ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵢⴻⵔⵥⴻⵎ ⴷⴷⵓⵕⵜ ⵜⴰⵖⴻⵍⵏⴰⵡⵜ ⵏ ⵛⵛⴼⴰⵡⴰⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵔⵥⴻⵎ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⴷⴻⴳ ⵔⵉⴰⴷⵀ ⴻⵍ ⴼⴻⵜⵀ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴷⴷⵓⵕⵜ ⵜⴰⵖⴻⵍⵏⴰⵡⵜ ⵏ ⵛⵛⴼⴰⵡⴰⵜ ⵉ ⵍⵎⴻⵏⴷ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 61 ⵏ ⴱⴻⴷⴷⵓ ⵏ ⵜⴻⴳⵔⴰⵡⵍⴰ.
ⵜⴰⴷⵢⴰⵏⵜ ⴰⵢ ⴷ-ⵢⴻⵍⵍⴰⵏ ⴷⵉⵏ ⴳⴰⵏ ⴷⴻⴳ-ⵙ ⵜⴰⵣⵉⴽⴽⴻⵏⵜ ⴰⵢⴷⴻⴳ ⵍⵍⴰⵏⵜ ⵜⵓⴳⵏⵉⵡⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵢⵉⵎⴻⵏⵖⵉ ⵏ ⵓⵖⵔⴻⴼ ⴰⴷⵣⴰⵢⵔⵉ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵕ) ⵢⴻⵔⵏⴰ ⵢⴻⵏⵏⵓⵖ ⵓⵖⵔⴻⴼ ⴰⴽⴽⴻⵏ ⴰⴷ ⵢⴻⵃⴱⴻⵙ ⵉⵖⴰⵍⵍⴻⵏ ⵏ ⵜⵓⴹⴹⴼⴰ ⴰⵔⵎⵉ ⴷ ⵉⵎⴻⵏⵖⵉⵢⴻⵏ ⵉⵎⴻⵇⵔⴰⵏⴻⵏ ⴰⵢ ⵉⴳⴰ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵃⴻⵕⵎⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵢⴻⵙⵙⵓⵣⴻⴼ ⵍⵃⵉⴼ ⵖⴻⴼ ⵓⵖⵔⴻⴼ.
ⵜⵜⵉⵄⴰⴷ-ⴰ ⴰⴷ ⵢⴻⵇⵇⵉⵎ ⴰⵛⵃⴰⵍ ⵏ ⵡⵓⵙⵙⴰⵏ, ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⵙⴰⵍⴰⵢⴻⵏ (ⵎⴰⵜⴰⵃⵉⴼ) ⵙⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ. ⵜⴰⵣⵉⴽⴽⴻⵏⵜ-ⴰ ⵜⴻⵔⵥⴻⵎ ⵉ ⵓⴳⴷⵓⴷ.
ⵎⴰⵙⵙ ⵣⵉⵜⵧⵓⵏⵉ, ⵡⵓⴽⵓⴷ ⵢⴻⵍⵍⴰ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ-ⵀⴰⴷⵉ ⵧⵓⵍⴷ ⴰⵍⵉ, ⵢⵓⵎⴻⵕ ⴰⴷ ⵜⴻⴱⴷⵓ ⵜⴻⵖⵍⴰⵎⵜ (ⵇⴰⴼⵉⵍⴰ) ⵏ ⵜⴻⵎⴽⴰⵔⴹⵉⵜ ⵢⴻⵜⵜⴻⴷⴷⵓⵏ ⵙⴻⴳ ⵍⴻⵣⵣⴰⵢⴻⵔⵏ ⵜⴰⵎⴰⵏⴻⵖⵜ. ⵜⴰⵖⵍⴰⵎⵜ-ⴰ ⴰⴷ ⵜⴻⴷⴷⵓ ⵖⴻⵔ ⵜⴱⴰⵜⴻⵏⵜ, ⵜⴰⵎⴰⵏⴻⵖⵜ ⵏ ⵓⵡⵔⴰⵙ, ⵙⴰⴽⴽⵉⵏ, ⴰⴷ ⵜⴻⵃⴱⴻⵙ ⴷⴰⵖ ⴷⴻⴳ ⵜⴱⴻⵙⵙⴰ ⴷ ⵜⵍⴻⵎⵙⴰⵏ. ⵜⴻⵙⵄⴰ ⵜⴻⵖⵍⴰⵎⵜ-ⴰ 2500 ⵏ ⵢⵉⴷⵍⵉⵙⴻⵏ ⵏ ⵓⵎⴻⵣⵔⵓⵢ, ⵉⴼⴻⵜⵔⴰⵡⴻⵏ ⴷ ⵢⵉⵙⵓⵔⴰ.
