ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵙⵎ ⵍⴻⵣⵣⴰⵢⴻⵔ ⵜⴻⵅⵚⴻⵔ ⵜⵉⵎⵍⵉⵍⵉⵜ-ⵏⵏⴻⵙ ⵎⴳⴰⵍ ⵜⵒ ⵎⴰⵣⴻⵎⴱⴻ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵅⵚⴰⵔ ⵏ ⵓⵙⵎ ⵍⴻⵣⵣⴰⵢⴻⵔ ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵎⴳⴰⵍ ⵜⵒ ⵎⴰⵣⴻⵎⴱⴻ (ⵙ 2 ⵖⴻⵔ 1) ⴷ ⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜ-ⵉⴹⵓⵔⵔ ⴷⴻⴳ ⵓⴽⴻⵎⵎⴻⵍ-ⵏⵏⴻⵙ ⴷⴻⴳ ⵜⴻⵎⵖⵓⵏⵜ (ⵔⴰⴱⵉⵟⴰ) ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⴹⴰⵔ. ⵜⵉⵎⵍⵉⵍⵉⵜ-ⴰ ⵜⴻⵍⵍⴰ-ⴷ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵧⵎⴰⵔ ⵀⴰⵎⴰⴷⵉ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵓⵙⵎ ⵍⴻⵣⵣⴰⵢⴻⵔ, ⵎⵉⵍⵧⵓⴷ ⵀⴰⵎⴷⵉ, ⵉⵡⴻⴽⴽⴻⴷ-ⴷ, ⵓⵇⴱⴻⵍ ⵜⴻⵎⵍⵉⵍⵉⵜ-ⴰ, ⴷ ⴰⴽⴽⴻⵏ « ⵜⴰⵖⵍⴰⵎⵜ-ⵏⵏⴻⵙ ⵜⴻⵣⵎⴻⵔ ⴰⴷ ⵜⴻⵔⴱⴻⵃ ⴷⴻⴳ ⵍⵓⴱⵓⵎⴱⴰⵙⵀⵉ » (ⵜⵉⵎⵍⵉⵍⵉⵜ ⵏ ⵡⵓⵖⴰⵍ), ⵎⴰⵛⴰ ⵛⵛⵖⴻⵍ-ⴰ ⵢⴻⵡⵄⴻⵕ ⵏⴻⵖ, ⴱⵉⵜⵜ, ⴷ ⴰⵡⴻⵣⵖⵉ, ⴷⴻⴼⴼⵉⵔ ⵎⴰ ⵜⴻⵅⵚⴻⵔ ⵜⴻⵖⵍⴰⵎⵜ-ⴰ ⵎⴳⴰⵍ ⵜⵒ ⵎⴰⵣⵎⴱⴻ ⴰⴷ ⵢⵓⵔⴰⵔⴻⵏ ⴷⴻⴳ ⵓⵏⵔⴰⵔ-ⵏⵏⴻⵙ ⴷⴻⴳ ⵜⴻⴳⴷⵓⴷⴰ ⵜⴰⵎⴰⴳⴷⴰⵢⵜ ⵏ ⴽⵓⵏⴳⵓ ⴷⴻⴳ 8 ⵏⵡⴻⵎⴱⴻⵕ.

ⵓⵍⴰ ⵎⴰ ⵖⴰⴱⴻⵏ ⴽⵔⴰ ⵙⴻⴳ ⵢⵉⵎⴰⵔⵉⵔⴻⵏ ⵓⵥⵡⵉⵔⴻⵏ ⵏ ⵓⵙⵎ ⵍⴻⵣⵣⴰⵢⴻⵔ ⴰⵎ ⵔⴰⴱⵉⴻ ⵎⴻⴼⵜⴰⵀ ⴷ ⵛⴰⵔⵍⵧⵓⵙ ⴰⵏⴷⵉⵔⴰ (ⴰⵢ ⵢⴻⵜⵜⵡⴰⵃⴻⴱⵙⴻⵏ ⵙⴻⴳ ⵡⵓⵔⴰⵔ ⵙⴻⴳ ⵍⴻⵄⴹⵉⵍ), ⵓⵔⴰⵔⴻⵏ ⵙ ⵍⴵⴻⵀⴷ ⵢⴻⵔⵏⴰ ⵄⴻⵔⴹⴻⵏ ⴰⴷ ⵙⵙⵉⴳⴷⴻⵏ ⴰⵅⵚⵉⵎ-ⵏⵙⴻⵏ ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ.

