Asebter amenzawi

Timlilit ɣef Libya gar Lezzayer, Maṣer d Ṭṭalyan ass n letniyen deg Lezzayer

LEZZAYER TAMANEɣT – Ad d-tili ass n letniyen deg Lezzayer Tamaneɣt temlilit gar Lezzayer, Maṣer d Ṭṭalyan akken ad d-ssukken tiṭ ɣef tegnit deg Libya, ɣef wakken ay d-yenna yiwen n ulɣu (bayan) n uɣlif n tɣawsiwin n uzɣar.

Timlilit-a d aḥric seg umciweṛ gar kraḍt-a (3) n tmura, yerna ad yettekki deg-s uneɣlaf n tɣawsiwin n Lmeɣreb, Abdelkader Messahel, aneɣlaf amaṣri n tɣawsiwin n uzɣar, Sameh Choukry d uneɣlaf aṭalyani n tɣawsiwin n umyalel (taɛawun), Paolo Gentilonon, ɣef wakken ay d-yenna ulɣu-nni.

« Ineɣlafen-a ad d-ssukken tiṭ ɣef tegnit deg Libya d wayen ay izemren ad yesseɛjel lemcawṛat gar Yilibiyen yerna ad tent-yefru ddaw tecḍaḍt n Yiɣlanen Yeddukklen, s ussebded n unabaḍ (ḥukuma) n tdukli taɣelnawt », ɣef wakken ay d-yerna ulɣu-a.

Ineɣlafen ad faṛsen tagnit-a daɣ akken « ad qeyymen uguren ay izemren ad ḥazen timura tijiratin seg ccwal deg tsertit d tɣellist (amn) n tmurt-a », ɣef wakken ay d-yebder ulɣu-a.