ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴷⵓⵇⵇⴻⵙ ⵏ ⵓⵃⵔⵉⵛ ⵏ ⵓⴽⴻⴼⴼⴰⵢ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵖⵜⴻⵙ (ⵇⴰⵔⵔⴰⵔⴰ) ⵓⵏⴰⴱⴰⴹ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵉⵎⴰⵢⵏⵓⵜⴻⵏ ⴰⴽⴽⴻⵏ ⴰⴷ ⵉⵄⴰⵡⴻⵏ ⵉⵎⴻⴽⵙⴰⵡⴻⵏ ⴷ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵔⵉⵛ ⵏ ⵓⴽⴻⴼⴼⴰⵢ ⵙ ⵓⵄⴰⵡⴻⵏ ⴷⴻⴳ ⵙⵙⵓⵎⴰ ⵏ ⵓⴽⴻⴼⴼⴰⵢ ⴷ ⵓⵙⵙⴻⴱⵖⴻⵙ ⵏ ⵓⵙⵙⴻⴼⵜⵉ ⴷⴻⴳ ⵓⵃⵔⵉⵛ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⵓⵖⵍⵉⴼ ⵏ ⵜⴼⴻⵍⵍⴰⵃⵜ.

ⵉⵃⴻⵣⵣⵉⴱⴻⵏ-ⴰ ⴼⵔⵓⵔⵉⵏ-ⴷ ⵙⴻⴳ ⵍⴻⵎⵛⴰⵡⵕⴰⵜ ⴰⵢ ⵉⴳⴰ ⵓⵖⵍⵉⴼ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⵎⴻⴽⵙⴰⵡⴻⵏ ⵏ ⵜⴼⵓⵏⴰⵙⵉⵏ ⵏ ⵓⴽⴻⴼⴼⴰⵢ ⴷ ⵜⴽⴻⴱⴱⴰⵏⵉⵢⵉⵏ ⵏ ⵓⵃⵔⵉⵛ ⵏ ⵓⴽⴻⴼⴼⴰⵢ.

ⴰⴽⴽⴻⵏ ⴰⴷ ⴼⵔⵓⵏ ⵉⵖⴻⴱⵍⴰⵏ ⵏ ⵢⵉⵎⴻⴽⵙⴰⵡⴻⵏ ⵏ ⵜⴼⵓⵏⴰⵙⵉⵏ ⵏ ⵓⴽⴻⴼⴼⴰⵢ ⵢⴻⵔⵏⴰ ⴰⴷ ⵜⵜⵡⴰⵃⴻⵔⵣⴻⵏ ⵢⵉⵙⵙⴻⴼⵜⵉⵢⴻⵏ ⵢⴻⵍⵍⴰⵏ ⵢⴰⴳⵉ, ⵢⴻⵖⵜⴻⵙ ⵓⵏⴰⴱⴰⴹ ⴰⴷ ⵢⴻⵙⵙⴻⵔⴽⴻⴷ ⵙⵙⵓⵎⴰ ⵏ ⵓⴽⴻⴼⴼⴰⵢ ⴰⵣⴻⴳⵣⴰⵡ ⵏ ⵜⴼⵓⵏⴰⵙⵜ ⴷⴻⴳ 50 ⵏ ⵢⵉⴷⵉⵏⴰⵕⴻⵏ, ⵎⴻⵃⵙⵓⴱ ⴰⴽⴻⴼⴼⴰⵢ-ⴰ ⴰⴷ ⵢⴻⵜⵜⵏⵓⵣⵓ ⵙ 36 ⵏ ⵢⵉⴷⵉⵏⴰⵕⴻⵏ ⵉ ⵍⵍⵓⵣⵉⵏⴰⵜ ⵏ ⵓⴽⴻⴼⴼⴰⵢ, ⵢⴻⵔⵏⴰ ⴰⵡⴰⵏⴰⴽ (ⴷⴷⵓⵍⴰ) ⴰⴷ ⴷ-ⵜⴻⵜⵜⵄⴰⵡⴰⵏ ⵙⵙⵓⵎⴰ-ⴰ ⵙ 14 ⵏ ⵢⵉⴷⵉⵏⴰⵕⴻⵏ. ⵣⵉⴽ, ⵙⵙⵓⵎⴰ ⵏ ⵓⵙⵙⴻⵏⵣⵉ ⵏ ⵓⴽⴻⴼⴼⴰⵢ ⵉ ⵍⵍⵓⵣⵉⵏⴰⵜ ⵜⴻⵍⵍⴰ ⵙ 34 ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⴰⵡⴰⵏⴰⴽ ⵢⴻⵍⵍⴰ ⵢⴻⵜⵜⵄⴰⵡⴰⵏ-ⴷ ⵙ 12 ⵏ ⵢⵉⴷⵉⵏⴰⵕⴻⵏ.

