ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵍⵀⵓⵏ ⵢⵉⴱⵔⵉⴷⴻⵏ ⴰⴽⴽⴻⵏ ⴰⴷ ⴷ-ⵉⵍⵉⵏ ⵉ ⵍⵎⴻⵏⴷ ⵏ ⵓⴳⴷⵓⴷ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⴼⴽ ⴰⴷ ⵢⴻⴱⴷⴻⴷ ⵓⵡⴰⵏⴰⴽ (ⴷⴷⵓⵍⴰ) ⵉ ⵢⵉⴱⵔⵉⴷⴻⵏ ⴰⴽⴽⴻⵏ ⴰⴷ ⴷ-ⵉⵍⵉⵏ ⵉ ⵍⵎⴻⵏⴷ ⵏ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ.
« ⵢⴻⵙⵙⴻⴼⴽ ⴰⴷ ⵢⴻⴱⴷⴻⴷ ⵓⵡⴰⵏⴰⴽ ⵉ ⵢⵉⴱⵔⵉⴷⴻⵏ ⵢⴻⵔⵏⴰ ⴰⵟⴰⵙ ⵏ ⵜⵜⴰⵡⵉⵍⴰⵜ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵡⴰⵢⴰ, ⴰⵎ ⵡⴰⴽⴽⴻⵏ ⴰⵢ ⵙⵙⵓⵜⵓⵔⴻⵖ ⵙⴻⴳ ⵢⵉⵎⴹⴻⴱⴱⵔⴻⵏ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴰⴷ ⴱⴷⵓⵏ ⴰⵎⴰⵀⵉⵍ (ⴰⵅⴻⴷⴷⵉⵎ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴷ ⵡⴰⵟⴰⵙ ⵙⴻⴳ ⵢⵉⵎⴹⴻⴱⴱⵔⴻⵏ ⵏ ⵓⵖⵍⵉⴼ, ⵉⵡⴰⵍⵉⵢⴻⵏ ⵉⵏⴻⵙⵎⵉⴳⴰⵍⴻⵏ ⴷ ⵢⵉⵎⴹⴻⴱⴱⵔⴻⵏ ⴰⵢ ⴷ-ⵔⵣⴰⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴰⵎ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵢⵉⴱⵔⵉⴷⴻⵏ ⵉⵎⴰⵣⵣⴰⵍⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵓⵜⴻⵡⵡⴻⵍ ⵏ ⵢⵉⴱⵔⵉⴷⴻⵏ ⴷ ⵢⵉⵏⴻⵎⵀⴰⵍⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵏ ⵜⵡⵉⵍⴰⵢⵜ-ⴰ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⵢⴻⵍⵍⴰ « ⵡⵓⴳⵓⵔ ⵏ ⵓⴹⴼⴰⵔ » ⵏ ⵢⵉⵙⴻⵏⴼⴰⵔⴻⵏ, ⵢⴻⵔⵏⴰ ⵉⵃⴻⵜⵜⴻⵜ ⵉⵡⴰⵍⵉⵢⴻⵏ ⵉⵏⴻⵙⵎⵉⴳⴰⵍⴻⵏ (ⵎⴰⵏⴷⵓⴱⵉⵏ) ⴷ ⵢⵉⵙⴻⵍⵡⴰⵢⴻⵏ ⵏ ⵜⵖⵉⵡⴰⵏⵉⵏ ⴰⴽⴽⴻⵏ ⴰⴷ ⵜⵜⴹⴰⴼⴰⵔⴻⵏ ⵉⵙⴻⵏⴼⴰⵔⴻⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵥⴻⴹⴹⴰ ⵏ ⵢⵉⴱⵔⵉⴷⴻⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
« ⵍⵍⴰⵏ ⵡⴰⵀⵉⵍⴻⵏ ⵙ ⵡⴰⵣⴰⵍ-ⵏⵙⴻⵏ ⵜⵜⵡⴰⵙⵙⴻⴼⵔⴰⵏ ⴷⴻⴳ ⵜⵡⵉⵍⴰⵢⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵢⴻⵔⵏⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵎⴰⵀⵉⵍ ⵉ ⵓⵚⴻⴳⴳⴻⵎ ⵏ ⵢⵉⴱⵔⵉⴷⴻⵏ ⵢⴻⴱⴷⴰ ⵢⴻⵙⴼⴰⵢⴷⴰⵢ-ⴷ ⵙⴻⴳ 1999 ⵙⴻⴳ ⵜⵊⴻⵍⵍⴰⴱⵉⵏ ⵜⵉⵎⴻⵇⵔⴰⵏⵉⵏ ⵏ ⵢⵉⴷⵔⵉⵎⴻⵏ.
« ⴷ ⴰⵛⵓ ⴽⴰⵏ, ⵓⵍⴰⵛ ⴰⵎⵄⴰⵡⴻⵏ ⴳⴰⵔ ⵓⵃⵔⵉⵛ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵢⵉⴷⵓⴱⴰ (ⵙⵓⵍⵓⵟⴰⵜ) », ⵖⴻⴼ ⵡⴰⴽⴽⴻⵏ ⴰⵢ ⵢⴻⵙⵃⴰⵙⵙⴻⴼ ⵓⵏⴻⵖⵍⴰⴼ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵍⵍⴰⵏⵜ 590 ⵏ ⵜⴻⴳⵔⴰⵡⵉⵏ ⵏ ⵢⵉⵅⴻⴷⴷⴰⵎⴻⵏ ⴰⵢ ⵢⴻⵜⵜⵔⴻⵇⵇⵉⵄⴻⵏ ⵉⴱⵔⵉⴷⴻⵏ ⴷⴻⴳ ⵜⵎⵓⵔⵜ, ⵢⴻⵔⵏⴰ ⵅⴻⴷⴷⵎⴻⵏ ⵢⴰⵍ ⴰⵙⵙ ⵉ ⵍⵎⴻⵏⴷ ⵏ ⵡⴰⵢⴰ.
« ⴰⴱⵔⵉⴷ ⴷ ⴰⵎⴻⵥⵍⵓ ⴰⵏⴰⴳⴷⵓⴷ (ⵎⴰⵚⵍⴰⵃⴰ ⵄⴰⵎⵎⴰ) ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⵅⴷⴻⵎ ⵙ ⵓⵇⴰⴷⴻⵔ ⵏ ⵜⵖⴰⵔⴰ ⴰⵛⴽⵓ ⴰⵢⴰ ⵢⴻⵇⵇⴻⵏ ⵖⴻⵔ ⵍⴰⵎⴰⵏ ⵏ ⵎⴻⴷⴷⴻⵏ ⵢⴻⵔⵏⴰ ⴷ ⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⴷ-ⵢⴻⵜⵜⵡⴰⵃⴰⵣⴻⵏ ⵉ ⵓⵚⴻⴳⴳⴻⵎ-ⵏⵙⴻⵏ. ⴰⵢⴰ ⵓⵔ ⵢⴻⴼⴼⵉⵖ ⴰⵔⴰ ⵉ ⵍⴻⵄⵡⴰⵢⴻⴷ ⵡⴰⵏⴰⴳ ⴷ ⵍⵡⴰⵊⴻⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⴰⵍⵉ.
