ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵜⵄⴻⴷⴷⵉ ⵖⴻⴼ Ɣⴻⵣⵣⴰ: ⴼⴽⴰⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵜⵜⴱⵓⵜ ⵏⵉⴹⴻⵏ ⵉ ⵛⵛⵕⴻⵄ ⴰⴳⵔⴰⵖⵍⴰⵏ

ⵍⴰ ⵀⴰⵢⴻ – ⵢⴻⴼⴽⴰ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵉⴼⴻⵔⴷⵉⵙⴻⵏ (ⵄⴰⵏⴰⵚⵉⵔ) ⵏⵉⴹⴻⵏ ⴰⵢⵢⴻⵙ ⴰⴷ ⵢⴻⵄⵔⴻⴹ ⴰⴷ ⵉⵛⴰⵕⴻⵄ ⵉⵙⵕⴰⵢⵉⵍ ⵖⴻⴼ ⵓⵜⵄⴻⴷⴷⵉ ⴰⵏⴻⴳⴳⴰⵔⵓ ⴰⵢ ⵜⴳⴰ ⵎⴳⴰⵍ ⵢⵉⵎⴻⵣⴷⴰⵖⴻⵏ ⵏ Ɣⴻⵣⵣⴰ ⵢⴻⵔⵏⴰ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵓⵃⵜⴰⵛ ⵖⴻⴼ ⵡⴰⵢⴻⵏ ⴰⵢ ⵜⴳⴰ ⵉⵙⵕⴰⵢⵉⵍ ⴷⴻⴳ ⵓⵏⴻⴱⴷⵓ ⵏ 2014 ⴷⴻⴳ ⵜⴻⵎⵏⴰⴹⵜ-ⴰ.

ⵎⵉ ⴷ-ⵢⴻⴼⴼⴻⵖ ⵓⵏⴻⵖⵍⴰⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⵉⵢⴰⴷⵀ ⴰⵍ ⵎⴰⵍⵉⴽⵉ, ⵙⴻⴳ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⴽⴰⵔⴰⵎ-ⴰ (ⵎⵉⵍⴰⴼⴼ) ⴰⵎⴰⵢⵏⵓ », ⴷ ⵏⴻⵜⵜⴰ ⴰⵢ ⴷ ⵡⵉⵙ 3 ⴰⵢ ⵢⴻⴼⴽⴰ ⴰⵙⴻⴳⴳⴰⵙ-ⴰ « ⵢⴻⵔⵏⴰ ⵢⴻⵍⵍⴰ ⴷⴻⴳ-ⵙ ⵜⵜⴱⵓⵜ ⵏ ⵜⵎⴻⵏⵖⵉⵡⵜ ⵢⴻⴼⴼⵖⴻⵏ ⵉ ⵛⵛⵕⴻⵄ, ⴰⵙⵙⴻⴷⵔⴻⵎ ⵏ ⵢⵉⵅⵅⴰⵎⴻⵏ ⴷ ⵓⵄⴰⵇⴻⴱ ⵏ ⵎⴻⴷⴷⴻⵏ ⵙ ⵓⵊⴻⵎⵎⴰⵍ ».

« ⵏⴻⴷⴷⴻⵎ ⴷⴰⵖ ⵉⵎⴻⴷⵢⴰⵜⴻⵏ (ⴰⵎⵜⵉⵍⴰ) ⵏ ⵍⵉⵃⴰⵍⴰⵜ ⴰⵢ ⴷ-ⵢⴻⵍⵍⴰⵏ ⴷⴻⴳ 40-ⴰ ⵏ ⵡⵓⵙⵙⴰⵏ ⵉⵏⴻⴳⴳⵓⵔⴰ ⵏ ⵓⵜⵄⴻⴷⴷⵉ ⵉⵙⵕⴰⵢⵉⵍⵉ ⵖⴻⴼ ⵢⵉⴼⴰⵍⴻⵙⵟⵉⵏⵉⵢⴻⵏ ⵓⵔ ⵉⴳⵉⵏ ⴰⵛⴻⵎⵎⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⵜⵖⴻⵎⵙⴰ ⴷⴻⴼⴼⵉⵔ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵜⵉⵎⵡⴻⴽⴽⴻⵍⵜ ⵏ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ, ⴼⴰⵜⵧⵓ ⴱⴻⵏⵙⵧⵓⴷⴰ.