ⵎⴰⵛⴰ ⴷ ⵜⵒ ⵎⴰⵣⴻⵎⴱⴻ ⴰⵢ ⵢⵓⵔⴰⵔⴻⵏ ⵅⵉⵔ. ⵙⵏⴰⵜ ⵏ ⵜⵉⴽⴽⴻⵍⵜ ⴰⵢ ⵄⴻⵔⴹⴻⵏ ⴰⴷ ⵙⵙⵉⴷⴼⴻⵏ ⵜⴰⵛⵉⵔⵜ, ⵎⴰⵛⴰ ⵢⴻⵃⴱⴻⵙ-ⵉⵜⵜ-ⵉⴷ ⵓⵄⴻⵙⵙⴰⵙ ⵣⴻⵎⵎⴰⵎⵧⵓⵛⵀⴻ, ⵎⴰⵛⴰ ⵢⴻⵙⵙⴰⵡⴻⴹ ⴽⴰⵍⴰⴱⴰ ⴰⴷ ⵢⴻⵙⵙⵉⴷⴻⴼ ⵉⵙⵡⵉ ⴰⵎⴻⵣⵡⴰⵔⵓ ⴷⴻⴳ ⵜⴻⴷⵇⵉⵇⵜ ⵜⵉⵙ 28.

ⵇⵔⵉⴱ ⴰⵢ ⵢⴻⵔⵏⵉ ⵙⵉⵏⴽⴰⵍⴰ ⵉⵙⵡⵉ ⵡⵉⵙ ⵙⵉⵏ ⴷⴻⴳ ⵜⴻⴷⵇⵉⵇⵜ ⵜⵉⵙ 36, ⵎⵉ ⵢⴻⵎⵇⴰⴱⴰⵍ ⵓⴷⴻⵎ ⵖⴻⵔ ⵡⵓⴷⴻⵎ ⴷ ⵣⴻⵎⵎⴰⵎⵧⵓⵛⵀⴻ.

ⵉⴷⵣⴰⵢⵔⵉⵢⴻⵏ ⴼⵓⵔⵚⴻⵏ ⴰⵍⴰ ⵢⵉⵡⴻⵜ ⵏ ⵜⴻⴳⵏⵉⵜ ⴷⴻⴳ ⵜⴻⴷⵇⵉⵇⵜ ⵜⵉⵙ 38, ⵎⵉ ⵉⵡⴻⵜ ⴼⴻⵔⵀⴰⵜ ⵜⴰⵛⵉⵔⵜ ⵖⴻⵔ ⵢⵉⵙⵡⵉ ⵏ ⵢⵉⵅⵚⵉⵎⴻⵏ, ⵎⴰⵛⴰ ⵢⴻⴹⴹⴻⴼ-ⵉⵜⵜ-ⵉⴷ ⵙ ⵜⴻⴼⵙⴻⵙ ⵓⵄⴻⵙⵙⴰⵙ ⵉⵎⵊⴻⵕⵕⴻⴱ ⴽⵉⴷⵉⴰⴱⴰ.

ⵉⴳⴻⵔⴼⵉⵡⴻⵏ ⵏ ⵎⴰⵣⴻⵎⴱⴻ ⴽⴻⵎⵎⵍⴻⵏ ⴰⵣⴳⴻⵏ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵜ ⵙ 10 ⵏ ⵢⵉⵎⴰⵔⵉⵔⴻⵏ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵥⵥⴻⵄ ⴽⴰⵍⴰⴱⴰ. ⴰⵏⴻⴳⴳⴰⵔⵓ-ⴰ ⵉⴳⴰ ⵜⵓⵛⵛⴹⴰ ⵢⴻⵅⴹⴰⵏ ⴰⴷⴷⴰⵍ ⵢⴻⵔⵏⴰ ⴷ ⴰⵢⴰ ⴰⵢ ⴰⵙ-ⴷ-ⵢⴻⵡⵡⵉⵏ ⵜⴰⴽⴰⵔⴹⴰ ⵜⴰⵡⵔⴰⵖⵜ ⵜⵉⵙ ⵙⵏⴰⵜ ⴷⴻⴳ ⵜⴻⴷⵇⵉⵇⵜ ⵜⵉⵙ 45.

ⵓⵍⴰ ⵎⴰ ⵉⵅⵓⵚⵚ-ⵉⵜⴻⵏ ⵢⵉⵡⴻⵏ, ⵜⵒ ⵎⴰⵣⴻⵎⴱⴻ ⵜⴻⴱⴷⴰ ⴰⵣⴳⴻⵏ ⵡⵉⵙ ⵙⵉⵏ ⵏ ⵜⴻⵎⵍⵉⵍⵉⵜ ⵙ ⵛⵛⴻⵃⵏⴰ-ⵏⵏⵉ ⴰⵢⵢⴻⵙ ⵜⵓⵔⴰⵔ ⴰⵣⴳⴻⵏ ⴰⵎⴻⵣⵡⴰⵔⵓ, ⵢⴻⵔⵏⴰ ⵇⵔⵉⴱ ⴰⵢ ⵜⴻⵙⵙⴰⴷⴻⴼ ⵉⵙⵡⵉ-ⵏⵏⴻⵙ ⵡⵉⵙ ⵙⵉⵏ ⴷⴻⴳ ⵜⴻⵣⵡⴰⵔⴰ ⴽⴰⵏ ⵏ ⵓⵣⴳⴻⵏ.