ⵍⴻⵎⵄⴰⵡⵏⴰ ⵏ ⵓⵡⴰⵏⴰⴽ (14 ⵏ ⵢⵉⴷⵉⵏⴰⵕⴻⵏ) ⵜⴻⵍⵍⴰ ⴰⴽⴽⴻⵏ ⴰⴷ ⵜⴻⴳ ⵉⴼⴰⴷⴷⴻⵏ ⵉ ⵢⵉⵎⴻⴽⵙⴰⵡⴻⵏ ⴰⴷ ⴷ-ⵜⵜⴼⴰⵔⴰⵙⴻⵏ (ⵢⵓⵏⵜⵉⴵⵓⵏ) ⴰⴽⴻⴼⴼⴰⵢ ⵢⴻⵍⵀⴰⵏ, ⵣⴻⴷⴷⵉⴳ ⵢⴻⵔⵏⴰ ⵢⵓⴽⵍⴰⵍ ⴰⴷ ⵢⴻⵏⵣ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.

ⵙⵙⵓⵎⴰ-ⴰ ⵜⴰⵎⴰⵢⵏⵓⵜ ⴱⴷⴰⵏ ⵅⴻⴷⴷⵎⴻⵏ ⵢⴻⵙ-ⵙ ⵙⴻⴳ ⵡⴰⵙⵙ ⵏ 2 ⵏⵡⴻⵎⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ, ⴷ ⴰⵛⵓ ⴽⴰⵏ, ⵙⵙⵓⵎⴰ ⵏ ⵜⵛⵓⵍⵍⵉⴹⵜ ⵏ ⵓⴽⴻⴼⴼⴰⵢ ⵢⴻⴼⴼⴻⵙⵜⵔⴻⵏ ⵎⴰⵣⴰⵍ-ⵉⵜⵜ 25 ⵏ ⵢⵉⴷⵉⵏⴰⵕⴻⵏ ⵉ ⵔⵔⵉⵜⵍⴰ.

ⴰⵖⵍⵉⴼ ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵍⵍⵓⵣⵉⵏⴰⵜ ⵏ ⵓⴽⴻⴼⴼⴰⵢ ⴰⴽⴽⴻⵏ ⴰⴷ ⵓⵖⴰⵍⴻⵏⵜ ⴰⴷ ⵙⵏⵓⵣⵓⵢⴻⵏⵜ ⴰⴽⴻⴼⴼⴰⵢ ⴰⵣⴻⴳⵣⴰⵡ ⴷⴻⴳ ⵜⴻⴱⵡⴰⴹⵉⵏ ⵏ ⵜⴻⵜⵔⴰ ⵒⴰⵛⴽ ⵢⴻⵔⵏⴰ ⵙⵄⴰⵏⵜ ⵜⵉⵍⴻⵍⵍⵉ ⴰⴷ ⵜ-ⵙⵙⴻⵏⵣⴻⵏⵜ ⵙ ⵙⵙⵓⵎⴰ ⴰⵢ ⴰⵙⴻⵏⵜ-ⵢⴻⵀⵡⴰⵏ, ⴰⵎ ⵡⴰⴽⴽⴻⵏ ⴰⴷ ⵓⵖⴰⵍⴻⵏⵜ ⴰⴷ ⴷ-ⵅⴻⴷⴷⵎⴻⵏⵜ ⴰⵖⴻⴱⴱⴰⵔ ⵏ ⵓⴽⴻⴼⴼⴰⵢ ⴷⴻⴳ ⵜⴰⵍⵍⵉⵜ ⴰⵢⴷⴻⴳ ⵜⵉⴼⵓⵏⴰⵙⵉⵏ ⵜⵜⴰⴽⴼⴻⵏⵜ-ⴷ ⴰⵟⴰⵙ ⵏ ⵓⴽⴻⴼⴼⴰⵢ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⵍⵉⵏ ⴷ ⵍⴻⵖⵍⴰ ⵏ ⵓⵎⵄⵉⵛ ⵏ ⵍⵎⴰⵍ, ⵢⴻⵏⵏⴰ-ⴷ ⵓⵖⵍⵉⴼ ⴷ ⴰⴽⴽⴻⵏ ⴷ ⴰⵡⴰⵏⴰⴽ ⴰⴷ ⵓⵖⴰⵍⴻⵏ ⴰⴷ ⵢⴻⵜⵜⴰⴽⴼ ⴰⴳⴻⵔⵛⴰⵍ ⴰⵢ ⴷ-ⵢⴻⴽⴽⴰⵏ ⵙⴻⴳ ⵢⵉⵔⴷⴻⵏ ⴰⵢ ⵉⵄⴰⵡⴻⵏ ⵓⵡⴰⵏⴰⴽ ⴷⴻⴳ ⵙⵙⵓⵎⴰ.

ⴷ ⴰⴷⵉⵡⴰⵏ ⴰⴷⵣⴰⵢⵔⵉ ⴰⴳⴻⵔⵙⴰⴷⵓⵔ ⵏ ⵢⵉⵎⴻⵏⴷⵉ (ⵧⴰⵉⵛ) ⴷ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵓⵎⵄⵉⵛ ⵏ ⵍⵎⴰⵍ (ⵧⵏⴰⴱ) ⴰⴷ ⵉⵄⴰⵙⵙⴻⵏ ⵜⵉⵙⵙⵢⴰⵔ ⴰⴽⴽⴻⵏ ⴰⴷ ⴷ-ⵜⵜⴳⴻⵏⵜ ⴰⴳⴻⵔⵛⴰⵍ-ⴰ ⵢⴻⵔⵏⴰ ⴰⴷ ⵇⴰⴷⵔⴻⵏⵜ ⵕⵕⴰⵢ-ⴰ.