ⴰⵏⴻⵖⵍⴰⴼ ⵢⴻⴼⴽⴰ ⴷⴰⵖ ⵍⴰⵎⴻⵕ ⴰⴽⴽⴻⵏ ⴰⴷ ⴷ-ⴱⴷⵓⵏ ⵡⵓⵙⵙⴰⵏ ⵏ ⵙⵙⵉⵏⵉⵎⴰ ⵏ ⵜⴻⵎⴷⵉⵏⵜ ⵏ ⵓⵙⴰⵔⵓ ⴰⴳⵔⴰⵡⴰⵍ (ⵜⴰⵡⵔⵉ) ⴷⴻⴳ ⵔⵉⴰⴷⵀ ⴻⵍ-ⴼⴻⵜⵀ, ⴰⵏⴷⴰ ⴰⵢ ⴷ-ⵜⴻⵍⵍⴰ ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵏ ⵜⴼⴻⵍⵡⵉⵢⵉⵏ (ⵍⴰⵡⴰⵃⴰⵜ) ⵏ ⵜⵥⵓⵔⵉ ⴰⵢ ⵢⴻⵡⵡⵉⵏ ⴰⵔⵔⴰⵣ ⵏ ⴰⵖⴻⵍⵏⴰⵡ ⵏ ⵓⵙⵙⵓⵏⴻⵖ (ⵕⴰⵙⵎ) ⵏ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴷⴻⴳ ⵡⴰⵎⵎⴰⵙⴻⵏ ⴷ ⵢⵉⵅⵅⴰⵎⴻⵏ ⵏ ⵢⵉⵍⴻⵎⵥⵉⵢⴻⵏ.
ⵎⴰⵙⵙ ⵣⵉⵜⵧⵓⵏⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴷⵢⴰⵏⵜ-ⴰ ⴰⴷ ⴷ-ⵜⵉⵍⵉ ⴷ ⵜⴰⴳⵏⵉⵜ ⵉ ⵓⴳⴷⵓⴷ ⴰⴷⵣⴰⵢⵔⵉ, ⵍⴰⴷⵖⴰ ⵉⵍⴻⵎⵥⵉⵢⴻⵏ, ⴰⴽⴽⴻⵏ « ⴰⴷ ⵔⵣⵓⵏ ⵖⴻⴼ ⵜⴻⵎⵖⴻⵔ ⵏ ⵜⴻⴳⵔⴰⵡⵍⴰ ⵏ ⵓⵎⴻⵏⵣⵓ ⵏ ⵏⵡⴻⵎⴱⴻⵕ ⴷ ⵓⵙⴼⴻⵍ ⴰⵢ ⵢⴻⴼⴽⴰ ⵓⵖⵔⴻⴼ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵃⴻⵕⵎⴰ ⵜⴰⵖⴻⵍⵏⴰⵡⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷ ⴰⴽⴽⴻⵏ ⴰⵅⴻⴷⴷⵉⵎ ⴰⵢ ⵍⴰ ⵜⴻⵜⵜⴻⴳ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴻⵔⵔ ⵜⴰⵕⵛⵉⴱⵉⵏ-ⵏⵏⴻⵙ ⵏ ⵜⴻⴳⵔⴰⵡⵍⴰ ⵙⵖⵓⵔ ⴼⵕⴰⵏⵙⴰ ⵍⴰ ⵢⴻⵜⵜⴰⵥ ⵖⴻⵔ ⵙⴷⴰⵜ.
