”, akken daɣen ara yefk azal i useǧhed n tdukli taɣelnawt deffir umezruy-nneɣ, akked tmagit d wayen i yes-s i yettamen weɣref azzayeri”, akken i d-iwekked uɣella n tmurt.

 I lmend n umenzu n Wember, aselway Bouteflika iger-d tiɣri i tezzayriyin d yizzayriyen meṛṛa, akken ad fken azal i yisrusen n tallit ideg nella, akken i yessefk ad qablen s tebɣest uguren yellan deg webrid-nsen, war ma rran ddehn-nsen i lehdur n wid i yessemɣaren lecɣal, imi wid-nni iswi-nsen d asaged n uɣref, d uṣiweḍ-is s acukku deg tezmert-is “.

“Aqli-yi tḥeqqeɣ dakken aɣref-nneɣ i yesɛan lǧehd d tebɣest imeqranen iwakken ad iqabel uguren, d win i izemren ad yernu s teshel uguren i izemren ara t-id-iqablen tallit-a, imi ara d-yagem seg  imenzayen-is d wid n yimezwura, imenzayen n ssbeṛ d uguccel; akked d tayri n tmurt d uḥuddu n wayen tesɛa d imqeddes ; d uḥareb ɣef tlelli-s d tnaya-ines, akken bɣan llan wuguren “ i d-iwekked uselway Bouteflika.