ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⴻⵢⵢⵉ ⵏ ⵍⴻⴱⵍⴰⵏ ⴷⴻⴳ 2016 ⵉ ⵓⵙⵏⴻⵔⵏⵉ ⵏ ⵜⴽⴻⵙⵙⴰⵡⵜ ⵏ ⵜⵣⵉⵣⵡⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⵖⵍⵉⴼ ⵏ ⵜⴼⴻⵍⵍⴰⵃⵜ ⴰⴷ ⴷ-ⵉⵀⴻⵢⵢⵉ ⴷⴻⴳ 2016 ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⵉ ⵓⵙⵏⴻⴼⵍⵉ ⵏ ⵜⴽⴻⵙⵙⴰⵡⵜ ⵏ ⵜⵣⵉⵣⵡⴰ, ⵢⴻⵔⵏⴰ ⵉⵙⵡⴰⵏ ⵉⵎⴻⵇⵔⴰⵏⴻⵏ ⵏ ⵓⵖⴰⵡⴰⵙ-ⴰ ⴷ ⵓⵙⵙⴻⵍⵀⵓ ⵏ ⵍⵖⴻⵍⵍⴰ ⴷ ⵓⵀⴻⵢⵢⵉ ⵏ ⵢⵉⵍⵓⴳⴰⵏ ⴰⴷ ⵢⴻⵜⵜⵡⴰⵇⴰⴷⵔⴻⵏ ⵉ ⵜⵖⴰⵔⴰ ⵏ ⵜⴰⵎⴻⵎⵜ ⴷⴻⴳ ⵍⴻⵣⵣⴰⵢⴻⵔ.

« ⴰⵖⴰⵡⴰⵙ-ⴰ ⴰⴷ ⵢⴻⵙⵙⴻⴵⵀⴻⴷ ⵓⵙⵙⵉⵙⴻⵏ (ⵍⵎⴻⴵⵓⵀⴷⴰⵜ) ⴰⵢ ⴷ-ⵢⴻⵍⵍⴰⵏ ⵉ ⵓⵙⵏⴻⴼⵍⵉ ⵏ ⵓⵃⵔⵉⵛ-ⴰ ⵢⴻⵔⵏⴰ ⴰⴷ ⴷ-ⵢⴻⵙⴱⴰⵏ ⵜⴰⵎⵓⵖⵍⵉ-ⵏⵏⴻⵖ ⵏ ⵓⵣⴻⴽⴽⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵍⵀⵓ ⵏ ⵜⵖⴰⵔⴰ ⵏ ⵍⵖⴻⵍⵍⴰⵜ-ⵏⵏⴻⵖ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵜⴽⴻⵙⵙⴰⵡⵜ ⵏ ⵜⵣⵉⵣⵉⵡⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵓⵎⵢⴰⴳⴻⵔ-ⵏⵏⴻⵙ ⴷ ⵢⵉⵎⴻⴽⵙⴰⵡⴻⵏ ⵏ ⵜⵣⵉⵣⵡⴰ ⴷⴻⴳ ⵜⵎⵓⴳⴻⵔⵜ ⵜⴰⵖⴻⵍⵏⴰⵡⵜ ⵏ ⵜⴰⵎⴻⵎⵜ ⴰⵢ ⴷ-ⵢⴻⵍⵍⴰⵏ ⴳⴰⵔ 22 ⴷ 31 ⵜⵓⴱⴻⵕ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵖⵍⵉⴼ ⵏ ⵜⴼⴻⵍⵍⴰⵃⵜ ⵉⴳⴰ ⵢⴰⴳⵉ ⵜⵉⵎⵍⵉⵍⵉⵢⵉⵏ ⵏ ⵓⵎⵛⵉⵡⴻⵕ ⴷ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⴷ ⵜⵉⴷⴷⵓⴽⵍⵉⵡⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ-ⴰ, ⵢⴻⵔⵏⴰ ⵉⴳⴰ-ⴷ ⵜⵉⴳⵔⴰⵡⵉⵏ ⵏ ⵓⵅⴻⵎⵎⴻⵎ ⴰⴽⴽⴻⵏ ⴰⴷ ⴷ-ⵙⵙⵓⵎⵔⴻⵏⵜ ⵜⵉⴽⵜⴰ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵍⵖⴻⵍⵍⴰ ⴷ ⵜⵖⴰⵔⴰ ⵏ ⵜⴰⵎⴻⵎⵜ ⴰⴽⴽⴻⵏ ⴰⴷ ⵜⵓⵖⴰⵍ ⵍⴻⵣⵣⴰⵢⴻⵔ ⴰⴷ ⵜⴻⵙⵙⴰⴵⴰⵡ ⵜⴰⵎⴻⵎⵜ ⴷⴻⴳ ⵙⵙⵓⵇ ⴰⴳⵔⴰⵖⵍⴰⵏ.

