ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵍⴻⵎⵥⵉⵢⴻⵏ ⵉ ⵍⴻⴱⵏⵉ ⵏ ⵍⴻⵣⵣⴰⵢⴻⵔ ⵢⴻⵏⵏⴻⴼⵍⵉⵏ ⵓⴳⴰⵔ
ⵍⴻⵣⵣⴰⵢⴻⵔ –ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⴳⴻⵔ-ⴷ ⵜⵉⵖⵔⵉ ⴰⵙⵙ ⵏ ⵙⵙⴻⴱⵜ ⵉ ⵢⵉⵍⴻⵎⵥⵉⵢⴻⵏ ⵉ ⵡⴰⴽⴽⴻⵏ ⴰⴷ ⵇⴻⴷⵛⴻⵏ ⵙ ⵡⵓⴷⴻⵎ ⵓⵔⵎⵉⴷ ⵉ ⵍⴻⴱⵏⵉ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⴻⵏⵏⴻⴼⵍⵉ ⵓⴳⴰⵔ.
“ⵉ ⵍⵎⴻⵏⴷ ⵏ ⵓⵏⴻⴽⵛⵓⵎ ⵏ ⵉⴽⴰⵜⴰⵔⴻⵏ ⵉⵙⴻⴼⵔⴰⴽⴻⵏ ⵉⵍⴻⵎⵥⵉⵢⴻⵏ ⵖⴻⵔ ⵜⴻⵕⵎⵉⵙⵉⵏ ⵜⵉⵡⴰⵏⴽⴰⵏⵉⵏ , ⴰⵙⵉⵔⴻⵎ-ⵉⵡ ⴷ ⴰⵎⴻⵇⵔⴰⵏ ⴷⴰⴽⴽⴻⵏ ⵉⵍⴻⵎⵥⵉⵢⴻⵏ-ⴰ ⴰⴷ ⵇⴻⴷⵛⴻⵏ ⵙ ⵡⵓⴷⴻⵎ ⵓⵔⵎⵉⴷ ⴷⴻⴳ ⴰⵢⴻⵏ ⵢⴻⵔⵣⴰⵏ ⵍⴻⴱⵏⵉ ⵏ ⵜⵎⵓⵔⵜ ⴷ ⵓⵙⴻⵏⴼⵍⵉ-ⵉⵏⴻⵙ, ⵉⵎⵉ ⴰⵔⴰ ⴹⴻⴼⵔⴻⵏ ⴰⴱⵔⵉⴷ ⵏ ⵢⵉⵎⴻⵣⵡⵓⵔⴰ ⵉ ⴷ-ⵢⴻⵡⵡⵉⵏ ⵜⵉⵍⴻⵍⵍⵉ ⵉ ⵡⴻⵎⴷⴰⵏ ⴷ ⵡⴰⴽⴰⵍ-ⵉⵙ ⴰⵣⵣⴰⵢⵔⵉ” ⵉ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⵉ ⴷ-ⵢⵓⵣⴻⵏ ⵉ ⵓⵖⵔⴻⴼ, ⵉⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 61 ⵏ ⵜⵏⴻⴽⵔⴰ ⵏ ⵜⴻⴳⵔⴰⵡⵍⴰ ⴰⵙⵙ ⵓⵎⴻⵏⵣⵓ ⵏ ⵡⴻⵎⴱⴻⵔ 1954.
ⵜⴰⵎⴻⵏⴹⴰⵡⵜ ⵜⴰⵎⴰⵢⵏⵓⵜⵜ ⴷ ⴰⵙⴻⵏⴼⴰⵔ ⴰⵔⴰ ⴷ-ⵢⴻⴳⵍⵓⵏ ⵙ ⵓⵙⵙⴻⵎⵖⴻⵕ ⵏ ⴷⴷⵓⵕ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵓⵎⵀⴰⵣ ⵏ ⵜⵎⵓⵔⵜ”, ⴰⴽⴽⴻⵏ ⴷⴰⵖⴻⵏ ⴰⵔⴰ ⵢⴻⴼⴽ ⴰⵣⴰⵍ ⵉ ⵓⵙⴻⴵⵀⴻⴷ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴷⴻⴼⴼⵉⵔ ⵓⵎⴻⵣⵔⵓⵢ-ⵏⵏⴻⵖ, ⴰⴽⴽⴻⴷ ⵜⵎⴰⴳⵉⵜ ⴷ ⵡⴰⵢⴻⵏ ⵉ ⵢⴻⵙ-ⵙ ⵉ ⵢⴻⵜⵜⴰⵎⴻⵏ ⵡⴻⵖⵔⴻⴼ ⴰⵣⵣⴰⵢⴻⵔⵉ”, ⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵓⵖⴻⵍⵍⴰ ⵏ ⵜⵎⵓⵔⵜ.
