ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⴷⴷⵓ ⵏ ⵜⴻⵎⵍⵉⵍⵉⵜ ⵜⴰⵎⴻⴽⵕⴰⴹⵉⵜ ⵍⴻⵣⵣⴰⵢⴻⵔ, ⵎⴰⵚⴻⵕ ⴷ ⵟⵟⴰⵍⵢⴰⵏ ⵖⴻⴼ ⵍⵉⴱⵢⴰ
ⵍⴻⵣⵣⴰⵢⴻⵔ- ⵍⴻⵛⵖⴰⵍ ⵏ ⵜⴻⵎⵍⵉⵍⵉⵜ ⵜⴰⵎⴻⴽⵕⴰⴹⵉⵜ ⵜⴰⵏⴻⵖⵍⴰⴼⴰⵏⵜ ⵢⴻⵣⴷⵉⵏ ⵍⴻⵣⵣⴰⵢⴻⵔ, ⵎⴰⵚⴻⵕ ⴰⴽⴽ ⴷ ⵟⵟⴰⵍⵢⴰⵏ ⴱⴷⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴰⴽⴽⴻⵏ ⴰⴷ ⵙⵇⴻⵔⴷⵛⴻⵏ ⵜⴰⵍⵓⴼⵜ ⵜⴰⵍⵉⴱⵉⵜ ⴷⴻⴳ ⵓⵙⵓⵔⵔⵉⴼ ⵏ ⵍⴻⵎⵛⴰⵡⵕⴰⵜ ⴷ-ⵢⴻⴹⵕⴰⵏ ⴳⴻⵔ ⵜⵍⴰⵜⴰ ⵏ ⵜⵎⵓⵔⴰ-ⵢⴰⴳⵉ.
ⵜⵉⵎⵍⵉⵍⵉⵜ-ⴰⴳⵉ ⴷ-ⵢⴻⴹⵕⴰⵏ ⴷⴻⴳ ⵡⴻⵅⵅⴰⵎ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ, ⵢⴻⵣⴷⵉⵏ ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵕⵉⴱⵉⵢⵉⵏ, ⵏ ⵜⴷⵓⴽⴽⵍⵉ ⵜⴰⴼⵔⵉⵇⵉⵜ ⴰⴽⴽ ⴷ ⵓⵊⴻⵔⵔⵉⴷ ⴰⵄⵕⴰⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⵏ ⵎⴰⵚⴻⵕ, ⵙⴰⵎⴻⵀ ⵛⵀⵧⵓⴽⵔⵢ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴰⴽⴽ ⴷ ⵡⴻⵎⵄⵉⵡⴻⵏ ⴰⴳⴻⵔⴰⵖⵍⴰⵏ ⵏ ⵟⵟⴰⵍⵢⴰⵏ, ⵒⴰⵧⵍⵧ ⴳⴻⵏⵜⵉⵍⵧⵏⵉ.
ⵉⵏⴻⵖⵍⴰⴼⴻⵏ ⴰⴷ ⵙⵇⴻⵔⴷⵛⴻⵏ ⵍⴰⴷⵖⴰ ⵜⴰⵎⵙⴰⵍⵜ ⵜⴻⵜⵜⵉⴷⵉⵔ ⵍⵉⴱⵢⴰ ⴰⴽⴽ ⴷ ⵜⵜⴰⵡⵉⵍⴰⵜ ⵉⵡⵓⵍⵎⴻⵏ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵓⴷⵉⵡⴻⵏⵏⵉ ⴰⵖⴻⵍⵏⴰⵡ ⴳⴻⵔ ⵢⴰⴽⴽ ⵜⴰⵎⵉⵡⵉⵏ ⵜⵉⵍⵉⴱⵉⵢⵉⵏ ⵉ ⵜⴻⵏⴵⴻⵕ ⵜⵓⴷⴷⵙⴰ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ ⵉ ⵡⴻⵙⴱⴻⴷⴷⵉ ⵓⵏⴰⴱⴰⴹ ⴷⴻⴳ ⴰⵔⴰ ⵣⴷⵉⵏⵜ ⴰⴽⴽ ⵜⴰⵎⵉⵡⵉⵏ ⴷ ⵜⴰⴳⵉ ⵉ ⴷ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⵉⵡⵓⵍⵎⴻⵏ ⵉ ⵜⴰⵍⵓⴼⵜ ⵜⴻⵜⵜⵉⴷⵉⵔ ⵜⵎⵓⵔⵜ-ⴰⴳⵉ.
ⵉⵏⴻⵖⵍⴰⴼⴻⵏ ⵉ ⵜⵍⴰⵜⴰ ⴰⴷ ⵇⴻⵢⵎⴻⵏ ⴷⴰⵖⴻⵏ " ⵜⵉⵡⴰⵖⵉⵢⵉⵏ ⵉⵣⴻⵎⵔⴻⵏ ⴰⴷ ⴷ-ⴼⵔⵓⵔⵅⴻⵏⵜ ⵙⴻⴳ ⵜⴰⵍⵓⴼⵜ-ⴰⴳⵉ ⴰⵔⴰ ⵢⴻⴳⵍⵓⵏ ⵙ ⵜⵎⵓⵔⴰ ⵙ-ⴷ-ⵢⴻⵣⵣⵉⵏ ⴰⴽⴽ ⴷ ⵜⴻⵎⵏⴰⴹⵜ ⵙ ⵓⵎⴰⵜⴰ".