ⴳⴰⵔ ⵜⴻⵎⵙⴰⵍ ⵜⵉⵎⴻⵇⵔⴰⵏⵉⵏ ⴰⵢ ⵢⴻⵔⵣⴰⵏ ⴰⵃⵔⵉⵛ-ⴰ, ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⴻⵏⵏⵓⵍⴼⵓ ⵢⵉⵏⴻⴳⵎⵉ (ⵎⴰⵅⴱⴰⵔ) ⵉ ⵓⵙⵍⴰⴹ ⴷ ⵓⵙⵙⴻⴼⵇⴻⴷ ⵏ ⵜⵖⴰⵔⴰ ⵏ ⵜⴰⵎⴻⵎⵜ ⴷ ⵓⵀⴻⵢⵢⵉ ⵏ ⵢⵉⵍⵓⴳⴰⵏ ⴰⴷ ⵢⴻⵜⵜⵡⴰⵇⴰⴷⴰⵔⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵖⴰⵔⴰ-ⴰ ⴷⴻⴳ ⵍⴻⵣⵣⴰⵢⴻⵔ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵜⴰⴽⴻⵙⵙⴰⵡⵜ ⵏ ⵜⵣⵉⵣⵉⵡⴰ ⵜⴻⵏⵏⴻⴼⵍⵉ ⵙ ⵡⴰⵟⴰⵙ ⴷⴻⴳ 15 ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ ⴰⵢⴷⴻⴳ ⵜⴻⵔⵏⴰ ⵍⵖⴻⵍⵍⴰ ⴰⵎ ⵡⴰⴽⴽⴻⵏ ⴰⵢ ⵔⵏⴰⵏ ⵢⵉⵎⴷⴰⵏⴻⵏ ⴰⵢ ⴷ-ⵢⴻⵍⵀⴰⵏ ⴷ ⵜⴽⴻⵙⵙⴰⵡⵜ-ⴰ. ⴰⵙⵙ-ⴰ, ⵍⴻⵣⵣⴰⵢⴻⵔ ⵜⴻⵙⵄⴰ ⵓⴳⴰⵔ ⵏ 30.000 ⵏ ⵢⵉⵎⴻⴽⵙⴰⵡⴻⵏ ⵏ ⵜⵣⵉⵣⵡⴰ.

ⴰⴼⴰⵔⴻⵙ (ⵉⵏⵜⴰⴵ) ⴰⵖⴻⵍⵏⴰⵡ ⵏ ⵜⴰⵎⴻⵎⵜ ⵢⴻⵡⵡⴻⴹ ⵖⴻⵔ 56.000 ⵏ ⵢⵉⵇⴻⵏⵟⴰⵔⴻⵏ ⴰⵙⴻⴳⴳⴰⵙ-ⴰ, ⵢⴻⵔⵏⴰ ⵢⴻⵏⵇⴻⵙ ⵖⴻⴼ ⵍⴻⵃⵙⴰⴱ ⵏ ⵢⵉⵍⵉⵏⴷⵉ, ⵉⵎⵉ ⴷⴻⴳ 2014, ⴰⴼⴰⵔⴻⵙ ⵢⴻⵡⵡⴻⴹ ⵖⴻⵔ 59.000 ⵏ ⵢⵉⵇⴻⵏⵟⴰⵔⴻⵏ. ⵉⵙⵡⵉ ⵏ ⵓⵖⵍⵉⴼ ⵏ ⵜⴼⴻⵍⵍⴰⵃⵜ ⵏⴻⵜⵜⴰ ⴷ ⴰⵙⵙⵉⵡⴻⴹ ⵏ ⵓⴼⴰⵔⴻⵙ ⵖⴻⵔ 100.000 ⵏ ⵢⵉⵇⴻⵏⵟⴰⵔⴻⵏ ⵙⴻⴳ-ⴰ ⵖⴻⵔ 2020.

ⵎⴻⵏⵖⵉⵔ ⵍⵖⴻⵍⵍⴰ ⵏ ⵜⴰⵎⴻⵎⵜ, ⵍⵍⴰⵏⵜ ⴷⴰⵖ ⵍⵖⴻⵍⵍⴰⵜ ⵏⵉⴹⴻⵏ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵜⴽⴻⵙⵙⴰⵡⵜ ⵏ ⵜⵣⵉⵣⵡⴰ ⴰⵎ ⵜⴰⴳⵔⵉⵙⵜ ⵜⴰⴳⴻⵍⴷⴰⵏⵜ, ⵜⴰⵡⵔⴻⵏⵜ (ⵏ ⵜⵊⴻⴵⴵⵉⴳⵉⵏ), ⵛⵛⵎⴻⵄ ⴷ ⵙⵙⴻⵎ ⵏ ⵜⵣⵉⵣⵡⴰ ⴰⵢ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴰⴽⴽ ⵉ ⵢⵉⴼⴰⵔⵉⵙⴻⵏ (ⵎⴰⵏⵜⵓⴵⴰⵜ) ⵏ ⵓⵛⴻⴱⴱⴻⵃ.