ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⵏ ⴷⵓⵎⴰ ⵏ ⵔⵓⵙⵢⴰ ⴰⴷ ⴷ-ⵢⴻⵔⵣⵓ ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⴷ-ⵢⴻⵔⵣⵓ ⵓⵙⴻⵍⵡⴰⵢ ⵏ ⴷⵓⵎⴰ (ⴰⵎⵏⵉ, ⴱⴰⵔⵍⴰⵎⴰⵏ) ⵏ ⵔⵓⵙⵢⴰ, ⵙⴻⵔⴳⵓⴻⵉ ⵏⴰⵔⵢⵛⵀⴽⵉⵏⴻ, ⵖⴻⴼ ⵍⴻⵣⵣⴰⵢⴻⵔ ⵓⵙⵙⴰⵏ ⵏ ⵍⴰⵕⴻⴱⵄⴰ ⴷ ⵍⴻⵅⵎⵉⵙ, ⵙ ⵓⵏⴻⵄⵔⵓⴹ ⵙⵖⵓⵔ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵍⴱⴰⵢⴰⵏ ⵏ ⵓⴳⵔⴰⵡ.
ⵜⵉⵔⵣⵉ-ⴰ « ⵜⴻⴱⴷⴰ-ⴷ ⴰⵙⵓⵔⵉⴼ ⴷ ⴰⵎⴰⵢⵏⵓ ⴷⴻⴳ ⵍⴻⴱⵏⵉ ⵏ ⵢⵉⵛⵓⴷⴷⴰⵏ ⴰⵢ ⵢⴻⵇⵇⵏⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⵢ ⵢⴻⴱⵖⴰⵏ ⴰⴷ ⵙⴵⴻⵀⴷⴻⵏⵜ ⴰⵙⵙⴰⵖⴻⵏ ⵓⵛⵔⵉⴽⴻⵏ, ⵍⴰⴷⵖⴰ ⵙⴻⴳ ⵢⵉⴷⵉⵙ ⴰⵡⴰⵎⵏⵉ (ⴱⴰⵔⵍⴰⵎⴰⵏⵉ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⴱⴰⵢⴰⵏ-ⵏⵏⵉ.
ⴷⴻⴳ ⵓⴷⵉⵡⴻⵏⵏ-ⵏⵙⴻⵏ, « ⴰⴷ ⴷ-ⵙⵙⵓⴽⴽⴻⵏ ⵢⵉⵎⴹⴻⴱⴱⵔⴻⵏ-ⴰ ⵜⵉⵟ ⵖⴻⴼ ⵜⴻⵎⵙⴰⵍ ⵏ ⵓⵎⵄⴰⵡⴻⵏ ⴷ ⵜⵜⴰⵡⵉⵍ ⵏ ⵓⵙⴷⵓⵇⵇⴻⵙ ⵏ ⵓⵎⵄⴰⵡⴻⵏ-ⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵏⵓⵔⴰⵔ ⵏ ⵜⵙⴻⵔⵜⵉⵜ ⴷ ⵜⴷⴰⵎⵙⴰ ⴰⵢⴷⴻⴳ ⴷ-ⵜⵜⵎⴰⴳⴰⵔⴻⵏⵜ ⵙⵏⴰⵜ-ⴰ ⵏ ⵜⵎⵓⵔⴰ ⵓⴳⵓⵔⴻⵏ ⴷ ⵓⵛⵔⵉⴽⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ (ⴱⴰⵢⴰⵏ).
ⴷⴻⴳ ⵡⵓⵙⵙⴰⵏ ⴰⵢⴷⴻⴳ ⴰⴷ ⵜⴻⵇⵇⵉⵎ ⴷⴻⴳ ⵍⴻⵣⵣⴰⵢⴻⵔ, ⴰⴷ ⵜⴻⵎⵍⵉⵍ ⵜⵎⴰⴳⵍⴰ (ⵡⴰⴼⴷ) ⵜⴰⵔⵓⵙⵉⵜ ⴷ ⴽⵔⴰ ⵏ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ ⵏ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⵏⵏⵉ.