ⵉⵍⵎⴻⵏⴷ ⵏ ⵓⵎⴻⵏⵣⵓ ⵏ ⵡⴻⵎⴱⴻⵔ, ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⴳⴻⵔ-ⴷ ⵜⵉⵖⵔⵉ ⵉ ⵜⴻⵣⵣⴰⵢⵔⵉⵢⵉⵏ ⴷ ⵢⵉⵣⵣⴰⵢⵔⵉⵢⴻⵏ ⵎⴻⵕⵕⴰ, ⴰⴽⴽⴻⵏ ⴰⴷ ⴼⴽⴻⵏ ⴰⵣⴰⵍ ⵉ ⵢⵉⵙⵔⵓⵙⴻⵏ ⵏ ⵜⴰⵍⵍⵉⵜ ⵉⴷⴻⴳ ⵏⴻⵍⵍⴰ, ⴰⴽⴽⴻⵏ ⵉ ⵢⴻⵙⵙⴻⴼⴽ ⴰⴷ ⵇⴰⴱⵍⴻⵏ ⵙ ⵜⴻⴱⵖⴻⵙⵜ ⵓⴳⵓⵔⴻⵏ ⵢⴻⵍⵍⴰⵏ ⴷⴻⴳ ⵡⴻⴱⵔⵉⴷ-ⵏⵙⴻⵏ, ⵡⴰⵔ ⵎⴰ ⵔⵔⴰⵏ ⴷⴷⴻⵀⵏ-ⵏⵙⴻⵏ ⵉ ⵍⴻⵀⴷⵓⵔ ⵏ ⵡⵉⴷ ⵉ ⵢⴻⵙⵙⴻⵎⵖⴰⵔⴻⵏ ⵍⴻⵛⵖⴰⵍ, ⵉⵎⵉ ⵡⵉⴷ-ⵏⵏⵉ ⵉⵙⵡⵉ-ⵏⵙⴻⵏ ⴷ ⴰⵙⴰⴳⴻⴷ ⵏ ⵓⵖⵔⴻⴼ, ⴷ ⵓⵚⵉⵡⴻⴹ-ⵉⵙ ⵙ ⴰⵛⵓⴽⴽⵓ ⴷⴻⴳ ⵜⴻⵣⵎⴻⵔⵜ-ⵉⵙ “.
“ⴰⵇⵍⵉ-ⵢⵉ ⵜⵃⴻⵇⵇⴻⵖ ⴷⴰⴽⴽⴻⵏ ⴰⵖⵔⴻⴼ-ⵏⵏⴻⵖ ⵉ ⵢⴻⵙⵄⴰⵏ ⵍⴵⴻⵀⴷ ⴷ ⵜⴻⴱⵖⴻⵙⵜ ⵉⵎⴻⵇⵔⴰⵏⴻⵏ ⵉⵡⴰⴽⴽⴻⵏ ⴰⴷ ⵉⵇⴰⴱⴻⵍ ⵓⴳⵓⵔⴻⵏ, ⴷ ⵡⵉⵏ ⵉ ⵉⵣⴻⵎⵔⴻⵏ ⴰⴷ ⵢⴻⵔⵏⵓ ⵙ ⵜⴻⵙⵀⴻⵍ ⵓⴳⵓⵔⴻⵏ ⵉ ⵉⵣⴻⵎⵔⴻⵏ ⴰⵔⴰ ⵜ-ⵉⴷ-ⵉⵇⴰⴱⵍⴻⵏ ⵜⴰⵍⵍⵉⵜ-ⴰ, ⵉⵎⵉ ⴰⵔⴰ ⴷ-ⵢⴰⴳⴻⵎ ⵙⴻⴳ ⵉⵎⴻⵏⵣⴰⵢⴻⵏ-ⵉⵙ ⴷ ⵡⵉⴷ ⵏ ⵢⵉⵎⴻⵣⵡⵓⵔⴰ, ⵉⵎⴻⵏⵣⴰⵢⴻⵏ ⵏ ⵙⵙⴱⴻⵕ ⴷ ⵓⴳⵓⵛⵛⴻⵍ; ⴰⴽⴽⴻⴷ ⴷ ⵜⴰⵢⵔⵉ ⵏ ⵜⵎⵓⵔⵜ ⴷ ⵓⵃⵓⴷⴷⵓ ⵏ ⵡⴰⵢⴻⵏ ⵜⴻⵙⵄⴰ ⴷ ⵉⵎⵇⴻⴷⴷⴻⵙ ; ⴷ ⵓⵃⴰⵔⴻⴱ ⵖⴻⴼ ⵜⵍⴻⵍⵍⵉ-ⵙ ⴷ ⵜⵏⴰⵢⴰ-ⵉⵏⴻⵙ, ⴰⴽⴽⴻⵏ ⴱⵖⴰⵏ ⵍⵍⴰⵏ ⵡⵓⴳⵓⵔⴻⵏ “ ⵉ ⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.
