Asebter amenzawi

Arraz ameqran n Tesnasɣalt Takanrart deg Ǧiǧel

ǦIǦEL – 70 n yinaddalen ay yettekkan ass n lḥedd deg Ǧiǧel deg Warraz Ameqran amezwaru n tesnasɣalt takanrart, yerna tella-d temsizzelt-a deg yiwen n umeccaq n 20 n yikilumitren gar tɣiwant n Lɛewwana d temdint n Ǧiǧel.

Timsizzelt-a theyya-tt-id temɣunt n twilayt n « Waddal i wakk medden » s umɛawen d tmehla (mudiriyya) tadigant n yilemẓiyen d waddal i lmend n usfugel n umulli wis 61 n Tegrawla Tadzayrit, yerna ula ma deg temnaḍt tameẓyant kan ay d-tella, maca tella-d d tagnit i tmussni n ccbaḥa n Ǧiǧel.

Tella-d temsizzelt-a deg lḥal yelhan, ɣef tkuṛnict n Ǧiǧel d tizzegzewt icebḥen n yidranen n temnaḍt-a.

Ttejṛiba-a tamezwarut « tella-d d turbiḥt ama seg yidis n uttekki, ama seg win n ussuddes (tanḍim) », ɣef wakken ay aɣ-d-yenna uselway n Temɣunt n Twilayt n « Waddal i wakk medden », Hamid Adjou, deg tmeɣra n tukci n warrazen ay d-yellan sdat uxxam n tɣiwant yerna yeḥdeṛ deg-s uwali, Larbi Merzoug, d yimḍebbren iɣarimen d yiserdasiyen n twilayt.

Igmaḍ itekniyen:

Taggayt n 18-30 n yiseggasen :

1) Abderrahim Chouikh (Ǧiǧel)

2) Houari Laouissi (Ǧiǧel)

3) Mohamed Chabou (Ǧiǧel)

Taggayt 31-40 n yiseggasen :

1) Hacène Cheriguène (Ǧiǧel)

2) Ramdane Kaabare (Lɛenṣer)

3) Seddik Boudraâ (Buṛǧ Ṭhar)

Taggayt 41-50 n yiseggasen:

1) Ahcène Khider (Ǧiǧel)

2) Mouad Fridja (Ǧiǧel)

3) Ahmed Mabrouk (Bni Ḥbibi)

Taggayt 51 n yiseggasen d wugar :

1) Mohamed Boutaleb (Lɛenṣer)

2) Baghdad Bouferroum (Ǧiǧel)

3) Hacène Boukhelfa (Ǧiǧel).