ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵕⴰⵍⵉ ⴰⴳⵔⴰⵖⵍⴰⵏ ⵏ ⵍⴻⵣⵣⴰⵢⴻⵔ: ⵢⴻⴱⴷⴰ ⵓⵃⵔⵉⵛ ⴰⵎⴻⵣⵡⴰⵔⵓ ⴷⴻⴳ ⵜⵎⴰⵏⴻⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴷⴰ ⵓⵕⴰⵍⵉ ⴰⴳⵔⴰⵖⵍⴰⵏ ⴰⵎⴻⵣⵡⴰⵔⵓ ⵏ ⵍⴻⵣⵣⴰⵢⴻⵔ, « ⴰⵛⵇⵉⵔⵔⴻⵡ ⵏ ⵓⵏⴻⵥⵔⵓⴼ ⴰⵎⴻⵇⵔⴰⵏ » ⴰⵙⵙ ⵏ ⵍⴻⵜⵏⵉⵢⴻⵏ ⵙⴷⴰⵜ ⵓⵎⵕⴰⵃ ⵏ ⵔⵉⴰⴷⵀ ⴻⵍ ⴼⴻⵜⵀ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵙ ⵓⵃⴷⴰⵕ ⵏ 142 ⵏ ⵢⵉⵏⴻⵀⵀⴰⵕⴻⵏ ⴷ ⵢⵉⵎⴰⵍⴰⵍⴻⵏ-ⵏⵙⴻⵏ, ⵙⴻⴳ 14 ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵥⵔⴰ ⴷⵉⵏ.

ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⵡⵉⵏ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴷ ⵡⵉⵏ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ (ⵙⵉⵢⴰⵃⴰ) ⴰⵎⴰⵔ ⴳⵀⵧⵓⵍ, ⵃⴻⴷⵕⴻⵏ ⴷⵉⵏ ⵖⴻⵔ ⵢⵉⴷⵉⵙ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵃⵓⴷⴷⵓ ⴰⵖⴰⵔⵉⵎ, ⴰⴽⵏⴰⵏⴻⵔ ⵎⵓⵙⵜⴰⵒⵀⴰ ⵍⴰⵀⴱⵉⵔⵉ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵙⵧⵏⴰⵜⵔⴰⵛⵀ, ⴰⵎⵉⵏⴻ ⵎⴰⵣⵧⵓⵣⵉ, ⴰⵏⴻⵎⵀⴰⵍ ⵏ ⵜⵖⴻⵍⵍⵉⵙⵜ ⵜⴰⵏⴰⴳⴷⵓⴷⵜ ⵏ ⵓⵏⵣⴰⴹ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ, ⴰⴽⵏⴰⵏⴻⵔ ⴷⵊⴰⵎⴻⵍ ⵣⴻⴳⵀⵉⴷⴰ, ⴷ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ.

« ⴷⴻⴼⴼⵉⵔ ⵎⴰ ⵜⵖⴰⴱ ⵍⴻⵣⵣⴰⵢⴻⵔ ⴰⵛⵃⴰⵍ, ⵍⴰⴷⵖⴰ ⴷⴻⴳ 10-ⵏⵏⵉ ⵏ ⵢⵉⵙⴻⴳⴳⴰⵙⴻⵏ ⵉⴱⴻⵔⴽⴰⵏⴻⵏ ⴰⵢ ⵉⵄⴻⴷⴷⴰⵏ ⴼⴻⵍⵍ-ⴰⵙ, ⴰⵙⵙ-ⴰ ⵜⴰⵎⵓⵔⵜ-ⵏⵏⴻⵖ ⵜⴻⵔⵔⴰ-ⴷ ⵜⵜⵉⵄⴰⴷ-ⵏⵏⴻⵙ ⴷ ⵜⴻⴷⵢⴰⵏⵜ-ⴰ ⵜⴰⴳⵔⴰⵖⵍⴰⵏⵜ ⵜⴰⵎⴻⵇⵔⴰⵏⵜ, ⵢⴻⵔⵏⴰ ⵍⴻⵣⵣⴰⵢⴻⵔ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⵜⵉⵎⴻⵣⵡⵓⵔⴰ ⴷⴻⴳ ⵓⵎⴻⵣⵔⵓⵢ ⵏ ⵡⴰⵏⴻⵛⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵢ ⴷ-ⵢⴻⵙⵎⴻⴽⵜⵉⵏ ⴷ ⴰⴽⴽⴻⵏ ⵜⴰⴷⵢⴰⵏⵜ-ⴰ ⵜⴻⵍⵍⴰ-ⴷ ⴷⴷⴰⵡ ⵍⴻⵄⵏⴰⵢⴰ ⵜⵓⵏⵏⵉⴳⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵔⵏⴰ ⴰⵢⴰ ⵢⴻⵙⵙⴽⴰⵏⴰⵢ-ⴷ « ⴰⵣⴰⵍ ⴰⵢ ⵢⴻⴼⴽⴰ ⵓⵡⴰⵏⴰⴽ (ⴷⴷⵓⵍⴰ) ⴰⴷⵣⴰⵢⵔⵉ ⵉ ⵓⵕⴰⵍⵉ-ⴰ ».