ⵢⴻⵔⵥⴻⵎ ⵛⵛⵕⴻⵄ ⴰⴳⵔⴰⵖⵍⴰⵏ ⵢⵉⵡⴻⵜ ⵏ ⵜⵙⴻⵙⵜⴰⵏⵜ (ⵜⴰⵃⵇⵉⵇ) ⵖⴻⴼ ⵜⴻⵊⵔⵉⵎⵉⵏ ⴰⵢ ⴳⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵏ ⴷⴻⴳ ⵓⵜⵄⴻⴷⴷⵉ-ⵏⵏⵉ ⵏ 50 ⵏ ⵡⵓⵙⵙⴰⵏ ⴰⵢ ⵢⴻⵏⵖⴰⵏ 2100 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵓⵏⴻⴱⴷⵓ ⵏ 2014 ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ. ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵡⵉⴷ ⵢⴻⵎⵎⵓⵜⴻⵏ ⴷ ⵉⵖⴰⵔⵉⵎⴻⵏ.

ⵉⵎⴹⴻⴱⴱⵔⴻⵏ ⵏ ⵛⵛⵕⴻⵄ ⵏ ⵍⴰ ⵀⴰⵢⴻ ⵡⴻⵔⵄⴰⴷ ⵓⵔ ⴷⴷⵉⵏ ⴰⵔⴰ ⵖⴻⵔ ⵓⵎⴽⴰⵏ ⴰⵢⴷⴻⴳ ⴷ-ⵍⵍⴰⵏⵜ ⵜⴻⵊⵔⵉⵎⵉⵏ-ⴰ ⵉⵎⵉ ⴰⵢ ⴰⵙⴻⵏ-ⵜⴻⴳⴷⴻⵍ (ⵜⴻⵎⵏⴻⵄ) ⵉⵙⵕⴰⵢⵉⵍ ⴰⵢⴰ.

« ⵕⴻⴳⴳⵎⴻⵏ-ⴰⵖ ⴷ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵏⴻⵄⵔⵓⴹ-ⵏⵙⴻⵏ ⴰⴽⴽⴻⵏ ⴰⴷ ⴷ-ⴰⵡⵉⵏ ⵜⵜⴻⵙⵔⵉⵃ (…) ⵉ ⵜⴻⵔⵣⵉ (ⵖⴻⴼ ⴼⴰⵍⴻⵙⵟⵉⵏ). ⵏⴻⴽⴽⵏⵉ ⵏⴻⵇⴱⴻⵍ ⴰⴷ ⴷ-ⵔⵣⵓⵏ ⵢⴻⵔⵏⴰ ⵎⴰⵣⴰⵍ-ⴰⵖ ⵍⴰ ⵏⴻⵜⵜⵕⴰⵊⵓ ⵉⴷⵉⵙ ⵉⵙⵕⴰⵢⵉⵍⵉ ⴰⴷ ⵢⴻⵇⴱⴻⵍ ⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵍ ⵎⴰⵍⵉⴽⵉ.

ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵢⴻⵏⵏⵓⵍⴼⴰ-ⴷ ⴷⴻⴳ 2002 ⵢⴻⵔⵏⴰ ⵢⴻⵜⵜⵛⴰⵕⴰⵄ ⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⵏⴳⴻⵔ ⵏ ⵢⵉⵖⴻⵔⴼⴰⵏ, ⵜⵉⵊⵔⵉⵎⵉⵏ ⵎⴳⴰⵍ ⵜⴰⵍⵙⴰ (ⴱⴰⵛⴰⵔⵉⵢⵢⴰ) ⴷ ⵜⴻⵊⵔⵉⵎⵉⵏ ⵏ ⵟⵟⵔⴰⴷ.