ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴰⵍⴰⵢ ⵏ ⵍⵄⴻⵙⴽⴻⵕ ⵉⴳⴰ-ⴷ ⵜⴰⵣⵉⴽⴽⴻⵏⵜ ⵏ ⵜⵓⴳⵏⵉⵡⵉⵏ ⴷ ⵢⵉⴷⵍⵉⵙⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴳⴰ ⵓⵙⴰⵍⴰⵢ (ⵎⵓⵜⵃⴰⴼ) ⴰⵍⴻⵎⵎⴰⵙ ⵏ ⵢⵉⴳⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵙⵙ ⵏ ⵍⵃⴻⴷⴷ ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵏ ⵜⵓⴳⵏⵉⵡⵉⵏ ⴷ ⵢⵉⴷⵍⵉⵙⴻⵏ ⵉ ⵍⵎⴻⵏⴷ ⵏ ⵓⵎⵓⵍⵍⵉ ⵡⵉⵙ 61 ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.

ⵜⴰⵣⵉⴽⴽⴻⵏⵜ-ⴰ ⵔⵣⴰⵏ-ⴷ ⴼⴻⵍⵍ-ⴰⵙ ⴰⵟⴰⵙ ⵏ ⵎⴻⴷⴷⴻⵏ ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙⴻⵏ ⴷ ⵉⵙⴽⵓⵜⵉⵢⴻⵏ ⴷ ⵢⵉⴱⴰⵍⵎⵓⴷⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ.

ⵜⴰⵣⵉⴽⴽⴻⵏⵜ-ⴰ ⵜⴻⵙⵙⴽⴰⵏⴰⵢ-ⴷ ⵉⵙⵓⵔⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⴷ ⵢⵉⵎⴻⵏⵖⵉⵢⴻⵏ ⵉⵎⴻⵇⵔⴰⵏⴻⵏ ⴰⵢ ⵏⵏⵓⵖⴻⵏ ⵡⴰⵙⴰⴹⴻⵏ (ⴰⴱⵟⴰⵍ) ⵏ ⵜⴻⴳⵔⴰⵡⵍⴰ ⴷⴻⴳ 6 ⵏ ⵜⵡⵉⵍⴰⵢⵉⵏ ⵜⵉⵎⴻⵣⵔⵓⵢⴰⵏⵉⵏ ⵏ ⵜⴰⵍⵍⵉⵜ-ⵏⵏⵉ.

ⵉⵎⴻⵏⵖⵉⵢⴻⵏ-ⴰ ⴷ ⵡⵉⵏ ⵏ ⵍⴵⵓⵕⴼ (1955), ⵡⵉⵏ ⵏ ⵄⵉⵏ ⵣⵣⴰⵏⴰ (1955), ⵡⵉⵏ ⵏ ⵜⵉⵎⴰⵍⴰⵡⵉⵏ ⵓⵣⴻⵍⵍⴰⴳⴻⵏ (1957), ⵡⵉⵏ ⵏ ⴵⴱⴻⵍ ⴱⵓⵍⴻⴳⵕⵓⵏ (1958), ⵡⵉⵏ ⵏ ⴵⴱⴻⵍ ⴱⴻⵛⵛⴰⵕ (1960) ⴷ ⵡⵉⵏ ⵏ ⴵⴱⴻⵍ ⵜⴰⵎⴻⵔ (1959).

ⵜⴰⵣⵉⴽⴽⴻⵏⵜ-ⴰ ⴰⴷ ⵜⴻⵇⵇⵉⵎ ⵙⵏⴰⵜ ⵏ ⵍⴻⴷⵡⵕ ⵢⴻⵔⵏⴰ ⵔⵙⴻⵏⵜ ⴷⴻⴳ-ⵙ ⵜⵓⴳⵏⵉⵡⵉⵏ ⵏ ⵜⴻⴳⵔⴰⵡⵍⴰ, ⵎⴰ ⴷ ⵜⴰⵣⵉⴽⴽⴻⵏⵜ ⵏ ⵢⵉⴷⵍⵉⵙⴻⵏ ⴰⴷ ⵜⴻⵇⵇⵉⵎ ⵙⵉⵏ ⵏ ⵡⵓⵙⵙⴰⵏ, ⵢⴻⵔⵏⴰ ⵔⵙⴻⵏ ⴷⴻⴳ-ⵙ ⵢⵉⴷⵍⵉⵙⴻⵏ ⵓⵔⴰⵏ-ⵜⴻⵏ ⴰⵎⴰ ⴷ ⵉⴷⵣⴰⵢⵔⵉⵢⴻⵏ, ⴰⵎⴰ ⴷ ⵉⴱⴻⵕⵕⴰⵏⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴽⵔⴰ ⵏ ⵢⵉⴷⵍⵉⵙⴻⵏ ⵏ ⵛⵛⴼⴰⵡⴰⵜ ⵏ ⴽⵔⴰⵏ ⵏ ⵡⵓⴷⵎⴰⵡⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⴱⴻⵕⵕⴰⵏⵉⵢⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ ⵏ ⵟⵟⵔⴰⴷ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ (ⵎⴻⵙ’ⵓⵍ) ⵏ ⵜⵏⴰⵔⵉⵜ ⵏ ⵡⴰⵙⵙⴰⵖⴻⵏ ⵉⵏⴰⴳⴷⵓⴷⴻⵏ ⵏ ⵓⵙⴰⵍⴰⵢ-ⵏⵏⵉ, ⵎⵧⴽⵀⵜⴰⵔ ⴰⴽⴽⴰⵛⵀⴻ.

ⵉ ⵍⵎⴻⵏⴷ ⵏ ⵡⴰⵢⴰ, ⵔⵔⴰⵏ ⵜⴰⵊⵎⵉⵍⵜ ⵉ ⵜⵡⴰⵛⵓⵍⵜ ⵏ ⵓⵎⵊⴰⵀⴻⴷ ⵍⵢⴻⵙ ⴷⴻⵔⵔⵉⵛⵀⴻ ⵉⵎⵉ ⴷⴻⴳ ⵓⵅⵅⴰⵎ-ⵏⵏⴻⵙ ⴰⵢ ⴷ-ⵜⴻⵍⵍⴰ ⵜⴻⵎⵍⵉⵍⵉⵜ ⵏ ⵜⴻⴳⵔⴰⵡⵜ ⵏ 22 ⴰⵢ ⴷ-ⵢⴻⵙⵏⴻⴽⵔⴻⵏ ⵜⴰⴳⵔⴰⵡⵍⴰ.