ⵎⵉ ⵜⴻⵜⵜⵓⵏⴻⴼⴽ ⵜⴽⴰⵔⴹⴰ ⵜⴰⵣⴻⵡⵡⴰⵖⵜ ⵉ ⴻⵍ ⵧⵔⴼⵉ ⵢⴻⵔⵏⴰ ⵜⵚⴰⵃ-ⵉⵜⴻⵏ-ⵉⴷ ⵉ ⵢⵉⴽⵓⵏⴳⵓⵍⵉⵢⴻⵏ ⵜⵢⵉⵜⴰ ⵏ ⵜⴻⵎⵙⴰⵙⵉⵜ. ⴻⵍ ⵧⵔⴼⵉ ⵢⴻⵜⵜⵡⴰⵄⴰⵇⴻⴱ ⵉⵎⵉ ⴰⵢ ⵉⵃⵓⵣⴰ ⵜⴰⵛⵉⵔⵜ ⵙ ⵓⴼⵓⵙ-ⵏⵏⴻⵙ. ⵣⴻⵎⵎⴰⵎⵧⵓⵛⵀⴻ, ⴰⵎⴰⵔⵉⵔ ⵉⵎⵅⴻⵢⵢⴻⵔ ⴰⴽⴽ ⵏ ⵓⵙⵎ ⵍⴻⵣⵣⴰⵢⴻⵔ ⴷⴻⴳ ⵓⵏⵔⴰⵔ, ⵢⴻⵙⵙⴰⵡⴻⴹ ⴰⴷ ⴷ-ⵢⴻⴹⴹⴻⴼ ⵜⵉⵢⵉⵜⴰ ⵏ ⵙⵉⵏⴽⴰⵍⴰ ⵢⴻⵔⵏⴰ ⵢⴻⵇⵇⵉⵎ ⵓⴳⵎⵓⴹ 1 ⵖⴻⵔ 0. ⴷ ⴰⵛⵓ ⴽⴰⵏ, ⵎⵉ ⵢⴻⵔⵏⴰ ⴽⵀⵧⵓⴰⵍⴻⴷ ⵉⴳⴰ ⵜⵓⵛⵛⴹⴰ, ⵜⴻⵜⵜⵓⵏⴻⴼⴽ ⵜⵢⵉⵜⴰ ⵏ ⵜⴻⵎⵇⴰⵙⵉⵜ ⵜⵉⵙ ⵙⵏⴰⵜ ⵉ ⵎⴰⵣⴻⵎⴱⴻ ⴷⴻⴳ ⵜⴻⴷⵇⵉⵇⵜ ⵜⵉⵙ 78, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵓⵥⵡⵉⵔ ⴰⴽⵓⵏⴳⵓⵍⵉ ⵏ ⵙⴰⵎⴰⵜⵜⴰ ⴰⴷ ⵢⴻⵙⵙⵉⴷⴻⴼ ⵉⵙⵡⵉ-ⵏⵏⴻⵙ ⵡⵉⵙ ⵙⵉⵏ.

ⵙⵏⴰⵜ ⵏ ⵜⴻⴷⵇⵉⵇⵉⵏ ⵓⵇⴱⴻⵍ ⵎⴰ ⵜⴼⵓⴽ ⵜⴻⵎⵍⵉⵍⵉⵜ, ⵙⴻⴳⵓⴻⵔ ⵢⴻⵔⵔⴰ-ⴷ ⴰⵙⵙⵉⵔⴻⵎ ⵉ ⵓⵙⵎ ⵍⴻⵣⵣⴰⵢⴻⵔ ⵎⵉ ⵢⴻⵙⵙⴰⴷⴻⴼ ⵉⵙⵡⵉ ⴰⵡⵃⵉⴷ ⵏ ⵜⴻⵖⵍⴰⵎⵜ-ⵏⵏⴻⵙ. ⵙ ⵡⴰⵢⴰ ⴰⵢ ⵜⴼⵓⴽ ⵜⴻⵎⵍⵉⵍⵉⵜ ⵙ 2 ⵖⴻⵔ 1.