ⵍⴻⵣⵣⴰⵢⴻⵔ ⵜⴻⵜⵜⴻⴽⴽⴰ ⵙ 6 ⵏ ⵜⴽⴻⵕⵕⵓⵙⵉⵏ ⵏ ⵚⵚⴻⵏⴼ ⵏ 4ⵅ4 (ⴽⵓⵥ ⴷⴻⴳ ⴽⵓⵥ) ⴷ 6 ⵏ ⵢⵉⵎⵓⵟⵓⵜⴻⵏ ⴷⴻⴳ « ⵓⵕⴰⵍⵉ ⵔⴰⵉⴷ », 21 ⵏ ⵢⵉⵎⵓⵟⵓⵜⴻⵏ ⴷ 7 ⵏ ⵜⴽⴻⵕⵕⵓⵙⵉⵏ ⴷⴻⴳ « ⵓⵕⴰⵍⵉ ⵏ ⵜⵉⵍⵍⵓⴳⵏⴰ » (ⵉⵔⴳⴰⵣⴻⵏ/ⵜⵉⵍⴰⵡⵉⵏ), ⴷ 4 ⵏ ⵜⴽⴻⵕⵕⵓⵙⵉⵏ ⴷⴻⴳ ⵜⵙⴻⵎⵙⴻⵍⵜ (ⵚⵉⵖⴰ) ⵏ « ⵛⵀⵔⵧⵏⵧ ».

« ⵎⴻⵏⵖⵉⵔ ⵉⴷⵉⵙ ⴰⵏⴰⴷⴷⴰⵍ ⴷ ⵡⵉⵏ ⵏ ⵜⵎⴻⵔⵔⵉⵜ, ⴰⵎⵙⵉⵣⵡⴻⵔ-ⴰ ⴰⴷ ⴷ-ⵢⵉⵍⵉ ⴷⴰⵖ ⴷ ⵜⴰⴳⵏⵉⵜ ⵉ ⵓⵙⵃⵓⵍⴼⵓ ⵏ ⵎⴻⴷⴷⴻⵏ ⵖⴻⴼ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⵏ ⵓⴱⵔⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵙⴻⴳ ⵢⵉⴷⵉⵙ-ⵏⵏⴻⵙ, ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍⴻⵏ ⵉⵎⴻⴽⵏⴰⵏⴻⵏ, ⵛⵀⵉⵀⴰⴱ ⴱⴰⵍⵧⵓⵍ.

13 ⵏ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵙⵉⵣⵡⴻⵔ-ⴰ: ⵟⵟⴰⵍⵢⴰⵏ, ⵍⵉⴱⵢⴰ, ⵙⵒⴻⵏⵢⵓⵍ, ⴱⵉⵍⵊⵉⴽ, ⵇⴰⵟⴰⵔ, ⴼⵕⴰⵏⵙⴰ, ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ, ⵍⴰⵍⵎⴰⵏ, ⵍⵓⵕⴷⵓⵏ, ⵜⵉⵎⵓⵔⴰ ⵏ ⵡⴰⴷⴷⴰ, ⵜⴰⴳⴷⵓⴷⴰ ⵜⴰⵞⵉⴽⵉⵜ, ⵜⵓⵜⵔⵉⵛⵜ ⴷ ⵏⵓⵕⵡⵉⵊ.

