Asebter amenzawi

Aneɣlaf n yimjahden yerẓem dduṛt taɣelnawt n ccfawat

LEZZAYER TAMANEɣT – Yerẓem uneɣlaf n yimjahden, Tayeb Zitouni, deg Riadh El Feth (Lezzayer Tamaneɣt) dduṛt taɣelnawt n ccfawat i lmend n usfugel n umulli wis 61 n beddu n Tegrawla.

Tadyant ay d-yellan din gan deg-s tazikkent aydeg llant tugniwin ay d-yesskanayen iḥricen yemgerraden n yimenɣi n uɣref adzayri seg wasmi ay d-yebda ussehres (istiɛmaṛ) yerna yennuɣ uɣref akken ad yeḥbes iɣallen n tuḍḍfa armi d imenɣiyen imeqranen ay iga Yigen n Uslelli Aɣelnaw akken ad d-yerr lḥeṛma taɣelnawt yerna ad yessuzef lḥif ɣef uɣref.

Ttiɛad-a ad yeqqim acḥal n wussan, yerna ad ttekkin deg-s yisalayen (mataḥif) seg temnaḍin yemgerraden n tmurt. Tazikkent-a terẓem i ugdud.

Mass Zitouni, wukud yella uneɣlaf n yilemẓiyen d waddal, El-Hadi Ould Ali, yumeṛ ad tebdu teɣlamt (qafila) n temkarḍit yetteddun seg Lezzayern Tamaneɣt. Taɣlamt-a ad teddu ɣer Tbatent, tamaneɣt n Uwras, sakkin, ad teḥbes daɣ deg Tbessa d Tlemsan. Tesɛa teɣlamt-a 2500 n yidlisen n umezruy, ifetrawen d yisura.

Aneɣlaf yefka daɣ lameṛ akken ad d-bdun wussan n Ssinima n temdint n usaru agrawal (tawri) deg Riadh El-Feth, anda ay d-tella yiwet n tzikkent n tfelwiyin (lawaḥat) n tẓuri ay yewwin arraz n aɣelnaw n ussuneɣ (ṛasm) n uɣlif n yilemẓiyen d waddal deg wammasen d yixxamen n yilemẓiyen.

Mass Zitouni yenna-d d akken tadyant-a ad d-tili d tagnit i ugdud adzayri, ladɣa ilemẓiyen, akken « ad rzun ɣef temɣer n tegrawla n Umenzu n Nwembeṛ d usfel ay yefka uɣref adzayri akken ad d-yerr lḥeṛma taɣelnawt », am wakken ay d-yesmekti d akken axeddim ay la tetteg Lezzayer akken ad d-terr taṛcibin-nnes n tegrawla sɣur Fṛansa la yettaẓ ɣer sdat.