Asebter amenzawi

Aselway Bouteflika yesterḥem ɣef tedmi imaɣṛaṣen n wemgaru i weslelluli aɣelnaw

LEZZAYER- Aselway n Tegduda, Abdelaziz Bouteflika, yesteṛḥem ass n lḥedd di tmeqbeṛt imaɣṛaṣen yellan di El Alia (Lezzayer tamanaɣt), ɣef tedmi imeɣṛasen n wemgaru i weslelluli aɣelnaw, almend n wesmekti umulli wis 61 n beddu n tegrawla n umenzu n nubambeṛ 1954.

Mbaɛd mi izul tajlibt n tɛessast n tagdudayant is-d-iqeddmen slam, aselway Bouteflika yessers tameqqunt izeǧǧigen zdat usalay n wesmekti u yeɣṛa-d taṣuṛett n El Fatiḥa seg leqṛan ɣef tidmi n imaɣṛasen uqbel ma ad isellem ɣef tɛellamt taɣelnawt.

Yeḥḍeṛ tamesbanit-agi n usmekti, aselway Useqqamu aɣerfan aɣelnaw (APN), Mohamed-Larbi Ould Khelifa, Aneɣlaf amezwaru, Abdelmalek Sellal, aselway n Useqqamu amendawan, Mourad Medelci, aneɣlaf n ddewla, anemhal n ddiwan n tselwit n tegduda, Ahmed Ouyahia, akk d ujiniṛal n tfekka n yigen, Ahmed Gaid Salah, anmazul uneɣlaf n temḥaddit taɣelnawt, amuqṛan n yigen aɣelnaw aɣerfan (ANP), akk d umaray amatu n tuddsa taɣelnawt n yemǧuhad, Said Abadou, akk d iɛeggalen unabaḍ.