ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵔⵢⴰ: ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵍⴰ ⵢⴻⵜⵜⴻⴷⴷⵓ ⵖⴻⵔ ⵙⴷⴰⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵢⵢⵓⵔ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵜⴻⴽⴽⴰⵔ ⵔⵓⵙⵢⴰ ⵙⴻⴳ ⵢⵉⴳⴻⵏⵏⵉ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴷⴻⴳ ⵙⵓⵔⵢⴰ, ⵢⴻⵔⵏⴰ ⵜⴽⴻⵎⵎⴻⵍ, ⴰⵙⵙ ⵏ ⵙⵙⴻⴱⵜ, ⵜⵉⴷⴷⵉⵜ-ⵏⵏⴻⵙ ⵖⴻⵔ ⵙⴷⴰⵜ ⴷⴻⴳ ⵓⵏⵔⴰⵔ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵍⴻⵎⵛⴰⵡⵕⴰⵜ ⵜⵉⴳⵔⴰⵖⵍⴰⵏⵉⵏ ⵏ ⵠⵉⴻⵏⵏⴰ ⵖⴻⴼ ⵜⴰⵍⵓⴼⵜ ⵏ ⵙⵓⵔⵢⴰ (ⵢⴻⵔⵏⴰ ⵜⴻⵜⵜⴻⴽⴽⴰ ⴷⴻⴳ-ⵙ ⵉⵕⴰⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ) ⴼⵔⴰⵏⵜ ⵙ ⵓⵎⵙⴻⴼⵀⴰⵎ ⴷ ⴰⴽⴽⴻⵏ ⴰⴽⴰⵍ ⴰⵙⵓⵔⵉ ⴰⴷ ⵢⴻⵇⵇⵉⵎ ⵢⴻⴷⴷⵓⴽⴽⴻⵏ.
ⵎⵓⵙⴽⵓ ⵜⴻⴱⴷⴰ-ⴷ, ⴰⵙⵙ ⵏ 30 ⵛⵜⴻⵎⴱⴻⵕ ⵜⴰⵃⴻⵎⵍⴰ ⵏ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵎⴳⴰⵍ ⵢⵉⵔⴻⴱⵔⴰⴱⴻⵏ ⵏ ⵙⵓⵔⵢⴰ, ⵢⴻⵔⵏⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵊⵉⵏⵉⵕⴰⵍ ⴰⵏⴷⵔⴻⵉ ⴽⴰⵔⵜⴰⵒⵧⵍⵧⵠ, ⵉⵖⴻⴼ ⵏ ⵜⵎⴻⵀⵍⴰ (ⵄⴰⵎⴰⵍⵉⵢⵢⴰ) ⵜⴰⵙⴻⵔⴷⴰⵙⴰⵏⵜ, ⵉⵔⵓⵙⵉⵢⴻⵏ ⵡⵜⴻⵏ 1623 ⵏ « ⵢⵉⵙⵡⴰⵏ ⵉⵔⴻⴱⵔⴰⴱⴻⵏ » ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴱⴷⴰ ⵛⵛⵖⴻⵍ-ⴰ, ⴰⵎ ⵡⴰⴽⴽⴻⵏ ⴰⵢ ⵜⵜⴻⵡⵜⴻⵏ 786 ⵏ ⵢⵉⴳⵔⵉⵔⴻⵏ ⵉⵙⴻⵔⴷⴰⵙⴰⵏⴻⵏ, 371 ⵏ ⵜⵍⴻⴳⴳⵉⵢⵉⵏ (ⴵⵓⵙⵓⵔ) ⵢⴻⵜⵜⵡⴰⵙⴵⴻⵀⴷⴻⵏ, 249 ⵏ ⵢⵉⵎⵓⴽⴰⵏ ⵏ ⵓⵏⵣⴰⴹ ⴷ 35 ⵏ ⵜⵏⴻⵎⵙⴰⵍ ⴰⵢⴷⴻⴳ ⴰⵢ ⴷ-ⵅⴻⴷⴷⵎⴻⵏ ⵜⵉⴽⴻⵕⵕⵓⵙⵉⵏ ⵢⴻⵜⵜⵡⴰⵏⴷⵉⵏ ».
ⵢⴻⵏⵏⴰ-ⴷ ⵓⵊⵉⵏⵉⵕⴰⵍ-ⴰ ⴰⵔⵓⵙⵉ ⴷ ⴰⴽⴽⴻⵏ ⵜⵉⵔⵏⵉ ⵏ ⴰⵍ-ⵏⵧⵙⵔⴰ, ⴰⴼⵓⵔⴽ ⵏ ⵓⵥⴻⴹⴹⴰ ⴰⵔⴻⴱⵔⴰⴱ ⵏ ⴰⵍ-ⵇⴰⵉⴷⴰ ⴷⴻⴳ ⵙⵓⵔⵢⴰ, ⴷ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) » ⵙⵙⴻⵎⵍⴰⵍⴻⵏⵜ ⵉⵖⴰⵍⵍⴻⵏ-ⵏⵙⴻⵏⵜ ⴷⴻⴳ ⵀⴰⵎⴰ ⴰⴽⴽⴻⵏ ⴰⴷ ⵇⴰⴱⵍⴻⵏⵜ ⵉⵖⴰⵍⵍⴻⵏ ⵉⵙⵓⵔⵉⵢⴻⵏ ⴰⵢ ⴷ-ⵢⴻⵎⵎⵖⴻⵏ ⴼⴻⵍⵍ-ⴰⵙⴻⵏⵜ.
ⴷⴻⴳ ⵓⵏⵔⴰⵔ, ⵎⵎⵓⵜⴻⵏ, ⵎⴰ ⵓⵍⴰⵛ, 89 ⵏ ⵢⵉⵎⴷⴰⵏⴻⵏ ⴷⴻⴳ ⵜⵓⵎⵎⵖⵉⵡⵉⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⴷⴻⴳ ⵜⴻⵎⴷⵉⵏⵉⵏ ⵏ ⵃⴰⵍⴰⴱ ⴷ ⴷⵓⵎⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.
ⵜⵉⵢⵉⵜⵉⵡⵉⵏ-ⴰ ⵍⵍⴰⵏⵜ-ⴷ ⴷⴻⴳ ⵡⴰⴽⵓⴷ ⴰⵢⴷⴻⴳ ⵎⵍⴰⵍⴻⵏⵜ ⵜⵎⵓⵔⴰ ⵜⵉⵎⴻⵇⵔⴰⵏⵉⵏ ⴰⵢ ⴷ-ⵜⴻⵔⵣⴰ ⵜⴰⵍⵓⴼⵜ ⵏ ⵙⵓⵔⵢⴰ ⴷⴻⴳ ⵠⵉⴻⵏⵏⴰ ⴰⴽⴽⴻⵏ ⴰⴷ ⵙⵙⵉⵡⵍⴻⵏⵜ ⵖⴻⴼ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ-ⴰ ⴰⵢ ⵢⴻⴳⵍⴰⵏ ⵙ ⵡⵓⴳⴰⵔ ⵏ 250.000 ⵏ ⵢⵉⵎⴷⴰⵏⴻⵏ ⵙⴻⴳ ⵡⴰⵙⵎⵉ ⴰⵢ ⵢⴻⵏⴽⴻⵔ ⵛⵛⵡⴰⵍ 4 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.