ⵜⵉⵎⵙⵉⵣⵣⴻⵍⵜ-ⴰ ⵜⴻⴱⴹⴰ ⵖⴻⴼ 6 ⵏ ⵢⵉⵃⵔⵉⵛⴻⵏ ⵙⴻⴳ ⵍⴻⵣⵣⴰⵢⴻⵔ ⵖⴻⵔ ⵍⴻⵖⵡⴰⵟ. ⴰⴷ ⵜⵄⴻⴷⴷⵉ ⵖⴻⴼ 1770 ⵏ ⵢⵉⴽⵉⵍⵓⵎⵉⵜⵔⴻⵏ, ⴳⴰⵔ-ⴰⵙⴻⵏ 1210 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴱⵔⵉⴷ ⵏ ⵡⴰⴽⴰⵍ ⴷ 560 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴱⵔⵉⴷ ⵢⴻⵙⵙⴰⵏ.

ⴰⵀⵉⵍ ⵏ « ⵓⵛⵇⵉⵔⵔⴻⵡ ⴰⴳⵔⴰⵖⵍⴰⵏ ⵏ ⵓⵏⴻⵥⵔⵓⴼ ⴰⵎⴻⵇⵔⴰⵏ » ⵙⴻⴳ 2 ⵖⴻⵔ 7 ⵏⵡⴻⵎⴱⴻⵕ:

2 ⵏⵡⴻⵎⴱⴻⵕ : ⴱⴻⴷⴷⵓ ⵏ ⵓⵃⵔⵉⵛ 1ⵓ: ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵍⴻⵖⵡⴰⵟ (380 ⵏ ⵢⵉⴽⵉⵍⵓⵎⵉⵜⵔⴻⵏ/ ⴰⴱⵔⵉⴷ ⵢⴻⵙⵙⴰⵏ ⴻⵜ ⴰⴱⵔⵉⴷ ⵏ ⵡⴰⴽⴰⵍ)

3 ⵏⵡⴻⵎⴱⴻⵕ : ⴱⴻⴷⴷⵓ ⵏ ⵓⵃⵔⵉⵛ ⵡⵉⵙ 2: ⵍⴻⵖⵡⴰⵟ - ⵍⴻⵎⵏⵉⵄⴰ (360 ⵏ ⵢⵉⴽⵉⵍⵓⵎⵉⵜⵔⴻⵏ/ⴰⴱⵔⵉⴷ ⵏ ⵡⴰⴽⴰⵍ)

4 ⵏⵡⴻⵎⴱⴻⵕ : ⴱⴻⴷⴷⵓ ⵏ ⵓⵃⵔⵉⵛ ⵡⵉⵙ 3: ⵍⴻⵎⵏⵉⵄⴰ - ⵜⵉⵎⵉⵎⵓⵏ (250 ⵏ ⵢⵉⴽⵉⵍⵓⵎⵉⵜⵔⴻⵏ/ⴰⴱⵔⵉⴷ ⵏ ⵡⴰⴽⴰⵍ)

5 ⵏⵡⴻⵎⴱⴻⵕ : ⴱⴻⴷⴷⵓ ⵏ ⵓⵃⵔⵉⵛ ⵡⵉⵙ 4: ⵜⵉⵎⵉⵎⵓⵏ - ⵍⴻⴱⵢⵓⴹ ⵙⵉⴷⵉ ⵛⵛⵉⵅ (250 ⵎ/ⴰⴱⵔⵉⴷ ⵏ ⵡⴰⴽⴰⵍ)

6 ⵏⵡⴻⵎⴱⴻⵕ : ⴱⴻⴷⴷⵓ ⵏ ⵓⵃⵔⵉⵛ ⵡⵉⵙ 5: ⵍⴻⴱⵢⵓⴹ ⵙⵉⴷⵉ ⵛⵛⵉⵅ - ⵍⴻⵖⵡⴰⵟ (250 ⵏ ⵢⵉⴽⵉⵍⵓⵎⵉⵜⵔⴻⵏ)

7 ⵏⵡⴻⵎⴱⴻⵕ : ⴱⴻⴷⴷⵓ ⵏ ⵓⵃⵔⵉⵛ ⵡⵉⵙ 6: ⵍⴻⵖⵡⴰⵟ - ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (380 ⵏ ⵢⵉⴽⵉⵍⵓⵎⵉⵜⵔⴻⵏ/ⴰⴱⵔⵉⴷ ⵢⴻⵙⵙⴰⵏ)

8 ⵏⵡⴻⵎⴱⴻⵕ : ⵜⵉⵔⵣⵉ ⵏ ⵓⵃⴻⵡⵡⴻⵙ ⴷ ⵜⵎⴻⵖⵔⴰ ⵏ ⵓⵅⵜⴰⵎ.