Asebter amenzawi

Beddu n temlilit tamekṛaḍit Lezzayer, Maṣeṛ d Ṭṭalyan ɣef Libya

LEZZAYER- Lecɣal n temlilit tamekṛaḍit taneɣlafant yezdin Lezzayer, Maṣeṛ akk d Ṭṭalyan bdan ass n letniyen di Lezzayer tamanaɣt akken ad sqerdcen taluft talibit deg usurrif n lemcawṛat d-yeḍṛan ger tlata n tmura-yagi.

Timlilit-agi d-yeḍṛan deg wexxam n weɣlif n tɣawsiwin n wezɣaṛ, yezdin aneɣlaf n tɣawsiwin timaɣṛibiyin, n tdukkli tafriqit akk d ujerrid aɛṛab, Abdelkader Messahel, aneɣlaf n tɣawsiwin n wezɣaṛ n Maṣeṛ, Sameh Choukry, aneɣlaf n tɣawsiwin n wezɣaṛ akk d wemɛiwen ageraɣlan n Ṭṭalyan, Paolo Gentiloni.

Ineɣlafen ad sqerdcen ladɣa tamsalt tettidir Libya akk d ttawilat iwulmen ara yessiwḍen ɣer udiwenni aɣelnaw ger yakk tamiwin tilibiyin i tenǧeṛ tuddsa n waɣlan yeddukklen i wesbeddi unabaḍ deg ara zdint akk tamiwin d tagi i d tifrat tasertant iwulmen i taluft tettidir tmurt-agi.

Ineɣlafen i tlata ad qeymen daɣen " tiwaɣiyin izemren ad d-frurxent seg taluft-agi ara yeglun s tmura s-d-yezzin akk d temnaḍt s umata".